2010年2月23日星期二

二人世界意大利feel - 2010年2月23日



海鮮墨魚汁意大利粉

羅馬之旅已完結,連遊記都寫完嘞......不過我對羅馬既狂熱仍未減退!

於是今晚整個墨魚汁意大利粉來懷念吓啦~~~~

 今次用既墨魚汁意大利長麵係喺羅馬買既 - 不過係2年多前honeymoon 時買既!

(好彩仲未到期啫! )
長麵比一般正常意粉長個double,都幾難放入鑊裡面煮!140698376_c.gif image by veronica_tsim 不過好彩意粉一掂到熱水就變軟,所以唔洗整斷佢~
依隻長麵好有墨魚汁既鮮甜味!1775465337.gif image by veronica_tsim 只需簡單地用橄欖油、海鹽、黑胡椒 + 碎辣椒乾調味已經可以突出墨魚汁既鮮味; 灒少少白酒令長麵更惹味 ............早知今次買多包返來啦!!!!

超市陰招.....

今日去Asda 買急凍大蝦,見到急凍硬櫃既cod fillets 每包由£2.78減到£2......

 同時又扮哂special offer £5有2包......真係搵笨到呢!!!

一,唔洗special offer,買2包都只係要£4;

二,價錢牌既左上角亦標明£5有1kg~ 但£2一包只得400g,£5 / 2包只得800g.....

有時見有special offer 會一時大意就賴野嘞! 真係好討厭超市依種誤導顧客既手法!! 好似當顧客係白痴一樣! 根本就係擺到明呃人!Peeved-small.gif image by veronica_tsim

大家去超市入貨時真係要睇清楚呀!

 白酒海鮮墨魚汁長麵食譜click here~



16 則留言:

  1. wa.... Mrs T. 您好叻呀! 咁眉精眼企。。。您一定係讀accounts 架啦 ..  好多時我見到特價,我就會即刻買! 都無計過條數!
    [版主回覆02/24/2010 08:52:00]多謝! 不過妳都相當醒吓 - 雖然我唔係純讀accounting,我讀business management 既~ 不過其中一科就係accounting,而且我當年係攞merit 既!  不過格價依家野,做咗師奶自然會自我訓練到架嘞~~~
     
     

    回覆刪除
  2. Gaileは林家歐巴桑2010年2月23日 下午4:57

    好多時減價唔係一定有so架,所以我都會compare份量睇下邊個抵d,如果唔係俾佢地捉住師奶仔心態以為多就係抵,最後變蝕左就好揼心~~所以做師奶都要做個精明既師奶
    [版主回覆02/24/2010 19:29:00]減價無so 唔緊要,但無理由調返轉比佢搵笨架嘛! 我都係架 - 我經常喺唔同貨架前攞住部手機計計計,咪佢有佢搵笨,我有我精明囉!
     
     

    回覆刪除
  3. 八哥狗的女主人2010年2月23日 下午5:22

    真係要小心D, 做個精明消費者 !
    [版主回覆02/24/2010 19:21:00]係呀~ 小數怕長計嘛! 比佢地陰到係佢地著數哂!!!!!
     
     

    回覆刪除
  4. 我都覺得D超級市場好奸,成日出埋D陰招!自從同孫生呢個會計佬一齊再變成師奶仔後我都學得眉精眼企咗!哈哈
    [版主回覆02/24/2010 19:26:00]不過未必個個做同數字有關既工作數口都好呢! Mr.T 係銀行管理層,佢數口真係差到令人擔心既地步......  我唯有自我訓練得更精明來平衡返!
     
     

    回覆刪除
  5. 係啦係啦~ D超市成日都係咁~ 有時跟本冇減到~ 不過都唔一定淨係超市係咁...
    [版主回覆02/24/2010 19:11:00]我都聽過有某d店舖會減價前mark up 個價錢,然後先再減返.....咁即係無減到!!!  不過超市應該係最容易賴野既地方!
     
     

    回覆刪除
  6. 好多時d supermarket都係咁, 總有人比佢呃到嗎, keke!
    墨魚汁意粉hk好難買呢, 一般supermarket都無...
    [版主回覆02/24/2010 18:48:00]有special offer 時我當然會特別留意,但我好多時都會攞住部手機計清楚係咪真係買得過先會買!
     
