2010年3月15日星期一

Shopping@TK Maxx 之"我要讚人" (2010年3月14日)

尋日(3月14日)係英國既母親節~  由於99早3星期又返咗香港,所以尋日T家並無任何慶祝活動......

不過作為老公既醒目老婆 - 即係我自己,一早已代工事繁忙既老公上網訂咗一大札花越洋送去比99!  (嘻嘻~~~ 承機讚吓自己先!) 希望99會鍾意札花啦!

至於V媽媽呢......佢今次無份呀! 留返香港既母親節先啦!!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
尋日同老公去咗行街shopping,店舖開始轉季,不過款式引唔起我多少興趣!

收穫如下........


我發現自己喺英國high street 越來越難買到合身既衫......

除咗款式唔合我心水之外,仲因為真係太太太少細碼!!!!!

 喺Primark 買咗件減價浴衣,千辛萬苦先比我搵到件12/14 (中碼)!!!!

貨架上幾乎全部都係20/22(加大)~ 而我呢係著8/10(細碼),不過摷咗好耐都搵唔到......中碼都照殺啦! 所以反正浴衣都係喺屋企著既啫~~~~

款又唔啱,碼又唔啱......行唔夠2、3間,都係走去睇廚具咯......


- Lakeland 復活節theme 包裝袋;

- Lakeland 餓姦力麵包改良劑;

- KitchenAid 洗碗布;

- 靚靚通花杯仔蛋糕套;

- Lakeland 玻璃紙Jam Covers;

- Butter Curler;

- Wilton 手板腳板曲奇模~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
已經好耐無行過TK Maxx (其實都只係幾個星期左右! ),襯weekend 一次過行哂2間分店! 

最近出街成日遇到衰人,
_2404.gif image by veronica_tsim尋日終於比我遇到個好人嘞!

尋日喺其中一間TK Maxx 分店,見到一批新貨 - 早前去羅馬旅行時見到d我好有興趣既海鮮立體餐碟!

_342.gif image by veronica_tsim 點為之立體餐碟呢?

其實係一隻陶瓷餐碟上,碟邊有同樣係陶瓷造成既立體龍蝦、大蜆、青口、海草......等裝飾圍住,中央就用來放食物! 造型非常盞鬼~~~~  不過礙於餐碟好重又大隻而且幾鬼貴,所以喺羅馬時我好有興趣但都無買到......

講返尋日......尋日我喺TK Maxx 見到依批唔同形狀大小既立體餐碟,我即時流哂口水,急不及待開始我既磨爛蓆研究!_106.gif image by veronica_tsim

每隻餐碟都有bubble wrap 包住,再裝喺一個印有餐碟款式既硬咭紙盒裡面,我睇中一隻圓形既海鮮立體款式......

正當我打開紙盒拉出餐碟來研究實物時,只拉到餐碟既一半,突然紙盒裡面另外果"半隻"隨即嘭一聲跌落地!_1576.gif image by veronica_tsim
依半隻餐碟原本喺盒裡面已經爛鬼哂,跌落地後直頭變為粉碎果隻!_355.gif image by veronica_tsim
 周圍既客人同一時間朝住"嘭"一聲既方向望過來 - 即係望住我!!! _351.gif image by veronica_tsim

事出突然,正當我不知所措 - 唔知應該叫人來,定拿拿淋入返隻碟落個盒既時候,有一位年約廿多歲既靚仔店員從遠處行埋來......

我: 隻碟喺個盒裡面原本已經係爛咗架嘞!

(其實我從來無驚過! 因為真係唔係我打爛既!!若果佢地屈我比錢既話,我會叫佢地check CCTV~ )

靚仔店員: 唔洗擔心~ 我會搞掂! Are you OK? 妳有無整親自己?

我: 我唸可能之前有人打爛咗就咁放返入個盒......

靚仔店員: 唔緊要~ 我去攞工具清理,妳要小心地上碎片啊!

雖然真係唔係我打爛,但我始終覺得自己帶比人地麻煩 + 唔好意思......_104.gif image by veronica_tsim

不過靚仔店員全程帶住有禮可親既陽光笑容c562502d.gif image by veronica_tsim,令我感覺良好,即時減少咗尷尬感覺!

