想記下所以隨便寫寫的二三事 (2010年4月15日)

早2晚老公架車擋風玻璃比個手痕打靶仔扑濕 (網誌)......

老公話果晚落去睇架車時，見到打靶仔用來行兇既大舊石喺架車側跟~

我唸咗好耐 - 打靶仔喺邊度搵到大舊石呢?

因為我唸唔到屋企附近有可以攞得起既大石頭! 而且打靶仔應該係一時興起，無理由會喺第二度特登搬舊石來扑車架!!!

尋日落街買餸，見到屋企行過少少果塊草地上一排石躉，有2條冧鬼咗! 旁邊仲有幾舊大石!!

據我所知石躉係幾日前有架車炒咗落去撞冧既!  我而家終於知道打靶仔喺邊度搵石頭嘞!!! 

不過就算路邊有舊石 + 泊咗一部車，我仍然唔明打靶仔扑濕架車既動機!!?!?

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋日(4月14日)Iceland 既Eyjafjallajokull volcano 爆發，火山塵大到嚴重影響英國airspace......

今日英國所有機場要關閉至另行通知! 今日出發去旅行既人真係無癮......

據聞火山塵大到，喺蘇格蘭會有可能睇得到......

(老公仲啱啱打電話來問我 - 屋企睇唔睇到冰島火山塵? )

 無呀! 睇唔到呀!! 仍然係一片藍天白雲~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 上星期見到屋企附近有棵樹開始標嫩芽......

 尋日再經過棵樹，綠葉已經生咗好多出來嘞!