睇開我個blog 既網友應該對依張相既pose 熟口熟面!
因為我 + 老公決定以後每到一個地方旅行，都要喺當地既出名地標影一張啜爆相! 哈哈~~~~
第三天 - 2010年2月6日 (Part 1)
是日離開酒店後第一件事，就係去逛酒店附近既超市!
因為每日我地玩完返到酒店時，依2間超市已經關咗門~
不過依2間超市都係大同小異，而且比我想像中細......
除咗counter 後面果大咋火腿豬脾之外，其他貨品並唔太吸引到我~
依種喺好多超市都見到外型古怪既西蘭花 - Broccolo Romanesco~ 我覺得佢個樣幾核突......
咦.....................竟然有我套彩色扒刀喎! 不過賣得好鬼貴.......
原來仲有依個彩色系列既刀仲有其他款式呢!
我喺店裡面忘形到爭d打爛人地野
......都係走為上著嘞!!!
話咁快又到食野時間啦!
(5日行程，我地食足4日~ )是日午餐......
食極唔厭既薯仔炆腸仔~ 依種腸仔超似香港既廚師牌雞肉腸! 英國無得食......
我一定要食既"苦苦菜"~
茄汁肉丸~ 個汁就好好味! 但d肉丸就麻麻地......太淋!!!
唔知咩雞~ 好好味但太少肉.......
2年多前honeymoon，喺佛羅倫斯一檔小食流動車，意外地發現牛肚包，我先至知道意大利人除咗會食雞雜之外，原來豬牛羊雜都啱喎!
不過果時我以為意大利咁大，食內臟既習慣只係地區性......
老公不忘贈我一句: HonHon~ 妳依幾日食野真係好勁!
妳唔係eating for 2吓哇!!?!?!? 傻傻地架! 你第一日識你老婆呀?
飽餐一頓後，我地就舊地重遊......
雖則話上次到羅馬時已到過大部份旅遊重點，不過覺得最有代表性果幾個地標，每次重返都應該去留返條腳毛!
是日落毛毛雨~ 趁住天色唔太差，去咗Colosseo (羅馬鬥獸場)兜咗個圈 + 影吓相......
)老公之前搵到羅馬市Testaccio 區，有出名食內臟既食店旅遊資料~ 決定是日帶我去試試! 去完鬥獸場之後，我地就去Testaccio 區搵內臟食店所在位置......
Testaccio 區日頭非常平靜，並唔係旺區~ 不過一入夜依區會另有一番面貌 - 因為依區而家變咗night life 地區，酒吧、disco 林立，夜晚比日頭人流旺盛!
不過果頭橫街左穿右插，就算日頭都好容易迷路!!! 我同老公渣住地圖喺果頭都兜到頭都大哂!!!
唯有停喺附近一間好正既咖啡店咪地圖......
依間咖啡店好鬼大!
意大利既甜品好似唔太甜喎! 等我下次有機會再試清楚先~~~~
休息完查清楚地圖後，我地終於搵到果區最出名既內臟餐廳嘞!!!!
不過.............佢地晏晝休息!!!! 要7pm 先再開門!!!
其實Testaccio 區既內臟食店唔止一間，但大部份都係唔起眼既小店; 而且好多羅馬既餐廳習慣中午開幾粒鐘，但晏晝就休息，到晚飯時間先再開門......
Testaccio 區晏晝靜到咩店都關哂門......我地唯有搭車返出Rome City Centre 行街，等晚上再來過!
搭巴士時見到車上掛住一個個牌，老公八卦走埋去望吓......
原來係卡夫忌廉芝士廣告! 上面仲有幾個食譜可供自取~ 雖然係意大利文，但我都攞咗啊!
當年第一次到訪許願池時，我好詫異一個建築咁宏偉既大型噴水池，竟然座落喺一個四周被小橫街圍繞既小廣場之上! 感覺怪得來好得意啊~~~~
廣場實在太細，而且許願池經常爆滿遊客，唔方便set 三腳架~ 合照都要請其他遊客幫忙!
哈哈~~~~ 
)許願方法: 先背向許願池誠心許願
，然後將錢幣向後拋入許願池內~ 傳說只要你喺度許過願，將來一定會舊地重遊!
真係浪漫得過份~~~
食完雪糕後，仲未係晚餐時候，繼續周圍漫無目的閒逛......
錢形pasta~ 適合發錢寒既人!!!
哈哈~~~~~~~~
墨西哥帽型pasta~ (依個唔知點煮呢??
)
唔知會係咩味既呢? 遲d試吓話過你地知! (最左手邊既係咖啡味 .......咪搞我!)行完街我地就返去Testaccio 區食內臟晚餐嘞!
咀咀相so sweet 唔太甜既甜食好岩我,期待妳食既內臟出場,唔得,癮起....今日都黎個內臟餐先
回覆刪除[版主回覆02/16/2010 16:08:00]哈哈~~~~ 張啜爆相暫時已經有幾個唔同version嘞!
將來再去羅馬時，我一定會再去依間咖啡店! 因為佢糕點多款，而且件件細細件，又唔太甜.....啱哂我! actually 我覺得佢地既甜品做法幾日式，口感好light~ 同英國果種甜屎人既糕點分別好大!!!
