筍尖香滷五花腩

1. 五花腩肉原條汆水數分鐘，取上後切大塊，用胡椒粉、生抽、糖和少許雞粉醃好備用。

2. 竹筍尖1包瀝乾，打斜切成塊備用。

3. 燒熱油鑊先爆香薑片和紅蔥頭2粒，下腩肉爆至色金黃。

4. 下筍尖塊和腩肉一同兜勻炒一會。

5. 加水足夠至剛蓋過筍尖和腩肉。

6. 視乎鍋中筍尖和腩肉份量，加入1至2個滷包。

 我用既係依種台灣出品既滷包~ (泗和行有售 )

 開封後另有小膠袋裝住4個形似茶包既滷包~

7. 再加入適量生抽、冰糖和少許老抽拌勻煮滾，上蓋轉小火炆滷1小時30分鐘至入味即成。