第四天 - 2010年2月7日 (Part 2)
是日係我地留喺羅馬最後一晚......
因為1星期後既情人節適逢大年初一，唔可以二人世界，所以我地出發前已決定喺羅馬食餐飯提早慶祝情人節~
之前幾晚返到酒店，老公都用netbook 上網搵羅馬靚餐廳既資料，選擇有好多，但我地一直都決定唔到去邊度食依餐飯......
是日參觀完地下墓穴之後，我地搭車返出羅馬市中心~ 我地仲有幾個舊地想重遊，於是我地喺Termini 火車站落車，一路漫步去目的地......
而且樹上仲有咁多橙喎!! 喺英國一早就比d"靚"仔摘到禿哂頭咯......
上次夏天時見到橙樹上結滿橙.....
(作吓狀啫~ 你估我搏拉咩??? 
)
(2007年6月)
反正依種靚靚噴水池成個羅馬周圍多的是......
(2007年6月)是日奇景......
影完噴水池，我地繼續行去下一個目的地~ 不過........
我: HonHon~ 我記得果間有人唱歌既餐廳好似喺依度附近! 老公: 我都記得好近依度! 
我: 不過我唔記得exactly 喺邊度喎......你記唔記得呀?老公: 我唔記得呀~ 只係記得喺一條橫街仔裡面......於是我地再繼續行，突然我望入其中一條橫街........
當時餐廳裡面有燈但仲未開門，我 + 老公喺門口裝裝吓.....
應該係依間嘞!!?!再望望餐廳對面 - 肯定係依間嘞!!!
因為餐廳對面係一間好細既Internet Cafe! 當年我地未有netbook，雖然係honeymoon，但有日老公有工事要處理，要搵地方上網......就係咁意外地比我地發現Internet Cafe 對面依間餐廳!
我 + 老公對望咗一下，決定是晚返來依間餐廳食飯慶祝情人節!
再繼續行去下一站 - Piazza di Spagna (西班牙廣場)~
Spanish Steps 共有138級; 由一個叫做Francesco de Sanctis 既人17世紀時設計，不過係由一個法國政府人員Stefano Gueffierwas 比錢興建~點解喺意大利，但又叫做"Spanish Steps"呢?
因為17世紀時西班牙領事館位於依個廣場! 順理成章叫做Piazza di Spagna~
John Keats 1821年死後，住所舊址現時成為咗John Keats 既紀念博物館!
西班牙廣場真係好國際化啊!!!!
可見當時既Church of Trinita dei Monti 正在修葺緊~ (大家搵唔搵到我喺邊呢?
)
我: HonHon~ 何解你一副"嘍打"咁既樣??
老公: 依度好多人打荷包架!!!離開西班牙廣場後，我想起我地只日間到過Piazza di Trevi (許願池)~ 但我見到店既明信片有許願池既夜景，打哂燈好鬼靚......
反正都係喺附近，就過去及及啦!
(我講緊我 + 老公!! )
(設計對白)去完許願池之後，我地就返去honeymoon 時去過既餐廳 - Il Giardino di Albino 食飯提早慶祝情人節!
Il Giardino di Albino 裡面好大，間隔分開3間大餐廳~ 一個老闆樣既阿伯招呼我地入座最大既"garden"廳，當時裡面大約有3、4枱客人......
依個時候老公同老闆樣講: 請問我地可唔可以坐隔離張枱? 我地2年前honeymoon 時來過依間餐廳，當時係坐果張枱~
老闆樣即時笑笑口比我地坐隔離張枱!
哈哈~~~ 佢唱既歌有幾首都比"軟硬天師"改編過!!
開餐嘞!!!!!!!!!!
Honeymoon 時我地喺羅馬既一星期裡面，我每一日都不停食蜆~ 果次食咗好多次鮮蜆意粉，但以Il Giardino di Albino 最好食!
意粉煮得剛好al dente 得來唔太硬，只簡單地用橄欖油、白酒、香草來烹調，意粉有微辣配合鮮蜆既鮮甜味......實在太太太好味~~~~~ 而且佢地比好多蜆!
今次依碟味道同記憶中一樣! 依然好多蜆，味道依然係咁正!! 真係整多碟比我都食得哂呀~~~~~
老公依個蜆肉先去咗殼 (可能因為有忌廉汁，先去殼會方便d~)，香濃creamy 同樣帶微辣既忌廉汁，加埋白酒 + 香草，配合充滿蛋香既全蛋闊麵......what more can I say?
查實依2大碟pasta 應該係"First Dish - 第一道主菜"先啱!
