2010年5月24日星期一

東南亞Fusion Noodle Bar - Wudon (2010年5月22日)


幾個月前朋友問我有無試過West End 新開果間日本野"Wudon"?

其實我 + 老公去親圖書館都會經過依間野,不過多數都已經食飽咗,所以一直都未幫襯過!

剛過既星期六去開圖書館還書,兼攞返上次漏低咗既圖書証,順便去試試依間叫做Wudon既"日本野"......

 裡面裝潢trendy~

但我唔會叫依間做"日本野"~ 因為餐牌上既其實係東南亞fusion 菜!

 先來2杯茉莉綠茶~

 2份分既蝦天婦羅~ 依個好好好好食!!!!  熱辣辣好新鮮,蝦又夠大隻,唔會只得炸粉;

 2份分既鴨春卷~ 麻麻地,我覺得有少少太乾!

 我獨食既壽司拼盆,叫做"Sushi for me"~ 唔錯,但可惜無魚! 要扣分!!!!

 老公既冬蔭雞烏冬~ 依個真係好好好好食!!!!

湯底非常好味之外,烏冬又幼又滑! 正~~~~~~29_3_16.gif image by veronica_tsim

老公食哂烏冬剩低大半碗湯 (佢話太飽飲唔到!),最後碗湯益咗我!

我既西冷牛麵豉湯底綠茶麵~

味道好好,而且綠茶麵好香綠茶香味!  不過湯底太濃好鬼杰,而且綠茶麵煮得過火太淋......

人地間店話到明叫做"Wudon"嘛,早知我又食烏冬啦!!!!!!!!
_1296.gif image by veronica_tsim

依餐雖然有讚有彈,但彈既地方都只係小野,對一向唔鍾意fusion 菜既我來講,overall 依餐係好食既!

 我 + 老公都好滿意,所以一定會再幫襯!

 睇吓我幾鍾意個蝦天婦羅!



7 則留言:

  1. 真係好東南亞fusion呀﹗ 我諗我一定唔鐘意啦喇﹌ 不過個炸蝦真係好過你上次食果間好多好多﹌
    [版主回覆05/24/2010 23:48:00]其實我都唔鍾意fusion 架~ 不過依間個冬蔭湯真係好掂! d烏冬又超滑滑~~~~ 而且個炸蝦真係好正!
     
     
     
     

    回覆刪除
  2. 間唔屎都要試下的新野 ^^ k
    [版主回覆05/24/2010 23:42:00]係呀~ 不過可惜Glasgow 無幾多新野可以試........
     
     

    回覆刪除
  3. 蝦天婦羅睇個樣都好靚,好想食.... 冬蔭雞烏冬 仲吸引我,紅色辣辣就啱我喇
    [版主回覆05/25/2010 19:54:00]個蝦同個冬蔭真係好得! 碗冬蔭烏又酸又辣,唸返起都流口水~~~~~~
     
     

    回覆刪除
  4. 蝦天婦羅個賣相最得
    哈哈, 綠茶麵我就一定唔會試 (個人認為:都幾怪)
    我次次去拉麵店都係叫烏冬, 超好鍾意食烏冬架
    個冬蔭湯底好正喎 , 唔怪得妳可以飲哂
    [版主回覆05/25/2010 19:53:00]綠茶麵我想試好耐架嘞! 中式超市有得賣但好鬼細包好鬼貴......如果依個麵唔係煮到咁鬼淋,其實都好好食架!
     
    佢地個冬蔭真係好鬼正! 下次再去我一定會點依個!!!!
     
     

    回覆刪除
  5. Gaileは林家歐巴桑2010年5月24日 下午7:36

    未食過鴨春捲好特別喎...食sushi有左魚係爭咁d
    個烏冬賣相正喎,妳個綠茶麵真係杰到,唔知放耐d會唔會變啫喱呢
    [版主回覆05/25/2010 19:51:00]依度好多日本fusion 菜都有鴨春卷 / 鴨餃子,但大部份都係配一個好鬼死甜既汁.......
     
    如果個綠茶麵唔係咁杰 + 咁淋的話,其實係幾好食既!
     
     

    回覆刪除
  6. 蝦天婦羅好正呀!
    [版主回覆05/28/2010 20:11:00]依間確係整得好好食!
     
     

    回覆刪除
  7. 碗冬陰公烏冬巧吸引呀~~~~~~肯定好好味呀!!!!
    [版主回覆05/28/2010 20:11:00]碗烏冬真係無得頂!
     
     

    回覆刪除

Related Posts Plugin for WordPress, Blogger...