嗡嗡小蜜蜂與"鳳爪" (2010年6月5日)

尋日6月5日星期六天氣超好!
大大太陽不過一滴風都無，所以得23、24度都猛咁標汗~~~~

天氣咁好，好多小蜜蜂出哂來做野......

 肥嘟嘟好可愛既熊蜂 (Red Tailed Bumblebee) 好鬼勤力不停飛來飛去......

 真係好鬼難影! 影咗幾十張先有兩張咁清楚咋!!

 我對住佢不停"咔嚓咔嚓"......我唸佢可能覺得我好煩!

 小肥蜂採緊既依種黃色小花，係英國常見既野花Birdsfoot Trefoil - 牛角花; 又名鳥足三葉草或百脈根~

Birdsfoot 即係鳳爪咁既樣啦!

不過其實我覺得牛角花花型唔靚......

 要一大咋咁襯埋蔥綠草地先靚!

 依種超細粒粉淺藍色小野花係Field Forget-Me-Not (勿忘我)~

 "我很小但我很靚!!"

 超市附近依片草地好多野花仔! 連Buttercups 都有好多~

天氣好時既傍晚，依片草地好多兔仔出沒~ 不過是日正午太陽太勁，兔仔仲未出來......

 不過兔仔之前留低果"幾兩"就周圍都係!

藍天白雲~~~~~

 依大舊白雲十足十一大座雪山喺前面!

題外話......

 星期六一上到車，個呔盤竟然有大個織好咗既蜘蛛網!

老公話星期五放工渣返屋企時係肯定無既!!

咁即係話......果隻蜘蛛一夜之間織好個網;

咁即係話......架車有隻蜘蛛~~~~~~~~

(希望唔係好大隻啦! )