意大利人進餐一般會先食Antipasti (Appetizer / 頭盆); 跟住Primi Piatti (First Dish / 第一道主菜); 再到Secondi Piatti (Second Dish / 第二道主菜); 最後先到甜品 / 咖啡或茶。
不過我地都係習慣平時頭盆 + 主菜只2個course 既食法，所以多數會skip 頭盆或第一度主菜!
雖然海鮮好新鮮好鮮甜，不過好細碟啊!!!!
好彩頭盆既意粉好鬼大碟補返數啫~
好正呀~~~~~
豬皮燒到卜卜脆香噴噴，而且成大舊都係淨肉來無骨架!
不過好似上次既海鮮 + 蜆肥美好多喎~
可能因為上次係夏天啦! Il Giardino di Albino 既氣氛非常好，除咗有人現場彈唱之外，餐廳所有侍應都好好客活潑友善，整間餐廳充滿咗地道意大利人進食時熱鬧歡樂既氣氛!
Il Giardino di Albino 位於小橫街裡面，而且周圍並非重點旅遊景點，可能因為咁比較少遊客會留意 / 發現到依間餐廳! 我地見到進門既客人，幾乎全部都好似同餐廳既人好熟絡，一入門口就熱烈擁抱 + 互相問候過不停......
另外可能就係因為少遊客光顧，侍應們既英文非常麻麻~ 不過佢地就算明知自己講得唔好，都好肯嘗試用英文同我地溝通; 而當我地用意文講一聲"grazie"向對方道謝，佢地會誇張地露出開心驚喜既表情~ 超友善 + 熱情既服務搭夠，補返哂滿分!!
Il Giardino di Albino 地址: Via Zucchelli, 29 00187 Roma
點解我咁肯定呢?
因為我覺得佢個樣好似"小木偶奇遇記"Pinocchio 個老豆!!!
依張2年多前既相係由"小木偶老豆"渣機架!
上次"小木偶老豆"渣完機，鬼馬地扮哂收埋我部相機; 今次同佢一齊合照完，佢又重施故技~
我地當然唔認為"小木偶老豆"會認得我地啦! 不過依種舊地重遊，重見故人既感覺好得意! 唔識點形容........
雖然並唔真正認識"小木偶老豆"，但2年多後再次見到佢，佢仍然咁活潑友善，有種好warm 既感覺啊! 希望下一次再到羅馬時會再見到佢啦!
情人節前夕重溫honeymoon 時到過既地方，我 + Mr.T 第11個情人節真係過得超級浪漫啊~~~~ (
我覺得!)
真係好鬼浪漫好鬼 sweet 呀 !
回覆刪除[版主回覆02/19/2010 18:12:00]Thanks feifei~
呢種 中日意雜兜 餐廳德國都好多呀﹗全部不知所謂﹗ 有得食洗咩怕大食啵﹖﹗ 我細佬個女朋友都好好胃口﹗ 其實食得係福~ 我都鐘意食鮮蜆意粉架﹗茄汁海鮮粉都鐘意~ 不過忌廉汁我就覺得會漏~ 你都鐘意食醋架﹖﹗我都係呀﹗ 無論中西餐都鐘意加醋~
回覆刪除[版主回覆02/19/2010 18:12:00]我一睇果間野既門口好有聯合國既感覺.....
食極唔肥一件事，不過都唔應該太放肆既! 尤其我鍾意食既野都係高膽固醇.....
咁整法既鮮蜆意粉就最正! 最簡單既做法，食到每一種材料既鮮味!!!! 不過我反而鍾意忌廉汁多過茄汁......
我好鍾意食醋~~~~~ 炸魚薯條麥芽醋要多到浸淋哂d薯條; 食雲吞無大紅浙醋就食唔落; 餃子要有鎮江香醋; 沙律或麵包要點意大利陳醋!!!!!
想羡慕＋ 妒忌死人咩 您食極都咁瘦GEI & 您地兩公婆11年都仲咁SWEET SWEET GEI。。。
回覆刪除[版主回覆02/19/2010 18:05:00]我地一齊踏入第11年啫，舊年9月先慶祝完拍拖10週年! 不過我地結咗婚3年咋~
你老公好有心思, 去返2年前的餐廳慶祝情人節, 吾怪得你笑得好"甜"~~
回覆刪除[版主回覆02/19/2010 18:03:00]唔係佢有心思~ 我地本身完全唔記得哂間餐廳喺邊，之係果晚咁啱經過撞返依間餐廳架咋!
你地係邊度呀???
