2010年4月19日星期一

Weekend 出街食 (2010年4月16 - 18日)

Weekend 唔煮食既日子出街食,有好食又有唔好食......

4月16日(星期五) - Frankie & Benny's


老公放工後我地出咗Fort 去行街,行足幾粒鐘都無收穫~ Fort 無乜野好食,唔想食Nando's or Pizza Hut,咁就剩返Frankie & Benny's 啦!

 去親Frankie & Benny's 我地點得最多既頭盆 - 甜酸雞翼~ 依個雞翼好好食! 而且唔點依個既話,頭盆都無乜其他好選擇.......

平時我唔多食洋蔥圈........

 不過唔知點解果晚突然想食點咗碟! 原來Frankie & Benny's 既洋蔥圈辣辣地好好食果喎!!!

 老公主菜BBQ Pizza~ 個BBQ汁濃到阿媽都唔認得!!!!!  如果唔係都OK既......


 我既主菜 - 燒雞~ 雖然係雞胸,但起碼唔會乾爭爭; 不過gravy 唔夠味,而且薯仔粒鹹死人......

依餐非常麻麻~  不過Frankie & Benny's 係差唔多架嘞! 反正果晚我都無乜胃口,好好醜醜一餐啦!


4月17日(星期六) - OKO Express

我有個怪習慣 - 鍾意食某樣食物時,可以成日食,食到厭為止先會停......上星期試過OKO Express 覺得唔錯,今個星期又想再食過!

我發現Glasgow 既餐廳真係唔讚得! 只係隔咗一個星期啫,今次既OKO Express 好明顯退步咗!!!


 我既頭盆 - 龍蝦手卷~

龍蝦肉多就多呀,每隻手卷仲有隻拑,不過龍蝦肉係完全無味既! 唔好味~

好彩裡面有蟹子 + 蛋黃醬吊吊味,不至於難食!

 睇吓我幾好戲!  個手卷唔好食我都可以扮到食得好滋味~~~

 老公頭盆 - 蝦天婦羅~

係呀~ 依個suppose to be 蝦天婦羅來架! 炸粉皮實谷谷,隻蝦捲埋一舊,仲無咗條蝦尾,完全唔係天婦羅果件事,好鬼難食!!! 仲比碟普通豉油我地點......真係吹脹!

 上星期我都係要依個串燒雞定食~

只事隔一星期,依個定食已經變哂樣!!!!

吞拿魚小卷變咗三文魚; 3串燒雞肉變做2串,無厘頭有3大隻難食既蝦天婦羅~ 唯獨無變既係餃子 + 白飯仍然好味。

 老公又係要雞肉飯~

今次依個飯反而好過上次! 因為今次個汁無咁濃~


4月18日(星期日) - The Vulcan

是日因為要喺屋企等人來整返老公架車擋風玻璃,所以去咗屋企附近既pub The Vulcan 食lunch~

 依餐最平,不過竟然係最好味既一餐!

 我既普遍雜扒餐~

 老公既特大雜扒餐~

well~ 3餐最少有1餐無野要彈!



12 則留言:

  1. 個大雜扒餐好吸引呀!
    我又係--->鍾意食某樣食物時,可以成日食,食到厭為止先會停
     
    [版主回覆04/20/2010 00:44:00]個雜扒真係好正架! 果日有少少唔舒服,如果唔係我都要份大呀!!
     
     

    回覆刪除
  2. Gaileは林家歐巴桑2010年4月19日 上午8:11

    見到妳食pizza想問返妳整既pizza用既即用酵母係咪一舊舊固體架???因為前兩日我整左個pizza大失敗,唔知係咪用左酵母粉既關係,攪到漲到鬆糕咁~~
    真係唔讚得架嘞,之前既fish & chips...而家又多一間!!睇黎你地出街食既選擇又少左
    [版主回覆04/20/2010 00:43:00]唔係呀~ 用返普通整麵包果d即用酵母之嘛! 妳跟咩食譜整呀?
     
     

    回覆刪除
  3. 又有個人相.....無乜几可.........
    [版主回覆04/20/2010 00:41:00]唔係吖~ 周不時都有我 / 我老公個人相架啦! 蟻兄你無留心啫......
     
     

    回覆刪除
  4. 我好耐冇食過炸洋蔥圈喇﹐好想食呀﹌ 呢邊的餐廳都係咁呀﹗水準成日唔同﹌ 尤其係日本菜﹐的品質成日唔同﹌ 個蝦天婦羅個炸粉係炸魚薯條個炸魚既炸粉﹌ 我睇個賣相都係覺得你PUB果餐最正﹗
    [版主回覆04/21/2010 19:59:00]我搵日想試吓自己炸洋蔥圈!
     
    果幾隻死人炸蝦叫做天婦羅,我真係服得佢地好緊要!!!
     
     

    回覆刪除
  5. Gaileは林家歐巴桑2010年4月19日 下午2:44

    我跟妳個12"食譜...因為妳講既即用酵母我唔係好清楚...即係乾酵母嗎(粉狀)?我見食物材料行有賣即發酵母,大大舊(我諗係固體),我用既就係乾酵母(酵母粉),攪到我唔知邊隻打邊隻
    [版主回覆04/21/2010 19:57:00]我用既係咪粉狀呢?  粉又粉唔哂,超微粒狀囉~ 叫fast action dried yeast / instant dried yeast 嘛,咪即用乾酵母囉~ 總之係可以直接加入麵粉度果種, 唔 需要用前開水果隻啦!
     
     

    回覆刪除
  6. 好羨慕妳食咁多嘢都唔肥呀!
    [版主回覆04/21/2010 19:53:00]不過我都係時候收歛吓暴飲暴食既習慣架嘞......
     
     

    回覆刪除
  7. 如果3間俾我選擇, 我會choose第3間 - The Vulcan
    個雜扒好吸引 .......
    間sushi望落都ok, 估唔到事隔一個星期就唔好食lu ....... (去返你地uncle果間算啦)

    回覆刪除
  8. 如果3間俾我選擇, 我會choose第3間 - The Vulcan
    個雜扒好吸引 .......
    間sushi望落都ok, 估唔到事隔一個星期就唔好食lu ....... (去返你地uncle果間算啦)
    [版主回覆04/21/2010 19:52:00]3間最好食咪佢囉!  
    話時話真係好耐無去過uncle 果間,搵日真係去捧捧場先得~
     
     

    回覆刪除
  9. 睇落都係你煮既好味d者...
    [版主回覆04/21/2010 19:51:00]哈哈~~~ 我都覺得係! (妳地讚壞咗我嘞~ 搞到我幾自大!! )
     
     

    回覆刪除
  10. 個炸蝦天婦羅真係好唔掂
    [版主回覆04/21/2010 19:50:00]直頭係搵笨食啦!!!!  好鬼難食~~~
     
     

    回覆刪除
  11. 而家D餐廳唔讚得架, 一讚就退步架~~MR.T個特大扒餐果D薯條好好味咁喎@@
    [版主回覆04/21/2010 19:50:00]我都覺得佢地唔讚得!  
     
    佢果份d洋蔥圈仲好食呀!
     
     

    回覆刪除
  12. so crazy~~~~~~~~~* 咁大個 , 淨係你o個個我諗我食兩件扒已經投降!!=..="
    [版主回覆04/21/2010 19:49:00]我果份好細份之嘛! 食兩件我唔夠飽架......
     
     

    回覆刪除

Related Posts Plugin for WordPress, Blogger...