貼心貼身既禮物 (2010年3月20日)

最近郵差們好似勤力咗喎!

尋日星期六(3月20日)晨早拍門送來2個包裹 - 1份係我既online shopping;

 另一份係香港blog 友艾莉寄來既禮物~

 包裹裡面有2樣野......

 大鄉里既我唔知依個係咩來?

初時我勉強地估係手機套......不過而家仲邊有咁鬼大個既手機架?

唔通係飲熱野 / 凍野時笠住個杯來保溫?  (想法越來越勉強......)

最後問清楚艾莉先知道，原來依個係韓國出品既去角質手袋! 沖涼時用來捽死皮 + 老泥既~

另外白色盒仔裡面，艾莉親手刻咗我個嘜頭既橡皮印仔!

依份禮物真係合時嘞! 因為下星期二約咗朋友食飯，唸住整2樽自製果醬送比朋友，咁我就可以用個印仔印自己個嘜頭上果醬度啦~~~

I love it~ Thank you very much Allie!

艾莉係我既印章啟蒙老師~ 早前見到佢既作品刻得出神入化，搞到我心思思又想玩埋一份!

不過我好鬼懶~ 玩咗一排又停咗! 暫時仍然只得幾個作品......之前仲刻咗一個章未post 出來，等我刻多幾個先一次過post 出來!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
收完禮物同老公去咗Glasgow Fort 食lunch + shopping!

Glasgow Fort 食野好少選擇! 今次去咗Frankie & Benny's~ Weekend 多人要等20分鐘......

 依個就係我地個"籌"嘞!

渣住依舊野可以行出餐廳外面一路行街一路等位，有位時舊野會響通知你! 唔洗喺餐廳裡面呆等~ 依個system 幾好!

不過當然唔行得好遠 - 大約10間店舖左右啦!

 Frankie & Benny's 食物一向都普普通通啦! 唔會話好好食，但又唔會話難食......

 Garlic Dough Balls 2份分~ (蒜蓉牛油好香，熱辣辣幾好味! )

 我既Chicken Carbonara Spaghetti~ (太多肉太多料阻住哂d意粉，而且味道太淡! )

 老公既Black Pepper Mayo Burger~ (依個好正喎! 漢堡扒好juicy + 個黑椒mayo 好好味!!)


依餐Frankie & Benny's 2:1 好味，算好唔錯架嘞~

我唸尋日係自舊年12月落過大雪後以來，天氣最好 + 最溫暖既一日!

 風和日麗又有陽光，晏晝竟然有21C喎!
唔怪之我shopping 時出咗成身汗啦!!