回覆刪除間餐廳好正,我好鐘意依d唔起眼既小餐廳仔,倫敦Finchley Road都有一間類似既意大利餐廳仔,老闆係意大利人,去食既又係熟客居多,我以前住果度差唔多個個星期去食...見到小木偶老豆,我都好miss果間餐廳既老闆,唔知幾時有機會去探佢呢
[版主回覆02/19/2010 18:01:00]妳咁咋架~ 咁都搵我唔到! (再搵過! 得我一個架咋~)
英國有好多獨立意大利餐廳(即唔係連鎖店果種)，大部份都係意大利人開架啦! 不過我喺英國食過咁多間意大利餐廳，就算係意大利人開既，全部都為咗迎合本土人口味 - 意粉都唔係al dente.......
回覆刪除真係好專一呀 , 是你記得還是巧合呢?
[版主回覆02/19/2010 17:23:00]因為我好恨食返依個鮮蜆意粉，所以依個係記得既~ 不過個海鮮主菜就係巧合嘞! 返到來睇返舊相先知~
個頭盤好大碟喎 ~~~
回覆刪除[版主回覆02/19/2010 17:20:00]因為依個其實係first dish，唔係頭盆囉!
你2年前同2年個樣都無咩點變過呀,都仲係咁後生呀!!!
回覆刪除你地DAY 4果日真係巧浪漫呀,如果去旅行去番舊地既感覺真係巧正,仲要撞番以前見過既人,呢個世界真係好奇妙,通常我去旅行都好鍾意去番之前去過既地方,睇下有無變過,個感覺真係好正!!
[版主回覆02/19/2010 19:29:00]只係2年多應該唔會差太遠既啫~
感覺最得意係我地原本完全唔記得間餐廳喺邊，依頭提起過咗一陣咁啱撞見返! 我地無特登搵 - 因為根本唔知喺邊，想搵都唔知點搵! 更加無唸過會見返以前見過既人~
好sweet呀!!
回覆刪除妳啜爆的相好鬼正,我決定喺黎緊的trip都抄妳影下呢d相先(有無版權架?不過唔理lu!!哈哈 )
[版主回覆02/20/2010 22:22:00]影相唔一定要等去旅行先可以影既! 無話抄唔抄既~ 不過影時小心比人搶相機喎!
What a wonderful trip! Thanks for your sharing.
回覆刪除[版主回覆02/20/2010 22:19:00]you're welcome!
你老公真係好SWEET. 絕晒種ga 啦...
回覆刪除嘩﹗我淨係想講話我地都鐘意食醋幾夾咋﹐ 不過個驗證碼好長呀﹗﹗
回覆刪除[版主回覆02/20/2010 22:12:00]個碼整咗咁耐仲未習慣???
你就好啦~ 仲咁SWEET, 睇到你個BLOG我都好開心, 被你感染埋, 有個問題想問你, 你地KISS啲相係找人幫你地拍? 唔會怕難為情嗎?
回覆刪除[版主回覆02/20/2010 22:11:00]我地去旅行會帶埋三腳架ga! 唔洗下下影合照都要麻煩人地嘛~ 只係有時多人既地方唔方便set 三腳架先會請人幫我地影相!
我 + 老公都覺得無乜野好難為情喎! 我地成日都係咁既，並唔係為咗影幅相先扮哂懶sweet~ 其實只要出自真心唔造作，就唔會覺得唔好意思 / 難為情架啦!
真係超浪漫又SWEET 呢
回覆刪除[版主回覆02/21/2010 02:12:00]我自己覺得係咁多年最浪漫既情人節dinner!
你2年前同而家都冇變過仲keep得好好，有d成熟美。嘻嘻
回覆刪除[版主回覆02/22/2010 17:49:00]只2年應該唔會有好變化啩!!?!? 我夏天時仍然好"靚"妹架!
嗰兩個 pasta & seafood 望落好正呀 , 好啱我 ! 我都好想食呀 ~
回覆刪除好得意, 有新舊照對比, 你哋都冇變, 仍然恩愛~
[版主回覆02/23/2010 16:35:00]佢地既pasta 真係好正!
我都覺得舊地重遊既感覺好得意! 尤其依個係我地honeymoon 既地方~ 依種感覺如非身親嘗試好難感受得到!
哈哈~~~~ 當然無變啦! 夫妻係應該越老越恩愛架嘛!
超級sweet啊...
回覆刪除[版主回覆02/23/2010 16:22:00]Thanks! 真係發夢都估唔到會撞得返果間餐廳!
又真係好專一喎，2年後都係叫番一樣既野
回覆刪除遲啲整番篇旅遊景點啜爆特輯黎睇睇，我地唔怕肉麻架
[版主回覆02/24/2010 08:23:00]都幾搞笑架~ 因為返到來睇返舊相先知自己咁專一! 反而老公今次點果兩道菜都係新野來.....
哈哈~~~ 啜爆相要慢慢儲架嘛! 妳等唔切既就用photoshop cut 我地個形出來，再paste 喺唔同背景咪得囉! paste喺妳屋企都得架!!!