2010年1月22日星期五

椰汁西米露

突然口痕好想食椰汁西米露~~~~1775465337.gif image by veronica_tsim


好彩屋企有齊哂材料,可以即時開工!

1. 燒滾一鍋水,放入西米大火滾5分鐘。

2. 熄火蓋上煲蓋待西米焗至透明。(約10至15分鐘)

3. 將西米過冷河後瀝乾。

4. 椰奶1罐、1罐清水和1罐牛奶倒入鍋中拌勻煮滾。

5. 下西米搞勻至回滾後熄火,加入適量冰糖,蓋上蓋讓冰糖自然溶化後拌勻即可食用。(或可放在雪櫃雪凍!)


i1.gif picture by veronica_tsim
見到中式超市有隻彩色西米好鬼靚1775465355.gif image by veronica_tsim,本來唸住貪得意......不過唸深一層 - 彩色應該係色素野來!  隱陣起見都係買返依隻白雪雪~~~

封口機機仔細細真係好好用!  用剩既西米封返個包裝膠袋就搞掂; 以前就要特登搵個盒來裝住用剩既西米......



14 則留言:

  1. 耶奶-----好肥啊!
    [版主回覆01/23/2010 23:44:00]我一向唔好甜品,所以間中先食吓~ 而且我食極都唔肥既!
     
     

    回覆刪除
  2. Ha ha ha, so match ah.    I also make 椰汁西米露 yesterday.  My child love it so much. 
    [版主回覆01/23/2010 23:43:00]i wont say i like it very much cos i dont really like sweet stuff~ just sometimes i want to have some suddenly!
     
     

    回覆刪除
  3. 搞到我都好想食... 不過屋企無料...要去隔離個town 買........
    [版主回覆01/23/2010 23:41:00]得閒買定d材料放喺屋企,想食時咪隨時可以煮囉!
     
     

    回覆刪除
  4. 無芋頭都煲得好靚, 我都想食!!
    [版主回覆01/23/2010 23:40:00]我唔鍾意芋頭架! 有時出街食飯有飯後芋頭西米露,我都會"不"走哂唔食~
     

    回覆刪除
  5. Gaileは林家歐巴桑2010年1月22日 下午6:34

    加埋芋頭仲正
    [版主回覆01/23/2010 23:40:00]我唔鍾意芋頭架! 有時出街食飯有飯後芋頭西米露,我都會"不"走哂唔食~
     
     

    回覆刪除
  6. 你下次試用大粒西米呀 ! 效果都ok 架 !
    [版主回覆01/23/2010 23:39:00]乜野係大粒西米? 我依度見到得依隻咋.....
     
     

    回覆刪除
  7. 唔要椰汁要芒果就係我至愛既芒果西米露
    [版主回覆01/23/2010 23:38:00]除咗椰汁味之外,其他味道既西米露我麻麻地.....
     
     

    回覆刪除
  8. 大粒西米,有少少難形容俾你知,咬落去係比較爽d既... 係呢, 你既旅行 plan 點呀 ? 有左目的地未呢 ?
    [版主回覆01/24/2010 00:23:00]無見過妳講果種~ 我其實唔好甜,只係間唔中想食一次!
     
    plan 好咗嘞~ 本來今日去咗旅行咯! 不過計到依幾日親戚到,唔想帶埋佢一齊去......推遲少少啦~ 仲未book機票 + 酒店,不過應該係今個月尾或2月頭!
     
     

    回覆刪除
  9. yeah, 等睇你既靚相 !
    [版主回覆01/24/2010 00:41:00]
     
     

    回覆刪除
  10. 咦,係未返來呵?
    [版主回覆01/24/2010 23:31:00]唔係! 我同老公去旅行啫~
     
     

    回覆刪除
  11. Mrs Williams 威廉C太太2010年1月24日 上午7:17

    我老公好好好好鐘意食西米露呀, 我鐘意d西米好爽呀, 我想問問你用冰水過西米 or 水侯水? 今次返香港有人教我用冰水過西米會爽d
    [版主回覆01/24/2010 23:31:00]我用水喉水咋~ 我好少煲糖水既,今次第一次煲之嘛! 而且依度咁鬼凍,水喉水同冰水無乜分別......
     
     

    回覆刪除
  12. 我都好鍾意食椰汁西米露架,如果加埋芋頭仲正呀!!雪凍食真係一留呀!!
    [版主回覆01/25/2010 20:59:00]我唔鍾意芋頭架! 有時出街食西米露裡面有芋頭,我都"不"哂出來唔食架!
     
    我會放到室溫但唔會雪凍,我好少飲雪凍既飲品,因為對皮膚唔好架!
     
     

    回覆刪除
  13. 我通常買一隻泰國青青綠色既西米,煮完係好淡既綠色,話係加咗班蘭
     
    張相係網上搵~ (頂, 打第4次啦 )

    [版主回覆01/25/2010 20:57:00]妳張相依包咪即係我果包個牌子囉! 不過我又無見過有綠喎! 反而彩色既就見過.......哈咁唔知彩色果隻係咪天然色素呢? 如果係的話我下次都買彩色先!
     
     

    回覆刪除
  14. 睇黎你好鐘意整野食,一定好好味喇!
     
    [版主回覆07/07/2010 20:08:00]妳好~ 多謝來訪!
    係架~ 煮野食係我一大嗜好來!
     
     

    回覆刪除

Related Posts Plugin for WordPress, Blogger...