白色櫻花 (2010年5月7日)

最近被處處盛開既櫻花迷上咗.....

上網做咗少少research，知道原來櫻花都有好多唔同種類! e.g. 英國周圍都見到既深粉紅色櫻花，我估應該係最普遍既品種關山櫻~
只過咗1星期，上星期仍然未完全盛開得哂既粉紅櫻花已經開得七七八八，仲開始有落櫻呢!

深粉紅櫻花盛開後，就輪到另一比較遲盛開既白色八重櫻品種 - 松月~

 白色既松月，蘇格蘭都有架!

最近忙住同我果大堆衫褲鞋襪換季，完全唔得閒正正經經煮飯......

趁住尋日(5月7日)好好天氣，得老公放工返來先一齊出去超市買野食，順便影吓櫻花!

 松月只係剛剛開始盛放，仲有好多完全未開既花蕾~

 不過已開咗既花白雪雪好鬼靚!

 白色 + 深粉紅色櫻花各具美態~~~ 2種我都好鍾意!

 剛開始開花，睇落比較疏落......

 同隔離依棵已開哂既粉紅櫻花對比好大!

真係同花唔同命......

盛開既櫻花就人人都讚靚;

 可憐蒲公英就被視為野草，個個gardener 都想剷除佢地......其實我覺得佢地都幾靚架!

 依棵唔知係咩樹?

 不過喺黃昏夕陽底下，成棵樹變成金色真係好靚~~~~

 我影花，老公就影我! 哈~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋日我喺廚房搞緊d鹽漬櫻花......

 依條友仔突然"中"咗入來! 嚇死V咩~~~~~

 唔知佢係咪受咗棵櫻花吸引而飛入來呢?

賴死唔走喺料理台爬來爬去......

 同佢玩咗一陣......

 佢就展翅鬆人!

 至於d鹽漬櫻花，尚未知道成唔成功......不過就聞到一陣話梅香味~ 我唸住醃足1星期，下星期自有分曉!

被死仔拆斷既櫻花，原來生命力好鬼強果喎......

 3日前插起剩返既櫻花時，好明顯仲有幾朵未完全開哂......

尋晚臨瞓時已覺得棵櫻花有少少唔同咗樣，仲以為自己錯覺呢......

 點知今朝一起身，全部開哂花喎!