事隔都唔夠1星期，Beefeater 同依度好多其他餐廳一樣 - 同樣離唔開"再次幫襯就退步"既宿命!
個Grill Combo 一來到我就覺得同上次果個好唔同......
今次d nachos 無紅洋蔥......人地好鍾意食架嘛!!
而且今次塊排骨又無上次咁好味，仲有少少乾呢......
好在其他串燒都保持水準!
依個唔錯! 好脆好香口~ 不過如果用普通炸漿來代替粗粒麵包糠會更好 - 我覺得依隻粗粒麵包糠炸出來太鞋口 + 太乾~
(不過老公話今次依個burger 唔同上次果個喎......我就覺得 - 除咗多咗2個洋蔥圈之外，基本上完全一樣!
)本來我今次想點雜扒餐......
但今次依半隻鴨同上次爭好遠!!! 鴨炆得唔夠腍，肉好硬; 個藍梅汁又孤鬼寒比得好少; 仲有個dauphinoise potato 焗得未夠乾身，所以唔夠香!!!
雖然今次都係叫做好食，但水準的確同上一次相差好遠!
不過有可能因為今次去係星期六，餐廳明顯比上次多好多客人 + 忙好多......
經過今次我同老公決定咗 - 以後再食到一間好味道既餐廳，無論有幾好味都好，都唔可以再一口氣連續幫襯2次!
隔一排先好再幫襯 - 起碼就算水準退步咗都無咁明顯嘛!!!
雖然話啲水準差咗，不過睇妳老公畫妳個樣，妳食得好滿足咁喎~
回覆刪除[版主回覆05/12/2010 01:04:00]佢係我地點菜後等緊果時，憑空想像我個食野樣架!
水準差都整得咁鬼靚o架!
回覆刪除[版主回覆05/12/2010 01:04:00]水準係差過第一次，但其實仍然係好食既!
宿命嚟 ..... 算啦, 下次隔耐d至幫襯
回覆刪除可能第一次的回憶太好
[版主回覆05/12/2010 00:56:00]係啦! 連續去2次既話，第二次一定無咁好食既!
我第一次食 fried Whitebait 覺得好好食好香口.... 但係 再食 Whitebait 係苦架.... 之後就無再食.....
回覆刪除[版主回覆05/12/2010 00:55:00]妳講果隻苦苦地我反而幾鍾意喎! 不過好少見有whitebait 賣........
Edin 好似唔多覺有..... 等我google 下先,
回覆刪除sizzling pub 屋企附近有一間, 都幾抵食ga..你地glas 有冇?
[版主回覆05/12/2010 02:42:00]頭先check 過sizzling pub，Glasgow 有好多間呀! 有間我好耐之前試過~ 等我搵日都去試吓先!
哈哈。。。。您真係一個怪人黎架。。。鍾意食苦野都有。。。 我兩次都係出街食架！ 您唔講我都唔覺， 又真係無見過TESCO 有得買喎。。。
回覆刪除[版主回覆05/12/2010 03:01:00]魚仔果種我覺得係甘甘地嘛~ 幾好食呀!
我知妳係出街食，我話我未見過有得賣啫~ 我間中會去Morrisons 買sprats 炸來食~ 不過就未見過有whitebait 賣......
嘩...一野就睇到差咁d啦!!認命把啦...下次隔耐d同埋唔好weekend去食可能水準又返返黎
回覆刪除[版主回覆05/13/2010 19:20:00]咁依餐都係好食既! 可能因為星期六人多先求其咗少少啫~ 我地仍然會再幫襯!
今次個張相睇落比之前果張D野食好似仲要少左添呀,下次要隔耐D先去呀,不過只係一個星期就退步左...
回覆刪除[版主回覆05/13/2010 19:20:00]其實今次都係好食既! 不過可能星期六人多所以求其咗少少~ 過一排我地會再去過~
哎﹗我餐埃塞俄比亞餐都係呀﹗ 今次冇上次咁好味喇﹗ 我覺得的菠菜唔得呀﹌
回覆刪除[版主回覆05/13/2010 19:19:00]其實間中自己煮同一樣野，水準都會有唔同......
人來架嘛~ 唔係機械!
可能人多, 所以就差d, 平日食會好好多
回覆刪除[版主回覆05/13/2010 19:18:00]應該係~ 不過依餐都係好食既! 所以我地仲會再幫襯~