完美妻子應小自己5歲
(明報) 2010年3月4日 星期四
[明報專訊] 想找完美妻子? 瑞士專家告訴一眾男士貼士: 未來的妻子應小自己5歲、較自己聰明、文化背景相同。若你能按此標準找老婆，白頭偕老的機率增加兩成。
妻要較丈夫聰明
日內瓦商學院的研究小組找來1074對年齡介乎19至75歲的夫婦，探討他們美滿婚姻的秘訣，並根據研究推研出上述公式。他們指出，要維持長久而愉快的夫妻關係，夫婦擁有相同文化背景最要緊。此外妻子最好比丈夫年輕5歲，但又較丈夫聰明至少27%; 丈夫無而妻子有學位就最好。研究負責人卡奧（Nguyen Vi Cao）說: "若大家跟足這些指引揀伴侶，擁有開心而持久的婚姻機會可增加20%。"
這樣看來，英女王與王夫似乎能印證這標準。英女王和菲臘親王自1947年結婚至今，已超過60年。83歲女王比王夫年輕4年又10個半月，他們均有王室背景，至於聰明度——儘管難斷，但王夫失儀鬧笑話的報道確是時有所聞。
專家菲格斯（Kate Figes）同意女性應是一段關係中較聰明的一個，因為決定感情關係的多是女方。但婚姻顧問諾瑟姆（Christine Northam）不同意妻子要聰明過丈夫。"現代婚姻關係夫婦彼此投入，關係團隊工作，而非一個人主導另一人。"
睇完依個所謂研究報告......第一個感覺係 - 瑞士專家~ 你(地)係咪好得閒無野好做 + 好悶?
)第三個感覺就係 - 咁我同Mr.T咪好大鑊???
According to上述研究報告既公式:- 老婆要比老公後生5年 - 我比老公大3年零11個月......唔合格!
- 要擁有相同文化背景 - 我喺香港出世長大，港女一名; 老公就喺英國出世長大，竹升一名......唔合格!!
- 老婆要比老公聰明 - 大事上老公比我能幹; 小事則我較精明......唔合格!!!
- 最好老公無學位而老婆有學位 - 我地2個都有學位......唔合格!!!!
報告話若符合哂所有公式裡面既條件，擁有開心而持久既婚姻機會可增加20%!
咁我同老公全部食哂零雞蛋......係咪代表我地擁有開心而持久既婚姻機會會倒扣20%呢???
不過其實我覺得上述果咋研究得出來既結論非常咁無稽!先講妻子應比丈夫小5年依點......
我唔會話年齡差別對情感關係 / 婚姻關係完全無影響，
只係 - 唔係男大過女，或女大過男依個範疇! 
究竟係邊個去決定老公年紀要比妻子大，婚姻關係先會良好既呢?
點解咁多人一聽見個老婆年紀大過個老公就會大驚小怪? 相反老公大過老婆就覺得完全正常無問題??
坦白講當初老公追我，
我都有果種傳統男女年齡差別既不自然感覺! 不過依種感覺喺大家相處一段好短既時間後好快就完全消失~ 因為我 + 老公相處過程當中，根本完全感覺唔到果3年零11個月所謂女大過男既差別存在! 
若調返轉係老公比我大3年零11個月，真係會更完美咩??
老婆年紀是否小過老公5歲有何咁重要??
擁有相同文化背景......
現今世界好多國家都越來越趨向國際化; 海外移民、留學生比從前普遍; 世界越來越關注種族歧視問題; 加上資訊發達......文化差異距離已經越縮越短~ 唔敢話一丁點差異都唔存在，但我會認為好多文化上既差異已經融合咗!
海外移民 + 異族通婚現今社會非常咁普遍! 竹升 + 混血兒週街都喺......
有異族通婚既朋友 - 蘇格蘭男娶港女，擺中式酒席不特止，蘇格蘭男仲穿起闊袍大袖既中式禮服跪地斟茶比長輩......
擁有相同文化背景真係咁重要??
最緊要唔係睇下大家肯唔肯接受 + 融入另一半同自己唔同既文化背景咩???老婆要比老公聰明......
依點完全關乎個人選擇! 或者真係有女人會喜歡自己叻過個老公......
但對我個人來講就完全接受唔到一個比自己愚蠢既老公!!
感覺實在太唔man 嘞.......
感情關係 / 婚姻關係都係兩個人既事，應該係雙方既共同決定嘛! 點會只由女方作主架?? Takes two to tango 架嘛!!!
老公無學位而老婆有學位就最好......
完全唔理解依個結論係點樣得出來?
感覺上依個結論同上面既年齡差異同樣存在性別歧視......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
世界上有千千萬萬唔同種族、性格、背景既人，每個人都完全唔一樣，都會有自己一套待人處事既態度 + 睇法;
每對夫妻、情侶可能亦都有屬於佢地自己唔同既相處方式......點可能一概而論有一套特定準則說明書 / formula ?
人係生，formula 係死既......
睇完依個研究報告，最大感想並非替自己既婚姻擔心~
反而覺得依班所謂專家似乎真係讀死書讀到上哂腦!
沒有留言:
發佈留言