老公成日話我為食，同時我仲係果種最容易比電視催眠既人~
e.g. 我見到電視有人食緊火腿，我突然又會好想食火腿......之類! 
尋日 + 今日再一次印證咗老公係啱既!!!
年近歲晚，大掃除掃到我似隻狗!!!
依兩日一路執野一路睇電視~ 尋日晏晝執執吓野睇到NHK台影緊人喺餐廳食緊意粉......我突然又好想食意粉!
)今朝一早起身，又係NHK台累事 - 影一個阿婆食罐頭吞拿魚 + 炒西蘭花做晚餐......
罐頭吞拿魚配飯我未試過喎!
見個阿婆食得津津有味，我又想試吓......即時去煲飯!!! 
哈哈~~~~原來罐頭吞拿魚配熱辣辣飯又幾好味喎!
不過依餐係朝早9點幾!
所以其實係早餐來......
我都成日俾電視既食物引誘到架..由其夜晚10點幾11點睇HK果D劇呀, tv show呀..有D講食野我就會好肚餓架喇...
回覆刪除[版主回覆02/04/2010 06:43:00]夜晚真係唔應該睇關於食物既野! 電視 + 書都係.....
11111
回覆刪除哈哈, 我同你一樣, 好多時見到電視食緊咩, 就馬上想食, 你個雪櫃材料都既齊全,想食既屋企都有. 你就好食極都唔肥, 我就好容易肥.
[版主回覆02/04/2010 06:46:00]哈哈~~~ 咁即係唔止我一個有為食漬!
妳點同呢? 妳而家要食2個人份嘛~ 而且我見妳身形都無走樣呀! 妳即管想食就食啦~~~
XD 我都係呀~ 其實係唔係大部份既女人就係咁架呢? 所以我盡量係食飯時先睇D同食有關既野~ 之前睇返D個伙頭智多星+日式面包王就辛苦囉~ 差唔多食足成日/晚~
回覆刪除[版主回覆02/09/2010 21:54:00]係呀~ 係呀~ 最好食飽先睇同食有關既電視節目 + 書! 去超市都最好係食飽咗先去!
請問妳喺邊度睇"伙頭智多星"呀? 我好鬼懷念呀!!!
電視係好多飲食節目! 都會被吸引架!! 但就不會即興去整!!
回覆刪除[版主回覆02/09/2010 21:57:00]只要我手頭上有齊哂材料，又或者有可以代替既材料，我都會即時試吓整架!
咁即係好似日本人咁, 食早飯 ?
回覆刪除[版主回覆02/09/2010 21:50:00]係呀~ 日本人早餐呀! 不過我唔係日日都食飯做早餐，只係果日突然為食想試吓啫!
真係好羨慕你 , 可以食極都唔肥
回覆刪除[版主回覆02/09/2010 21:49:00]肥唔肥唔緊要，最緊要身體健康嘛!
電視真係一個好勁既催眠劑....吞拿魚配飯我都好鐘意食,不過早餐食飯比較少!咁妳lunch食咩呀???
回覆刪除[版主回覆02/09/2010 21:48:00]其實書都係好勁既催眠劑來架 - 尤其有埋相果d!
我果朝突然為食先食飯做早餐啫~ 我唔係日日都係咁既! 不過我唔記得咗果日食咗乜野做lunch......
食很大唷....你就好啦...都唔肥....我肥到死啦 =0=
回覆刪除[版主回覆02/09/2010 21:20:00]我都覺得自己好大食...... 其實我成日都check 住個磅架! 不過又真係唔會變重喎!!! 都唔知食咗d野去咗邊? 所以老公話我個肚裡面有個黑洞!
is NHK japanese channel? You knwo japanese?