佢果種完全唔care 件貨既態度,仲不停問我有無整親 + 叫我小心~ 作為顧客既我感到受重視,咁先係待客之道架嘛!!!29_3_16.gif image by veronica_tsim
  
若果我仲係十幾歲既懷春少女,我可能會好似萬寧妹妹咁即時有少少鍾意咗佢~~~~~

其實我知道外國有好多大公司,每個月都有個"losses budget" - 即係店裡貨品有咩損毀都好,喺大部份情況之下都唔需要顧客付責既!  (當然故意破壞不在此列啦!)

我唔知TK Maxx 係咪一樣有咁既policy? 不過無論有或無都好,我搞到對方要掃地,對方並唔一定要比好面口我睇......

_1561.gif image by veronica_tsim 靚仔店員係咪真係靚仔呢?

係! 雖則佢並非我心水類型~  但所有對陌生人都真誠有禮既人,就算係阿公阿婆,喺我心目中全部都係靚仔靚女!

我向靚仔店員道謝後 ,就繼續睇其他廚具......

_381.gif image by veronica_tsim 咁個餐碟呢? (同款仲有幾隻貨......)

我無買到呀~ 因為太鬼大隻!!!



19 則留言:

  1. 我對衫褲鞋襪已經無咩購買慾, 不過對住廚房野凡係 d 得意野就總係忍唔住要買喇
    [版主回覆03/15/2010 19:16:00]我仍然對衫褲鞋物手袋等等好有購買慾架! 因為我喺果種一起身後,就算自己一個人喺屋企都會噴香水既人來~ 喺屋企都會著到隨時有咩事出街都見得人! 做煮飯婆都要靚嘛~
     
     

    回覆刪除
  2. Gaileは林家歐巴桑2010年3月15日 上午4:18

    其實琴日除左係英國母親節之外,仲係白色情人節,補祝妳情人節快樂先
    個靚仔真係內外兼備喎...咁既服務態度真係會令人好窩心!恭喜妳出運嘞,唔再遇到d衰人
    [版主回覆03/15/2010 19:35:00]咩白色情人節真係多鬼餘! 咪又係日本仔"略"水招數~ 不過我都補祝妳白色情人節快樂!
     
    咪鬼提嘞! 好景不常呀!!!! 不過谷鬼氣既野暫時唔講住!!!
     
     

    回覆刪除
  3. The guy is so nice, and he can be the employee of the month.
     
    I am interested in the plate you are talking about. If you have pictures, please share it.
     
    [版主回覆03/15/2010 19:48:00]yes he's a good guy!
     
    i didnt buy the plate and dont have pics of it woh~ i'll try to take a pic if see it next time.
     
     

    回覆刪除
  4. 最終有冇感動妳買到一抽二LUN呢?
    [版主回覆03/15/2010 21:06:00]咪買咗上面果咋野囉~
     
    作為職員對客人有禮係應份既! 不過佢對我有禮但d貨唔啱我心水,我就 唔係 應份幫襯佢嘞!
     
     

    回覆刪除
  5. 歐洲既細碼都係好大架 ~ 哈哈哈﹗ 餓姦力麵包改良劑~ 腳板曲奇模咪整到成塊餅好似隻腳咁囉﹖﹗ 食腳板 ~
    [版主回覆03/15/2010 21:37:00]其實睇吓個別店舖有無vanity sizing 既啫! 如果妳有睇過我之前買衫既網誌,妳應該會發現我其實係著6號(XS)既! 只係依間cheap 野最細size得8/10~
     
    係呀! 手板腳板曲奇呀~ 多數見心心 + 花花,好少見手板腳板形既曲奇模!
     
     

    回覆刪除
  6. 今年唔記得左英國母親節好彩細妹提我
    妳終於都遇到一個好人重要係靚仔!
    [版主回覆03/16/2010 06:13:00]妳媽媽返咗愛爾蘭未呀?
     
    相由心生! 所有有禮可親既好人,全部都係靚仔靚女~
     
     

    回覆刪除
  7. 嘩!!靚仔店員真係好好呀,如果有得選舉,我第一個選佢,香港果D人見到呢個情境,我相信十成十都要你"咶"左佢呀!!
    [版主回覆03/16/2010 06:16:00]我都受寵若驚呀! 佢係咁問我有無事 + 叫我小心,雖然我少尷尬,但我反而更加唔好意思.......
     
    我唸喺香港會比較少依種情況既! 最少陳列出來既貨品,好少會連包裝盒一齊放出來嘛~
     
     

    回覆刪除
  8. 你真係好彩, 係HK.......實比人話~
    [版主回覆03/17/2010 03:03:00]話乜鬼野啫? 最多咪賠錢之嘛! 好唔鍾意香港d sales 態度! 只係唔小心整爛,又唔係有心既~ 緊緊張張好似要殺人咁.......
     
