2010年3月1日星期一

二人世界四餸一湯 - 2010年3月1日 (附食譜)



香茜蕃茄皮蛋湯; 蜜汁雞翼; 蒜蓉魚肉大蝦; 蒜蓉菠菜 & 自製鹹蛋

我發現屋企附近果間麥麥好唔掂 - 因為每次我食完之後10次有8次都會肚疴!! 不過食早餐又唔會喎......

上星期有2日唔知發咗咩神經好想食魚柳包! 咁叫老公放工返來時順便買埋啦......

 魚柳包咁細隻,1隻邊度夠我食呢? 所以要整夠2隻!

不過2日食完後都疴到我七彩!!!  好彩疴完就無事~ 再食多兩餐容乜易疴到我脫水呀!!! 都係自己煮返安全d! 

講返今餐......

我個間歇性失憶症又發作! 本來今餐想食"many springs fish" ,不過我又唔記得攞出來溶雪!!!!唯有臨時臨急改食急凍魚肉大蝦 - 好彩冰格有存貨,溶雪快d嘛!

個幾月前用裹鹽法醃好咗既鹹蛋斬吓眼又食得嘞! 今次一樣好成功啊~~~

 香茜蕃茄皮蛋湯食譜click here~

 蜜汁雞翼食譜click here~

 蒜蓉魚肉大蝦食譜click here~

 自製鹹蛋(裹鹽法)食譜click here~



10 則留言:

  1. 好厲害既 Mc當當份量呀, 我地兩口子食既份量應該係一半 .... 你就好啦, 食極都唔肥, 於是就可以成日無顧慮咁享受美食 , 羨慕呀
    [版主回覆03/02/2010 18:23:00]哈哈~~~~ 話雖如此,不過我應該開始收歛吓,唔可以再太放縱自己~ 畢竟都唔係十八廿二,要開始保重身體!
     
     

    回覆刪除
  2. 我個"回應"攪掂啦~真係唔該哂你呀!!!我煩厭呀!
    雞翼色水靚靚,啱啱放工返嚟,好鬼肚餓,真係流哂口水~~
    [版主回覆03/02/2010 18:20:00]唔洗客氣~ 搞返掂就好啦! Yahoo 而家成日都有問題,發表網誌前要check 多兩次睇清楚啊!
     
    多謝~ 但雞翼色水唔算靚嘞! 因為英國咩雞都係好難上色架!!!! 都唔知點解???
     
     

    回覆刪除
  3. Gaileは林家歐巴桑2010年3月1日 下午6:26

    M記我都係食早餐多....之前新聞講台灣M記用既油有問題,攪到好多人都唔敢食,可能妳個胃都係咁,唔受得!又或者妳果間唔乾淨,下次要食去食第二間好過
    [版主回覆03/02/2010 18:18:00]真係依間幾乎去親都賴野!!! 但老公食又無事喎......唔知會唔會係依間魚柳包d tartar sauce 呢?
     
     

    回覆刪除
  4. 嘩, 2個包... 真係睇妳唔出呢, keke!
    [版主回覆03/02/2010 18:16:00]魚柳包好鬼細隻喎!!! 好似食空氣咁,緊係要食2隻先夠飽啦!
     
     

    回覆刪除
  5. 吓 ! 蝦係假既 , 咁似 ; 你唔講我重以為真蝦添 , 你真係叻連鹹蛋都識整 .
    [版主回覆03/02/2010 18:15:00]係呀~ 假野來架! 好似假蟹柳咁用魚肉整架~ 不過幾好味!
     
    英國鹹蛋貴到唔捨得買來食! 但我又鍾意食.....自己醃平好多啊~~~
     
     

    回覆刪除
  6. 濃情朱古力碰上士多啤梨2010年3月1日 下午10:46

    WO, 你煮既餸好正呢, 蝦呀雞翼我愛也
    [版主回覆03/02/2010 18:13:00]多謝~ 依餐樣樣餸都好快手搞掂!
     
     

    回覆刪除
  7. 咁間麥當當真係好唔掂喎
    [版主回覆03/02/2010 18:12:00]我食親依間成日都疴架! 不過老公食又無事喎......我懷疑係佢魚柳包d tartar sauce~
     
     

    回覆刪除
  8. 我都好憎突然諗好又唔記得解凍架~
    [版主回覆03/03/2010 17:51:00]所以屋企要存多d唔同種類既緊急應變食物囉!
     
     

    回覆刪除
  9. 除了香茜外, 様樣樣都啱我!
    我都想試吓魚肉大蝦, 好好味 咁 呀!
    睇完你寫的, 我尋晚整咗薯仔雞翼呀! hehe
    [版主回覆03/04/2010 18:19:00]妳唔鍾意莞茜架? 果陣味一係會好鍾意莞茜; 一係就好唔鍾意.....而我就好鍾意~~~
     
    魚肉大蝦係cheap 野來架! 不過cheap 得來又幾好食~
     
    薯仔雞翼正呀!!!!!  其實我好鍾意食雞翼~ 不過老公鍾意豬扒! 成日叫我整豬扒都唔厭......
     
     

    回覆刪除
  10. 出去食得太多都無益,係屋企自己住仲好,鍾意有咩就有咩,蜜汁雞翼我鍾意呀!!
    [版主回覆03/05/2010 17:32:00]係呀~ 有時自己煮咗一排後,到唔想煮時出街食但唸極都唸唔到想食乜! 好似樣樣野都唔夠自己整果d野好食....
     
     

    回覆刪除

Related Posts Plugin for WordPress, Blogger...