......今日就去試一間開咗好鬼耐，但我地未試過既餐廳 - OKO Express~住英國既人相信唔會對YO!Sushi (迴轉壽司店)陌生~ 不過N年前Glasgow 仲未有YO!Sushi 之前，就有間OKO 迴轉壽司!
果時既OKO有任食2粒鐘晚餐時段，我曾經試過喺任食時段創下我個人食咗16碟既彪炳紀錄!
OKO Express 開咗後，幾次經過見到餐牌都覺得唔多吸引
; 而且佢地仲係OKO迴轉壽司時，食物質素時好時壞，所以最終未有幫襯~ 後來朋友告知佢地有個2人壽司拼盆好抵食，決定今日去試吓!
portion 好大份! 串燒有3大串; 吞拿魚小卷非常新鮮; 連果3隻望落炸到乾爭爭既炸餃子，竟然一d都唔乾，仲好好味呢!!!
闊別多年既OKO迴轉壽司以全新OKO Express 出現，估唔到咁有驚喜喎! 雖然我唔會話好好食，比我 + 老公預期中好好多啊!
(會唔會係因為以前太唔好食呢?!?
)OKO Express 行過少少，就係老公阿叔 + 一位世叔伯夾份開既Ichiban~ 食物同OKO Express 既差不多!
老公既阿叔好少喺Ichiban 出現; 不過另外果位Uncle 間中會見佢喺度~ 而我 + 老公去親Ichiban 食野，依位Uncle 如果喺度既話都一定會比discount 我地!
我地好感謝Uncle 既心意，不過就令我地唔多好意思成日去Ichiban 食野......
食食吓野突然見到Uncle 經過! 佢仲發現咗我地 + 同我地打招呼!!!!
屎火~~~~ 我 + 老公幫襯隔離...唔知Uncle 會唔會覺得我地係"叛徒"呢????
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
今日天氣超好~~~~~ 全日大太陽到"殘"眼
，而且天氣非常溫暖，連外套都唔洗著! 已經見到有鬼妹著背心......
老公冷不防提一提我: Honhon~ 天氣開始熱嘞! 又係食雪糕既時候嘞!!得得得!!!! 老公出到聲，小既一定會照辦!
)
OKO 比您食到執左笠呀 哈哈～ 呢邊都有YO！SUSHI。。我覺得同食垃圾無咩分別！
回覆刪除[版主回覆04/11/2010 17:16:00]果時OKO既質素，就算我唔去大食，佢地都應該會執!
我發現YO!Sushi 唔同分店質素好參差......我第一次喺Machester Selfridges 分店食，哇~~~ 真係嚇鬼!!!!!! 至今仍然係我食過最難食既壽司!!!
後來Glasgow Silverburn 開咗 - 唔錯! 再後來Glasgow Centre House of Fraser 又開咗 - 依間直頭係好食! 等我得閒試埋愛丁堡Harvey Nics 先~~~~
點解個雪糕筒好似咁細?﹗
回覆刪除[版主回覆04/11/2010 17:08:00]其實係個球太大!
(可能賣雪糕個女仔覺得我老公靚仔啩~ )
pat 朱古力雪糕又真係幾核突
回覆刪除[版主回覆04/11/2010 17:08:00]咪係.............
個拼盆好吸引呀, 一次過有齊幾種唔同既 ~ 整法 / 食物.
回覆刪除杯雪糕咁大個球, 但支筒就咁細既, 個外形好搞笑呀
[版主回覆04/11/2010 17:07:00]我地點既樣樣食物都唔錯~ 之前無唸過portion 會咁大份!
依度街買雪糕都幾抵既~ 我老公好鍾意食雪糕，但食親街買既10次有9次都肚疴......唯獨食我整既就無事! 所以佢一想食雪糕就累我整~~~
hello....第一次来你的blog , 我也是住在英国的，是在sheffield， 想问你，你做纸杯蛋糕的食谱里有一样东西叫“蛋糕乳化劑”，英文怎样叫呢？？在那里有可以买到。还有底筋面粉就是cake flour,但很小地方有的卖？？
回覆刪除[版主回覆04/11/2010 17:37:00]我啱啱回咗妳之前既留言!
琴晚我都食壽司,試左間我師兄(同一個日文老師)開既壽司店,因為皮蛋今日飛,冇堂食,只係take away,但都係唔錯....
回覆刪除俾我我都唔好意思成日幫襯啦...但係竟然俾佢見到你地,真係有d尷尬
皮蛋今次都問我點解冇雪糕食,而家諗返早知整定俾佢地食啦!!!今次會唔會再試新口味呀??因為我想要食譜
[版主回覆04/12/2010 19:35:00]唸緊咩新口味呀! 比少少時間我清清冰格先有位放雪糕啊.......
嘩, 當然有無好尷尬呀 ??? (俾著我肯定唔知點好, 實係e起棚牙笑啫)
回覆刪除個雪糕真係唔多掂喎個樣 ... 你快d整啦
[版主回覆04/12/2010 19:35:00]緊係尷尬啦! 老公阿叔果間真係喺正隔離架...... 咪唯有好似妳咁講笑笑口囉~
舊年整咗朱古力、士多啤梨 + 芒果雪糕，今次想試吓新味道~ 唸緊整乜! 而且我要先清清冰格先有位放......
個雪榚咁睇真係好似....HEHE~~日本野我都好鍾意食架,而家食得最多都係日本野,正呀!!快D整雪榚啦,我遲D都會整雪榚,但我屋企個雪櫃成日都無位~~
回覆刪除[版主回覆04/12/2010 19:32:00]香港食日本野就方便啦! 唔似得我依度.......
唸緊整咩雪糕! 而且我都要先清清個冰格.....
我唔係講笑架﹗你覺唔覺得呢﹐ 超市收銀果的女人呢﹐ 佢地真係會答的買野果的男人糖架﹗ 連去入貨帶住個細路果的女人都一見有男人就係咁望架﹗ 係真架﹐最少我去果幾間超市都係咁情況架﹗
回覆刪除[版主回覆04/12/2010 19:31:00]超市我又唔多覺喎!
不過賣甜品果咋"0靚"妹好嗒我老公糖就真既! 尤其沙田許留山......
回覆刪除我想試吓呢個~~
雞肉飯都好吸引!!!
[版主回覆04/12/2010 19:27:00]依個真係又好味又抵食! 我再去幫襯時都會再點依個!
佢杯雪糕好 ．．．． 核突呀... 好似....
回覆刪除[版主回覆04/12/2010 19:26:00]咪係....... 而且又濃好鬼膩，都唔知點解我老公鍾意食?
i just found your blog randomly and haha i'm studying in scotland atm as well!
回覆刪除[版主回覆04/13/2010 20:06:00]hello Mandy~
edinburgh 個 間 都 係 麻 麻 地 !!!除 左 鰻 魚 可 以 食 得 下 之 外
回覆刪除[版主回覆04/13/2010 20:06:00]妳指Edinburgh 果間YO!Sushi? 我仲未試過喎~~~
又會咁有緣既，不過我估位Uncle明白事理既
回覆刪除[版主回覆04/14/2010 18:48:00]其實老公阿叔果野喺正隔離，撞到既機會真係好高架! 不過無唸過果日位uncle 咁早返去，超"火羅"~~~~~~