     

    回覆刪除
  9. 係咪個靚仔店員睇中你個靚女呀
    [版主回覆03/17/2010 03:00:00]如果真係既話,咁佢買板唔知訂嘞! 因為我老公都喺店裡面!
     
     

    回覆刪除
  10. 唔使怕清者自清,冇做過使乜驚。依個靚仔真係好人,又細心問你有冇事,你都唔再驚喇!!
    [版主回覆03/17/2010 02:59:00]我根本完全無驚過! 真係唔係我打爛架嘛~ 佢地隨時可以check CCTV!
     
     

    回覆刪除
  11. 濃情朱古力碰上士多啤梨2010年3月15日 下午10:37

    哈, 可能因為你靚女所以個店員對你咁好呢, 呢d先係良好服務態度呀
    [版主回覆03/17/2010 02:58:00]緊唔係啦!  我覺得服務性行業本應係抱咁既態度~
     
     

    回覆刪除
  12. 哈哈, 換轉係一個亞婆, 你可能冇咁大感覺........哈哈
    [版主回覆03/17/2010 02:56:00]你錯嘞~ 換轉係個阿婆的話,我感覺仲大呀! 因為阿婆年紀大,我會更加唔好意思!
     
    我又唔係未見過靚仔! 我而家晚晚都攬住個靚仔瞓啦~~~ 
     
     

    回覆刪除
  13. 我媽媽返左英國喇
    [版主回覆03/17/2010 02:54:00]OIC!
     
     

    回覆刪除
  14. 係香港一定比人駡到飛起
    [版主回覆03/17/2010 02:53:00]香港既店擺貨出來唔會連埋盒架嘛!  不過就算係打爛野,最多咪賠囉~ 鬧咩喎......
     
     

    回覆刪除
  15. 嗰D CUPCAKE 心心紙好靚呀...香港真係無乜D咁靚既整CAKE野...
    [版主回覆03/17/2010 02:48:00]我都覺得好靚~ 不過係咩......乜香港唔係應該有仲多靚靚整cake 野既咩? 有好多整cake 材料依度無得賣呢......
     
     

    回覆刪除
  16. 我又係係英國好難買衫,不過我成日同自己講,無我size就當慳錢啦,哈哈哈
    [版主回覆03/17/2010 19:21:00]喺high street 真係越來越難買衫! 大部份衫d碼最少由12/14開始......
     
     

    回覆刪除
  17. Almaly 卡樂B媽咪2010年3月17日 上午8:21

    呢度D舖頭通常都好好人,最緊要知道有無人有整親。我係HK個次就"豬MUG"啦: 見個木茶葉箱包裝得好得意就手痕痕拎黎睇,點知個箱個手柄甩左,成個箱跌左落地,入邊個陶瓷CONTAINER無爛但個木箱就爛!D職員行過黎,大大眼望住我,我個陣細個又蠢,驚一驚竟然話我比錢買左佢。。。唉,到而家我都覺得好"DUM"心呀
     
    [版主回覆03/18/2010 22:12:00]不過我唸喺香港點都要比錢架嘞.......
     
     

    回覆刪除
  18. 頭先突然記起,其實有人打爛野,佢會驚有人告佢搞到佢整親呀。仲要今次d野唔係你打爛,我諗佢仲緊張過你呀!
     
    依家英國人越泥越肥,好快正常size就會變成唔正常架啦
    [版主回覆03/18/2010 22:11:00]就算有人整親要告都唔係告d細架啦! 我唔覺得佢特別緊張我,我只係覺得對方好有禮貌,係服務行業既榜樣~
     
    對好多英國人來講,我依d已經係"唔正常"既size.......
     
     

    回覆刪除
  19. Mrs T, where do they have Tkmaxx in Glasgow? I went to St Enoch Shopping Centre yesterday and it was no longer there!
    [版主回覆10/07/2010 01:06:00]apart from the day before, when was your last you come to Glasgow? the St Enoch one'd been closed for ages!
     
    there is one in Sauchiehall St - quite small but that's the only one in Glasgow city centre; one in Glasgow Fort on the M8 and one at Silverburn shopping mall.
     
     

    回覆刪除

Related Posts Plugin for WordPress, Blogger...