好sweet啊~~~ 真係超多pasta~~ 好得意呢~~ 墨西哥帽果個真係唔知點煮? 塞d野入去頂帽度?? 你d美食真係引到我流晒口水呀~~ 好彩我今日可以食牛排姐~~
回覆刪除[版主回覆02/16/2010 16:03:00]我就係唔知點煮........不過佢除咗個形得意之外，其實材料同普通三色意粉無分別~ 所以我只買咗比較特別既玫瑰pasta!
今晚自己整牛扒定出街鋸扒呀? 我今晚會補煮年飯! 年三十晚掛住蒸糕唔得閒煮; 年初一喺6299度食飯又食得飽得滯; 尋日初二破日 + 超市無靚雞賣........
enjoy 妳塊牛扒咯喎!
sooo sweet
回覆刪除[版主回覆02/16/2010 18:33:00]Thanks Andrea!
你們真係好 "SWEET" ! 一路睇, 覺得你的行情好豐富!! 好ENJOY~~~
回覆刪除好期待你的團年飯~
[版主回覆02/16/2010 18:32:00]Thanks 何媽! 查實上次honeymoon 時行程仲豐富! 就係因為上次做哂大部份遊客野，所以今次行程可以好他條，輕輕鬆鬆慢慢周圍逛~~~
我都好期待今晚果餐! 好似好耐無煮過飯~ 手好痕!!!!
you guys are so sweet...... Under 18 cannot see your blog. LOL
回覆刪除I am curious about the mexican hat pasta. How to cook? No instruction?
[版主回覆02/17/2010 01:21:00]haha~~~~~ dont you think you are a bit too strict? even Disney cartoon shows the prince kisses the princess woh!
there is an instruction on the packing~ however it's all italian!
咁幫你地影果個咪要係咁望住你地嘴囉﹖﹗ 呢舊古怪西蘭花係德國好多呀﹗不過我冇試過呀~ 你真係好鐘意食內臟呀﹗ 嘩﹗唔得喇﹗件餅好多奶油呀﹗漏呢~ 你個袋好鬼大呀﹗的料已經唔係輕﹐ 你咩住週圍行好重啵~ 墨西哥帽型pasta應該係用肉醬煮喇掛﹐ 等佢每口帽都淡淡肉﹗ 玫瑰味係咪要甜煮架﹖
回覆刪除[版主回覆02/17/2010 01:36:00]我地搵果個人 - 啱啱同條女喺池邊打完車輪! (係真既!) 我 + 老公都覺得 - 咁搵佢影應該唔介意望住我地咀嘞啩!!?!?
係? 喺英國真係未見過依舊咁樣衰既西蘭花喎! 不過我都好想試吓......
no~ no~ no~ 我老公果件就緊係勁料啦! 但我果2件迷你餅仔好light 架! 我本身唔鍾意甜食都覺得好味~
我大部份手袋都係LV，而且又係大袋~ 我習慣哂咯! 對我來講唔特別重啊~ (我帶好多野出街架! 一定要揹大袋!!)
哇~ 如果頂帽好似妳咁講咁整法，咪好鬼漏囉.....
我唸玫瑰只係有少少香味既啫~ 不過我仲未唸到點煮呀!
嘩.... 駛唔駛咀到爆呀
回覆刪除d 糕點好吸引呀 , 上我都好後悔沒有食呀 , 但都有食雪糕囉....
外型古怪既西蘭花 - Broccolo Romanesco ....... 在香港都有, 但我都係沒有買來吃呀 !
[版主回覆02/17/2010 19:30:00]洗呀! 陸續有來呀~~~
下次我都要試多兩種糕點! 係? 香港都有依種樣衰西蘭花?? 下次返香港叫V媽媽買來試吓先!!!
發行$$寒PASTA岩我呀!!!!許願池真係好靚,去羅馬真係必去呀,羅馬鬥獸場都係呀!!!
回覆刪除[版主回覆02/18/2010 05:26:00]係喎係喎~~~ 個pasta 啱妳! 下次再見到的話整包過妳吓!
去羅馬去鬥獸場 + 許願池就緊架嘞~ 但羅馬仲有好多好有特色既地方值得去架~~~~
咁多廚具賣，見到好鬼開心呀! 好 sweet sweet 喎
回覆刪除[版主回覆02/19/2010 00:37:00]係呀! 真係好想成間鋪搬返去蘇格蘭......
KEKE, 好sweet呀...
回覆刪除[版主回覆02/19/2010 00:35:00]
Thanks 何C奶!
D 啜爆相真係好sweet! 但我怕羞唔敢影呀...hehe
回覆刪除Pasta 好鬼靚呀, 好 colorful!!!
[版主回覆02/23/2010 00:12:00]有咩好怕醜啫? 我 + 老公平時都係咁既~ 而且我地用三腳架影之嘛! 凡事出自真心自然流露，無咩怕醜難為情~
d pasta 五顏六色睇到眼都花哂....
意粉真係多款到…妳有冇眼花瞭亂呀
回覆刪除[版主回覆02/24/2010 07:57:00]點止??? 我仲流到成地口水差d跣屎呀!!!!!
今日係中國情人節...你哋啜左咀咀未呀...
回覆刪除[版主回覆03/01/2010 09:04:00]係呀~ 我都唔知今日係元宵節呢......祝妳一家元宵節快樂啊! 哈哈~~~~ 我 + 老公日日都咀好多次架啦!