2010年6月2日星期三

假狗

好多人讚我擁有一把健康有光澤,如貓毛般順滑既秀髮~~~~Smiling-Small.gif image by veronica_tsim

讚完之後又會問我用咩牌子洗頭水 + 護髮素? 自問我把頭髮又的確係幾健康!  成年幾無修剪過,又生到咁鬼長,但依然一條開叉都!

其實我並無特別去打理我把已經長到落腰既頭髮,而且我亦會染髮 + 恤髮~

心得就講唔上嘞~ 不過喺度同大家分享我個人少少習慣......

- 基本上我任何牌子洗頭水都會用,甚至超市自家最平既牌子都會用! 多數係睇吓邊個牌子有special offer + 唔太難聞就可以~

(事實上想頭髮健康,係應該間中轉換洗頭水牌子既! );

- 護髮素我係完全唔用既! 因為我好怕果種沖極水都滑劣劣既感覺......;

- 我習慣隔日洗一次頭~ 天氣特別熱時就會日日洗;

- 洗頭後唔用風筒讓頭髮自然乾~ (除非趕住出街啦!);

- 飲食要均衡 (我竟然夠膽死講依句!) 我既意思係 - 唔好因為怕肥 / 唔健康而完全唔汲取脂肪! 因為身體唔夠脂肪會令皮膚 + 頭髮乾枯! 所以適量汲取脂肪係必要既!!

- 每日飲大量清水~ 我好少飲汽水,基本上每日起身後,我係清水 + 綠茶不停輪住來飲! 而且每日一起身 + 臨瞓前2大杯清水,對我來講最重要!

- 我每日最少流頭4、5次,就算全日唔出街都照梳! 起身後 + 臨瞓前依2次最重要~ 可以keep 住頭髮柔順!

不過健康有光澤,如貓毛般順滑既背後,我把秀髮有一個好大既缺點......

就係太幼細 + 太軟嘞!!!!!!!!Sigh-small.gif image by veronica_tsim

當然我唔係話要好似鐵線咁又粗又硬先好......我曾經見過有人有一把及胸既鐵線長髮,尤如Lego 公仔頭髮一樣硬直!  最恐怖係 - 當有風吹過時,佢既頭髮竟然完全唔郁!!  _370.gif image by veronica_tsim

咁頭髮太幼太軟有乜唔好處呢?

1. 髮型好易變扁撻撻,更甚者會好似好少頭髮!!_1284.gif image by veronica_tsim

2. Set 頭時頭髮較難造型~

問題(1)可以選用volume shampoo 來解決,令頭髮增加豐盈感;

問題(2)一般會加假駁髮,或狂噴定型水至頭髮死硬來造型!_1282.gif image by veronica_tsim

早排睇到依個老土電視廣告......


_2404.gif image by veronica_tsim 好似好易用 + 好得咁喎!

 我又買返盒玩吓先!  (哇~ 個包裝老土到吖~~~~~~ )

 雖然同廣告果盒唔同牌子,不過裡面既野完全一模一樣!

而且我依盒又平d又多2隻呢~

返到屋企我試用過,真係得既~  不過並不如廣告示範咁易用!

或者我要多d時間練習吓啦.........



13 則留言:

  1. 你就好啦, 開义都冇 , 我長少少咋, 就開到不得了...
    [版主回覆06/03/2010 04:48:00]妳可以試吓用髮尾油啊~
     
     

    回覆刪除
  2. 我都有用髮尾油 !!!
    k
    [版主回覆06/04/2010 23:56:00]除咗洗頭水之外,其他頭髮產品我都好少用~ 髮尾油我完全無用過!
     
     
     
     

    回覆刪除
  3. Gaileは林家歐巴桑2010年6月2日 下午5:49

    我既頭髮就唔會好似妳咁健康嘞,又好鬼乾...
    台灣同日本出既同依個有d唔同,依邊出既係成舊好似bra墊咁貼係後尾枕,所以出黎既感覺會圓滑d,睇妳依隻係一枝咁,唔知會唔會起角呢
    等我行開POYA睇依邊既買隻俾妳
    [版主回覆06/05/2010 00:00:00]咁又唔會起角,不過要小心整得好好配合埋定型囉~
     
    bra 墊咁款又幾得意喎!
     
