蕃茄紫菜魚腐湯; 魚露雞翼; 咖喱秋葵炒肉碎 & 椒鹽胡瓜魚
最近好懶唔多想煲湯 (廢事睇火!
)，所以又來滾個我最愛既蕃茄湯~ 
weekend 喺中國超市見到有急凍魚腐，聽就聽得多，不過食呢就係第一次! 食落感覺一半似魚蛋，一半似豆腐，又幾好味幾得意喎~ 
食雞翼好似食上咗癮咁! 上星期整咗蜜汁雞翼，今次整好耐都無整過既V媽媽拿手菜 - 魚露雞翼~
)不過依隻越南魚露真係唔錯喎! 之前用開既泰國魚露太鹹嘞......
間中見到超市有秋葵賣，不過一直無試過，完全唔知係咩味! 上星期喺Waitrose 買咗包，一直放咗喺雪櫃差d唔記得咗佢......食落外面爽脆，裡面滑滑地好得意~ 連唔鍾意食菜既老公都覺得OK! (咁啱哂嘞~ 等我整多d比佢食!!
)好耐都無食過胡瓜魚(sprats)嘞! 好鍾意食依種魚仔，又超cheap 又容易整，Morrisons 經常都有好新鮮 + 好鬼平 - 今晚依碟魚只買咗39p 咋!
蕃茄紫菜魚腐湯食譜click here~ 魚露雞翼食譜click here~ 咖喱秋葵炒肉碎食譜click here~ 椒鹽胡瓜魚食譜click here~ 
沒有留言:
發佈留言