回覆刪除[版主回覆02/09/2010 21:18:00]it's Sky's NHK International channel! it's mostly English, sometimes it's Japanese with English subtitles~
妳就好啦，食極唔肥，我都有為食漬架，睇完電視介紹之後成日都好想食嗰樣野
回覆刪除我都已經夠肥架啦，不過近依幾個月好似肥咗好多咁，攪到我都驚驚地
[版主回覆02/09/2010 21:17:00]食完會唔會肥都係其次，最緊要係身體健康啫! 況且對住自己鍾意既美食，真係好難忍到口架!!!!
我都會架,見到人地食薯片我就好想食,要即刻落街買架,HEHE!!
回覆刪除[版主回覆02/09/2010 21:15:00]零食反而好少引起我既興趣! 我多數衰喺熱辣辣大大份果種熱食手上....
hey, can you teach me how to make the 10分鐘意粉 please? thank you :)
回覆刪除[版主回覆02/09/2010 21:14:00]首先煮quick cook 意粉(5至6分鐘果種) > 煮緊意粉時就剁蒜蓉 + 香草 - chives or parsley 都可以~ 亦可以用樽裝現成香草，咁就慳返唔洗chop!
意粉煮好後過冷河瀝乾 > 燒熱橄欖油爆香蒜蓉 > 落意粉兜幾兜 > 加罐隔咗油 / 水既罐頭吞拿魚落去 + 用鹽、黑胡椒 + 雞粉調味兜勻 > 落大劈sun dried tomato pesto 落去撈勻 > 洒上香草 > 搞掂!
係呀係呀﹗一見人食野呢﹐我就要食埋一份﹗ 特別係日本野﹗壽司﹐拉麵同炸野都整到我假肚餓~ 嘩﹗以前讀書果時我成日唔係吞拿魚送飯就係送沙律~
回覆刪除[版主回覆02/09/2010 21:08:00]我呢就睇吓係乜啦 - 朱古力雪糕零食依d就算我見到人地食，我都唔會有想食既衝動! 因為我唔鍾意甜野.......但 日本野就係我其中一個死穴嘞!!!
吞拿魚用來配飯我真係第一次! 之前只係用來整tuna mayo~
加埋紫菜就係吞拿魚寿司喎 ~ 罐頭吞拿魚我通常只係用嚟整三文治 (or 以前會整吞拿魚寿司小卷 ), 又冇諗過配飯喎 ~ 等我試吓跟阿婆整先 , 因我鍾意食西蘭花 ~
回覆刪除[版主回覆02/09/2010 21:04:00]不過我果日唔係煮珍珠米喎!
配飯我都係第一次見咋! 咪好奇試吓囉~ 點知原來咁好味果喎~~~ (我而家又煲緊飯嘞!!! )
我有時都會突然好想食一樣野放工就去食
回覆刪除而家覺得自己食大左個胃
[版主回覆02/09/2010 21:03:00]係呀~ 係呀~ 一想食就會即時去買 / 煮! 仲要一連食幾日食到唔想再食為止!
日日煮 好多時都會冇乜煮意 睇下電視 上下網 又會有新靈感呢
回覆刪除[版主回覆02/09/2010 21:02:00]煮意我仲有好多好多呀! 不過懶之嘛~~~~~
一早可以咁有胃口食都幾重味的東西, 你真係好有為食買漬，冇所謂 la , 食得唔肥是福
回覆刪除[版主回覆02/09/2010 20:59:00]我好鍾意食飯架! 鍾意食既程度去到 - 如果無飯的話，連我自己鍾意食既餸都食唔落架!
我都會係咁架！呢排都真係為食咗，好似蝗蟲咁食食食呀！
回覆刪除[版主回覆02/09/2010 20:56:00]自己鍾意既食物，真係食多多都唔會厭架!
I like your breakfast
回覆刪除[版主回覆02/09/2010 20:55:00]i like it as well~ (actually im cooking rice at the moment! )
嘩, 早餐食飯...勁呀...
回覆刪除[版主回覆02/09/2010 20:54:00]我鍾意呀! 我係飯人來架嘛!!!