蒸糕bells, 蒸糕bells, 蒸糕All The Ways (2010年2月14日)

恭喜發財!

祝大家虎年行大運!

男or 女都好 - 心情 + 樣成日都靚靚~

大隻or 細粒都好 - 身體要強健如虎~

為食or 貪靚都好 - 天天豐衣又足食~

買唔買六合彩都好 - 日日財源滾滾來

大人細路男女老幼 - 事事心想事成!


今日大年初一，適逢仲係情人節V's Day......

順便祝天下所有couples - 祝你地甜甜蜜蜜~ 溫溫馨馨~ 有情人終成眷屬;

至於仲未有另一半既人 - 祝你 / 妳地早日搵到你 / 妳地既Mr. Right / Miss Right!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋晚年三十晚我無煮團年飯，因為廚房個蒸糕bell 響完又響，響過不停......

舊年嘗試整蘿蔔糕，一擊即中! 連一向飲茶時完全唔吼蘿蔔糕既老公都食到Lam Lam 脷;

今年想學整年糕，不過唔多鍾意甜既我並唔太鍾意年糕，老公又唔多吼中式賀年點心......就整比6299啦! 不過第一次整年糕就請人食有少少太冒險......

咁整多底蘿蔔糕啦! 應該夠照嘞啩!?!?? 起碼蘿蔔糕我好有把握，就算年糕整得唔好，都可以分散吓注意力嘛! 哈哈~~~

 右邊懶靚果底係比6299既; 左邊懶sweet 心型果底係我地既~ (應節嘛!)

送比人既賣相當然要靚d啦! 所以預留咗少少炒好咗既料，蒸好糕時鋪面......

唔記得買蔥!!!! 唯有用現成樽裝香草chives 代替，反正都係要果點點綠效果啫!

 咁就即時成個靚哂嘞!

 自己食就唔洗搞咁多野，最緊要有余均益既啫!

 一蒸好熱辣辣就比我同老公2人瓜分咗!

往年見人地整鯉魚年糕整得出神入化! 睇過人地既食譜，原來做法唔難喎~ 最大問題係 - 依度無鯉魚模賣......

不過去意大利時行廚具店C.U.C.I.N.A，比我搵到依個魚形銻模~

外型係就係另類咗少少......不過都未嘗不可一試用來整條椰汁年年有魚喎!

即管買咗來試吓啦......

 因為有無橙色食用色素，唯有用紅溝黃~

 蒸完好似幾唔錯喎! 塗咗油既銻模仲幾易脫模呢~

要脫模嘞..............

好緊張~~~~~ 我好緊張啊!!!!!!!!!!!!!!!!!!!!!!!!!!!!!!!!!!!!!!!!!!!!!!!

由尾開始脫模時，初見條尾時我仲覺得好掂......

 不過睇哂全相後，我就忍唔住爆笑!!!!

唔得呀~ 外型唔合格呀! 我証實依個魚型模係絕對唔適合用來整年年有魚!!! 即時咬咗佢兩啖來洩忿!!!

不過唔太甜又幾好味喎! (今朝起身條魚凍咗都好鬼煙韌軟糯~ 叮都唔洗叮啊! )

佢長得滯 - 屈一屈佢後個樣好似好咗喎! 可惜尾部一早比我咬咗幾啖......咁唔可以比6299啦!

好彩先整好咗底蘿蔔糕! 不過人地真係好想整年糕啊~~~~~~~~~~~~

唯有今朝一早起身再整過!

反正屋企有大把椰奶 + 片糖~

今次緊係唔再整魚啦!!!!

整底正正經經既黃金椰汁年糕算嘞!

第一次整，我好滿意啊~~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

今年係我 + 老公結婚後，99第一次喺蘇格蘭過年，之前2年99都返咗香港~ (或者99想同62一齊過情人節!!??!? 哈哈~~~) 有99喺度應該食得哂既!!

蘿蔔糕食譜click here~

(年糕食譜晏少少再補返~ 而家趕住去6299度食飯!!!!!)