2010年4月19日星期一

唔憤氣 (2010年4月18日)

搵咗一樣野接近2個星期仍然搵唔到! 

依樣野我肯定之前喺街見過無數次,而且有平有貴,不過當時我興趣~ 到我而家想要嘞,只可轉向網上店購買,而且幾貴......

唔憤氣!!!! _1296.gif image by veronica_tsim  唯有買吓衫 + 買吓野食來補償返!!!

2008111213530154.gif image by veronica_tsim早幾日見到英國網友影已經盛開咗既櫻花......

 可能蘇格蘭氣溫唔夠南下咁暖......

 雖然依度既櫻花都開始開花......


 但仲未至於盛放果隻~
Weekend 雖然仍然係藍天白雲,但又變返好涼得10度左右! 2008111213530101.gif image by veronica_tsim


不過都係時候買夏天衫架嘞......


 依2件野當裙著又得,當長T shirt 著都得!

今年碎花好鬼紅!  我都有幾多碎花衫 / 裙,所以今年暫時仲未入貨......

 依條裙係前年summer 網上買既! (網誌) 只著過一次咁大把~

 買裙時已經好鍾意model 條腰帶! 但可惜當時條腰帶已經賣哂......

 不過weekend 比我搵到依條腰帶,都好襯我條裙呀!  而且仲係寶藍色呢~

去IKEA 走咗轉......

 買咗個沙律脫水器 + 自種盆仔Oregano~ (其實仲有個廁所刷架! )

幾個月前買既沙律脫水器,用唔夠2次個柄就甩鬼咗!!  比我揼剩個筲簊~ 依個IKEA 好似幾實淨,希望會好用啦!

又去Waitrose 走咗轉......

 買咗樽原粒黑松露 + 香草鹹鯷魚~

依樽仔鹹鯷魚同我喺Asda 買用來整pizza 果樽Extra Special 一樣大細,但價錢竟然要來個double!  個樽話產自摩洛哥喎,等我試吓係咪真係好食d先~

夏令時間到咗傍晚天仍然好光,行街行到忘記哂鐘數,
_1576.gif image by veronica_tsim  要趕住去泗和行買米呀!!
去到泗和行竟然無金象牌!!!!
1775465319.gif image by veronica_tsim

已經唔夠時間去第二間中式超市......

 見依隻日本米比其他牌子日本米平,就買來試吓啦!

 不過其實係產自意大利架!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋日遇到一個好人......

我地一入停車場,有個女人比咗張泊車飛我地~

 張飛仲係泊到今日先到期既呢!

15 則留言:

  1. 我覺得你條碎花裙好靚﹌ 我上次又係食飯食遲左去亞超﹐ 佢地趕住收工叫我係買野就快手的﹌
    [版主回覆04/21/2010 19:47:00]我都好鍾意條碎花裙!
     
    我一星期先去一次中式超市,所以我通常會寫定張list,唔好買漏野~
     
     

    回覆刪除
  2. 條碎花裙好靚啊!!!加埋條腰帶好掂呀
    [版主回覆04/21/2010 19:45:00]我好鍾意依條裙架! 一直搵緊一條可以配既腰帶,終於比我搵到嘞~~~~
     
     

    回覆刪除
  3. Gaileは林家歐巴桑2010年4月19日 下午3:13

    一見雪妨+碎花就知夏天要黎嘞...妳買果條腰帶仲襯啦
    我個個沙律脫水器仲係好實正,應該冇問題掛~~~
    [版主回覆04/21/2010 19:44:00]我都覺得我條腰帶仲襯!
     
    果個脫水器我仲未開光~ 不過大細 + 質地都比我之前買果個好~
     
     

    回覆刪除
  4. 我都見過你黑色o個件衫。我都係oasis買左件類似,但係淡粉紅色架
    [版主回覆04/21/2010 19:43:00]我果件喺Primark 買,好平架咋! 著一季揼咗佢都抵~~~
     
     

    回覆刪除
  5. 條碎花最靚呀, 阿V, 天氣暖返---就好快D著俾我地睇喇
    樽鯷魚個樣好似好美味咁 .......
    [版主回覆04/21/2010 19:42:00]好呀~ 等天氣暖返我一定著! (如果唔係買來做乜呀? )
     
    我一陣就開樽鯷魚來整意粉~~~~ (係呀~ 又係妓女呀!!! )
     
     

    回覆刪除
  6. 櫻花好靚呀, 會唔會成條街都種咗, 定係夾雜住其他種類呀?
    [版主回覆04/21/2010 19:41:00]睇吓邊度啦! 我屋企附近本來有一處有成列櫻花樹,但舊年佢地鋸鬼哂來鋪行人路......  蘇格蘭都仲係涼涼地,櫻花仲未開行架!
     
     

    回覆刪除
  7. d 米又可以做壽司啦!食日本餐!
    [版主回覆04/21/2010 19:37:00]好呀~ 好快整日本餐!
     
     

    回覆刪除
  8. ~黑色嗰條裙好"令"呀!
    [版主回覆04/21/2010 19:37:00]我都覺得果條裙好得意~
     
     

    回覆刪除
  9. 食日本米都唔錯, 仲可以整埋壽司添
    [版主回覆04/21/2010 19:36:00]我之前都整過壽司,會買細包d既日本米~
     
     

    回覆刪除
  10. 你想搵咩搵唔到呀?我幫你搵下丫~~~
    [版主回覆04/21/2010 19:35:00]thanks Kelly! 不過唔洗嘞,我尋日上網訂咗嘞!  係法式牛油麵包模~ 依度都無既話,香港更加難搵啦!
     
     
     
     

    回覆刪除
  11. haha*我鍾2黑色o個件o既style , 裝假狗呀 我屋企好多依d衫呀都~ 點解個女人會比張飛你o地o既!?! 不過真係外國先有依D好心o既人 , hk 真係好小見~
    [版主回覆04/21/2010 19:34:00]我地渣緊入去停車場,個女人走緊時見到我地就比張飛我地囉! 唔係第一次有人比飛我地,不過第一次有人比張飛可以泊咁耐啫!
     
     

    回覆刪除
  12. 搵唔到d乜呀 ?
    [版主回覆04/21/2010 19:32:00]brioche tins 囉! 果幾隻死人模仔咁鬼難搵又咁鬼貴!!!! 我尋日網上訂咗嘞~
     
     

    回覆刪除
  13. 條碎花裙好靚, 如果wear去影櫻花, 嘩, 正晒...
    [版主回覆04/21/2010 19:30:00]天氣又涼返d,而且櫻花仲未開得哂~ 所以條裙未著得,櫻花又未影得~~~
     
     

    回覆刪除
  14. 今年真係出左好多碎花裙~我都買左條碎花裙,熱d就可以著!
    我鍾意黑色果件好靚
    [版主回覆04/21/2010 23:50:00]我本身都有幾多碎花裙 + 衫,所以今季應該唔洗點入碎花! 只等天氣熱d就可以著~
     
     

    回覆刪除
  15. 我覺得藍色腰帶仲襯過原本條白色喎  同埋條黑色裙幾靚喎 ~
    [版主回覆04/27/2010 17:39:00]我都覺得藍色果條腰帶仲襯條裙!  不過依幾日又變返涼涼地,仲未著得住.......
     
     

    回覆刪除

Related Posts Plugin for WordPress, Blogger...