蕃茄銀芽肉碎湯; 檸蜜豬扒; 魚香茄子 & 吉列炸蠔
老公成日累我話想食豬扒~
本來尋晚想整頭抽豬扒，不過去超市買餸時見到檸檬好靚，買咗一抽6大粒，咁不如襯新鮮整檸蜜豬扒啦! 
反正只要係我整既豬扒，老公都一定鍾意食! 哈哈~~~~
尋晚用V媽媽既方法去整魚香茄子，比起之前用李X記魚香醬好食好多! 以後唔洗李X記嘞!! 
不過我認為魚香茄子要整得好食，除咗一定要有梅香鹹魚之外，個茄子都好重要!
今次我用酒樓炸茄子既方法，反正我都炸開蠔啦~ 不過下次再整時，我未必會特登整鑊油去炸茄子........
配沙律醬沾來食，
老公一路食一路話"好正呀!"邊個話平野無好野架??
依包雖然係日式麵包糠......
不過價錢同日本出品既麵包糠就差一大截......
2種包裝膠袋都有透明部份，我比較過覺得一模一樣~ 反正唔係成日都炸，咁緊係買包平架啦!
我一向用開李X記特級鮮味生抽......
不過好奇怪 - 依度間間中式超市都有李X記產品賣，但李X記生抽老抽就唔係間間超市都有入貨! 最豈有此理係連最大間既泗和行都竟然無李X記生抽賣!!!
上次去泗和行買餸時醒起要買生抽，但又廢事特登為咗枝豉油再去第二間超市啦!
不過 - 我一向唔買珠江X牌因為係大陸豉油; 淘大 + 金蘭我都覺得麻麻地唔夠好味......
咁就賴野嘞!!!!!!!!
成枝望落好似好深色，但查實枝野稀到好似豉油溝水，顏色淺味道又淡，完全唔掂!!!!
仲咁鬼大枝有排先用得哂......
老老實實我捱唔到咁耐! Weekend 一定要去買返枝李X記!!
不過依枝豉油水我唔會揼既，因為我唔係咁浪費既人! 或者用來滷野囉.........
蕃茄銀芽肉碎湯(參考食譜)click here~ 檸蜜豬扒食譜click here~ 魚香茄子食譜click here~ 吉列炸蠔食譜click here~
同我諗既一樣...枝野淡成咁咪用黎滷野囉!!!台灣既豉油真係唔多掂架!同埋依個牌子唔係好大,所以下次咪鬼買佢
回覆刪除[版主回覆05/14/2010 00:08:00]我無唸過依個牌子大唔大喎! 泗和只得珠江橋牌、淘大、金蘭、一大堆不知名馬來西亞牌子........同埋依枝台灣野~ 以上果咋我都唔鍾意，咪唸住試吓囉.......
呢餐飯好好餸 !!!! k
回覆刪除[版主回覆05/14/2010 00:01:00]係呀! 我就最鍾意個魚香茄子，老公就鍾意豬扒 + 炸蠔~
咁大支真係唯有留番用黎滷野
回覆刪除[版主回覆05/13/2010 23:58:00]唉~ 但我又有幾可滷野呢.......
我又係用李X記特級鮮味生抽
回覆刪除[版主回覆05/13/2010 23:57:00]依度可以買到既牌子就係李X記特級鮮味生抽最好味~
哎呀﹗我都買錯過咁既豉油呀﹗
回覆刪除[版主回覆05/14/2010 20:24:00]咁妳平時食開邊隻架?
依枝台灣野完全唔掂呀!
點住佢個相記得唔好買呀!!!
加多雙筷
回覆刪除[版主回覆05/15/2010 01:55:00]好呀~ 匙羹要唔要隻?
我生同老抽都係用淘大既﹐ 哈哈哈 ﹗我仲神推鬼ＯＮＧ買左支王梨標醬油 ﹐ 係菲律賓出品既﹐ 哈哈哈哈哈哈﹌ 味道普通過普通﹌ 我買錯果支叫金山鮮醬油精（名都衰過人 ）﹐ 嘩﹗真係難食到丫 ﹌
回覆刪除[版主回覆05/15/2010 01:55:00]老抽用來上色比較少用，所以我都係用淘大~
我依度都有王梨標喎! 另外仲有隻馬來西亞出品~ 我都心思思想試架! 唔試過點知好唔好味? 不過全部好鬼大枝! 唔好食就死火嘞!!!
妳果枝金山邊度架! 係咪又係台灣呢? 睇來豉油有個"金"字都唔係好野來.......
咁大碟豬扒有無食曬呀??檸蜜豬扒我好有興趣呀,等我都整下先!!
回覆刪除[版主回覆05/21/2010 05:43:00]有我個豬扒怪老公喺度，點會食唔哂呢?