2010年5月3日星期一

久違T.G.I. Friday's (2010年5月1日)

已經唔記得幾耐無去過T.G.I. Friday's 食野嘞!  總之係好耐好耐好耐.......

因為Glasgow 既T.G.I. Friday's 經常爆棚,之前試過有幾次想入去食lunch,但果幾次竟然都要等上45分鐘至粒鐘!!! 我真係睬佢都傻呀~~~~

香港尖沙咀都好似有一間T.G.I. Friday's,不過我未去過; Glasgow 依間呢,我記得以前同其他exes 拍拖時我超憎去T.G.I. Friday's,覺得佢地d野唔好食!

不過自從同老公一齊之後,就覺得依間野都唔錯 + 幾好食喎!!  哈哈~~~~ 好唔好食可能只係睇吓同邊個人一齊食既分別!!!

 咁耐無去過T.G.I.,先知門口多咗架Harley Davidson 比客人影相~ 睇吓我幾型!! 

 上星期"Sons of Anarchy Season 2"啱啱開始,老公又要影埋一份發吓夢!
(_342.gif image by veronica_tsim
 "Sons of Anarchy"係一套有紋身又有電單車黨既美國連續電視劇集~ 我 + 老公Season 1已經開始追,Season 2剛剛上星期三喺英國播出!)

除咗門口多咗架電單車之外,餐廳裡面多咗好多"似是而非"既陳設......

 未來戰士Terminator~ (我覺得麻麻地似...... )

 Jaws 大白鯊??

感覺有少少老翻Planet Hollywood feel......

 老公頭盆 - Boneless Chicken~ (小辣既去骨烤雞胸粒~ 懶人緊係要食無骨啦! )

 我既頭盆 - Buffalo Wings~ (辣辣地既燒雞翼! )

我 + 老公既頭盆都配鮮西芹條 + 藍芝士醬既~
哇~~~~~  個藍芝士醬好味到吖!!_343.gif image by veronica_tsim 好香好好好食!!! 不過就有少少漏......

記得依2個頭盆以前係配sour cream 架! 口味輕好多,不過我鍾意而家既藍芝士醬多d!!

 老公既主菜 - 招牌Jack Daniel’s Ribs~ 

燒排骨比以前進步咗好多!  唔似一般美式餐廳既燒排骨咁 - 似煲完湯咁款; 不過個Jack Daniel 汁稍嫌太甜......

 我既主菜Wicked Chicken~

我份主菜超大碟!!! 有2大個Cajun 燒雞胸; 1碌牛油燒粟米; 雞胸下面有一大pat 飯; 上面一大pat Pico de Gallo (一種將蕃茄、洋蔥、青椒、莞茜全部切碎,再混合青檸汁拌勻,類似salsa 既配菜~)
依大碟野好好食! 不過食完後飽到上心口......_1573.gif image by veronica_tsim

久別既T.G.I. Friday's 好有驚喜!  除咗食物水準進步咗之外,價錢又貴咗,連份量都大份咗好多!

唉~ 英國有乜辦法唔越來越多人overweight 吖???

 老公話我食野食得太慢 ,所以佢比我早食完無聊得滯玩排骨積木!

 最近出親街食飯都玩無聊自拍;

而家老公同我出街時仲袋埋一本好似passport 咁大既無印簿仔......

 佢話由今餐開始,以後每次出街食飯都要畫低我個為食樣喎!



9 則留言:

  1. V女送外賣? 唔係一個油炸鬼白粥、一個星洲米、一個巨無霸加腸蛋......
    [版主回覆05/04/2010 19:07:00]騎得Harley 我就唔洗送外賣啦!
     
     

    回覆刪除
  2. Gaileは林家歐巴桑2010年5月3日 下午5:50

    我都好耐冇去T.G.I. Friday's食啦,對上一次好似兩年前,因為間間都超多人(我都唔明點解,又貴但都係有好多人去)同埋老公對佢地既食物麻麻,所以極少去!!
    妳個為食樣係要記錄低既
    [版主回覆05/04/2010 19:06:00]咁若講到好好食又未輪到TGI~ 妳果邊我唔知水準如何.....
     
    但Glasgow 依間,就算我以前覺得唔好食,都一樣係長期爆滿要等位! 我唸係因為位於City Centre 最旺果條街,而且好多人鍾意裡面既氣氛~
     
    係呀~ 老公話以後出親街食飯,都要畫一個我既為食樣! 佢話要畫滿哂成本簿仔喎!
     
     

    回覆刪除
  3. 香港間T.G.I. Friday's 唔得架, 係香港我會choose Dan Ryan ~
    [版主回覆05/04/2010 19:03:00]Dan Ryan 唔係全球性架! 得香港、台灣 + 新加坡有分店架咋~
     
    我以前覺得T.G.I. 唔好食,所以好憎去~ 不過咁耐無去過,發現佢地進步咗好多!
     
     

    回覆刪除
  4. 同意 catherine.!!
    我都會揀  釘壞人
    [版主回覆05/04/2010 19:01:00]Dan Ryan 係一間好奇怪既餐廳 - 響哂美式餐廳朵,但只得香港、台灣 + 新加坡有分店! 英國無喎,所以我無得揀~
     
     

    回覆刪除
  5. 妳依張為食樣好鬼C得戚喎
     
    我都鐘意食Buffalo Wings,試過係citysuper買一包現成醬返黎整,不過都係出面食嗰啲好味啲
    [版主回覆05/04/2010 18:58:00]因為d野好味嘛! 所以我咪得戚囉~
     
    CitySuper 原來有buffalo wings 賣架! 現成同餐廳新鮮整出來熱辣辣一定有分別架嘞~ 不過用來止口痕當零食都唔錯呀!
     
     

    回覆刪除
  6. 你地兩個個頭盆我都鐘意呀﹗ 不過如果出面食我就食冇骨好的﹐ 因為我食雞翼唔叻要用手食﹌ 你果碟野真係份量勁呀﹗ 你睇下我要打的咩先同你留言?﹗
    [版主回覆05/05/2010 05:21:00]佢果個無骨雞係雞胸粒來架! 我都係鍾意我個雞翼多d~
     
    我果碟直頭大到黐哂線! 食完真係飽到頂上喉嚨.....
     
    妳依個碼係長,不過已經算好清楚嘞! 我唸依咋妳同我一樣估唔到係乜! http://hk.myblog.yahoo.com/veronicams_tsim/article?mid=26913
     
     

    回覆刪除
  7. 我又要食我又要食~~~~~
    [版主回覆05/05/2010 18:04:00]尖沙咀有一間呀,不過我未試過,妳可以帶晴晴去試吓!
     
     

    回覆刪除
  8. 妳老公又畫得幾似
    [版主回覆05/06/2010 21:09:00]似咩? 老公畫既公仔可愛好多~
     
     

    回覆刪除
  9. 咦? 乜英國的美式餐廳會有飯咁得意的?
    [版主回覆05/14/2010 20:09:00]其實西方人都會食飯架! 不過小麥先係佢地主食之嘛~ 佢地仲會用米來做甜品呢!
     
     

    回覆刪除

Related Posts Plugin for WordPress, Blogger...