    一般超市無墨魚汁意粉唔出奇,未必個個人都啱口味架嘛! 除咗有墨汁鮮甜味之外,煮出來仲有一種海鮮香味~ 唔鍾意既人會覺得腥! 妳試吓去西式超市搵吓~
     
     

    回覆刪除
  7. 濃情朱古力碰上士多啤梨2010年2月23日 下午9:47

    你果然係精明消費者, 哈哈..有時係SUPERMARKET買野未必真係買兩件就平呢, 呢D真係要睇清楚呀..
    [版主回覆02/24/2010 18:43:00]d超市好乞人憎囉! 除咗買兩件未必抵之外,有時大size 都一樣未必抵過細size~
     
     

    回覆刪除
  8. D 墨魚汁意粉真係長好多喎~ 但在我記憶中, 我冇乜食過, 頂多試過兩次掛, 所以 冇乜印象 D 墨魚汁意粉 係咩味呢....
    [版主回覆02/24/2010 18:40:00]我果時(honeymoon)就係貪得意貪佢長先買! 我仲記得果時最後一晚喺羅馬pack 行李時pack 得好辛苦,因為我地當時由羅馬去西班牙仲有一星期旅程.......最後喺西班牙買咗2個喼先夠放野返屋企!
     
    靚既墨魚汁意粉先食到墨汁既鮮甜味! 我喺餐廳食過麻麻地果d除咗黑色之外,同普通意粉分別不大......
     
     

    回覆刪除
  9. ASDA 成日擺烏龍, 你肯定無俾佢陰到, 你咁精明 我都要去入貨了.
    BTW 你的墨汁意粉好有意大利FEEL. 我都好想食
    [版主回覆02/24/2010 18:35:00]都唔知佢地真傻定假懵既啫! 一次兩次就好可能係擺烏龍,成日都係咁既話,我就覺得佢地有心陰d客嘞!!!
     
    哈哈~~~~ 依個墨汁意粉用咗果隻急凍帶子!
     
     

    回覆刪除
  10. 墨魚汁意大利粉整得好靚
    [版主回覆02/25/2010 07:14:00]多謝! 不過黑忟忟加d紅加d綠......
    咁睇起上來就好靚架嘞!
     
     

    回覆刪除
  11. 一睇以為「海鮮墨汁意大利粉」,原來係墨魚汁,都無咁驚!
    [版主回覆02/25/2010 07:14:00]一睇你留言,我仲以為自己打錯字令你誤會,原來係你睇錯,都無咁驚!
     
     

    回覆刪除
  12. 香港超市咪又係,成日嗰啲優惠孖庄仲貴過單買2件,所以我依家都睇清楚先買,唔會再比"優惠庄"呃~~~ 
    [版主回覆02/25/2010 07:12:00]係呀! 我返香港時同V媽媽一齊行超市,都發現過佢地d陰招!!!
     
     

    回覆刪除
  13. 真係好過份,如果吾係好似你呢d精靈一族,甘未好容易被騙 law !
    [版主回覆02/25/2010 07:11:00]其實只要細心d睇清楚就唔會咁易上當架嘞!
     
     

    回覆刪除
  14. 果然精明醒目Mrs. T, 我有時去到超市都要碌大雙眼, 怕佢地有陰招 仲有要心水清先得
    [版主回覆02/25/2010 17:08:00]佢地咁古惑,好彩我都有返咁上下!
     
     

    回覆刪除
  15. 墨魚麵勁勁勁勁勁勁勁好食呀,我最鍾意食,不過食完d牙會黑蚊蚊,搵日要去食下先!!
    [版主回覆02/26/2010 08:56:00]吓??? 妳食乜鬼墨魚汁意粉會甩色咁搞笑架?    係咪用新鮮墨魚汁撈普通意粉果種? 咁咪好似舊時代d日本女人囉!!!
     
     

    回覆刪除
  16. 我好鍾意食墨魚麵, 不過未試過貫返屋企自己整, 通常係出面食
    [版主回覆02/26/2010 19:07:00]買定d喺屋企,想食時咪隨時有得食囉! 唔洗下下出街食~ 依度出街食墨魚汁意粉比較少又比較貴~~~~
     
     

    回覆刪除

Related Posts Plugin for WordPress, Blogger...