     

    回覆刪除
  4. 我d頭髮係幼咪咪咁架, 成日都係扁撻撻咁架
    想學人整頭都無心機, 一拿d頭髮好快散, 除非落定型, 不過我又唔鍾意
    好煩 !!!
    [版主回覆06/04/2010 23:59:00]係啦~ 尤其洗完頭頭髮乾淨就仲加散......
     
     

    回覆刪除
  5. 當有風吹過時,佢既頭髮竟然完全唔郁!! ==>   咁依個人啲頭髮仲鐵線過我喎
     
    我就頭髮太粗硬,妳就頭髮太幼,大家可以撈勻就好囉  不過頭髮太幼又真係成日好似扁晒咁,我媽咪就係咁~
     
    妳買依啲假狗,香港都有得賣呀,前排屈人寺唔記得買邊隻洗頭水都有得送添呀,嗰陣都諗過整番套比彤彤扎公主頭架
    [版主回覆06/04/2010 23:58:00]其實果個人除咗粗硬頭質之外,佢仲係天生卷髮既! 佢後天人工拉直,我相信佢落咗好多定型,所以風吹都唔郁......
     
     

    回覆刪除
  6. 請問係邊到有得買啊。。我想試吓呀。因為啲HAIR太幼,又係成日扁撻撻啊。
    [版主回覆06/04/2010 23:53:00]我住喺英國果喎! 不過樓下有位香港網友話見過屈人寺有得賣~
     
     

    回覆刪除
  7. 我同你完全相反呀.. 頭髮又粗又硬..  整完負離子, 過左一年之後再電再染.. 0的頭髮都係咁粗.. 我個髮型師話我個頭好襟玩..  同埋我髮根好油.. 可能因為我太多脂肪 
    [版主回覆06/04/2010 23:52:00]粗硬髮質通常都會較易出油,妳要用性質乾爽保濕既洗頭水~
     
     

    回覆刪除
  8. 睇完個廣告先知原來係咁用既 !
    [版主回覆06/04/2010 23:36:00]係架~ 如果就咁睇到舊野,都唔知係咩來!
     
     

    回覆刪除
  9. 髮型好易變扁撻撻,更甚者會好似好少頭髮-->我都係同妳一樣頭髮幼
     
    [版主回覆06/04/2010 23:35:00]不過又唔覺妳d頭髮扁喎~
     
     

    回覆刪除
  10. 會唔會穿蹦架?
    [版主回覆06/04/2010 23:35:00]整得好應該唔會既!
     
     

    回覆刪除
  11. Gaileは林家歐巴桑2010年6月4日 下午4:50

    oh 唔記得禁私人回應...快d delete我邊野
    [版主回覆06/05/2010 14:45:00]啱啱起身.....我見到第一時間delete 咗嘞! 不過我要英文地址喎!
     
     
     
     

    回覆刪除
  12. 仲有唔同size+拱型用架? 第一次見呢~~
    [版主回覆06/07/2010 18:19:00]係呀~ 唔同size 配合唔同需要嘛! Tesco 有得賣~
     
     

    回覆刪除
  13. 睇左你BLOG電視廣告!見到盒野.原來我有一盒一樣,係HK買一盒HKD 22呀!唔知佢19.9即港幣幾多錢呢??我覺得用左好似好誇張,都係冇用出街=.="
    [版主回覆07/08/2010 03:58:00]依個唔知係美國定加拿大既電視廣告來架! 大約150蚊港紙左右啦~ 不過我住喺英國架!
     
    我都未用過呀! 我頭髮好似太幼太薄,遮唔哂舊野......
     
     

    回覆刪除

Related Posts Plugin for WordPress, Blogger...