2010年1月21日星期四

二人世界又來四餸一湯 - 2010年1月21日 (附食譜)



蕃茄豆腐滾紅衫魚; 士多啤梨果醬骨; 鹹菜炒鹵水豬大腸; 香煎三文魚腩 & 蒜蓉小棠菜

來咗英國咁耐都未飲過滾魚湯,因為好少見到有紅衫魚賣! 間中見到魚檔有新鮮紅衫魚,不過賣得幾貴,所以買來都係煎,唔捨得用來滾湯......


 真係多得泗和行而家有急凍紅衫魚賣!  可能因為係急凍貨,賣得好鬼平 - 一包3條都只係£1.40!!

終於喺英國都可以一嚐滾魚湯嘞!  雖然係急凍貨,不過啖湯好鮮甜~ 連鹽都唔洗點落!


 今晚用咗果樽甜屎人既"法國好媽媽"來煮排骨~ 一野就無咗成半樽嘞!

(就快得到個靚樽嘞!!! )

我只係想用哂樽果醬要個靚樽,所以我無再加士多啤梨~ 不過都好夠味呀!

而且喺屋企搵到罐就快到期既罐頭士多啤梨,就用鬼咗來伴碟啦~~~

尋日整果碟鹵水豬大腸,今晚用來炒鹹酸菜~ 激似V媽媽手勢啊!!! 

以後唔洗等到返香港都有豬大腸食咯~~~

一向好少整三文魚來做餸,因為覺得好腥~ 不過上星期日返6299度食飯,99用薑絲、蔥段 + 豉油煎咗幾塊三文魚,又幾好食喎!

我都試過用依個方法來煎紅衫魚 + 倉魚,估唔到用來煎三文魚都好好食~ 而且平時買三文魚容易過買紅衫 + 倉魚啊!
 

 蕃茄豆腐滾紅衫魚食譜click here~

 士多啤梨果醬骨食譜click here~

 鹹菜炒鹵水豬大腸食譜click here~

 香煎三文魚腩食譜click here~


13 則留言:

  1. 我都買過急凍紅衫魚, 有時不係幾新鮮. 多數煎香來食. 可能你手氣好, 搵到包新鮮魚!!
    [版主回覆01/22/2010 19:21:00]新鮮既又少有得賣,唯有買急凍野時多d留意到期日子~
     
     

    回覆刪除
  2. 嘩!二人世界都好豐富
    [版主回覆01/22/2010 19:19:00]我地為食嘛~
     
     

    回覆刪除
  3. Gaileは林家歐巴桑2010年1月21日 下午4:56

    我喺台灣真係未買過紅衫魚喎,好少見....我+老公好鐘意食乾煎三文魚,我地又唔覺好腥喎,可能妳唔受得陣腥味啦~
    [版主回覆01/22/2010 19:17:00]我係話以前覺得腥! 出街食過鬼佬整既煎三文魚,可能佢地唔會用薑又唔會用酒來辟腥; 又或者咁啱果舊三文唔夠新鮮!!?!? 不過食過99整既覺得好好食 + 唔腥,如果唔係我自己都唔會整啦!
     
     
     

    回覆刪除
  4. 你老公真係好有口福...成日都食到咁多正野
    一定唔可以比我老公睇你個blog...一定一路睇一路話我
    你睇下你...你學下人啦...........
    [版主回覆01/22/2010 19:14:00]Thank you! 哈哈~~~ 或者妳老公睇完我blog 會自己學來整比妳 + 松松食呢!
     
     

    回覆刪除
  5. 我都好鍾意食豬大腸, 我應該滷好切大腸時, 就比我偷食晒了, 都黎唔切用來炒!!
    [版主回覆01/22/2010 19:12:00]我前日滷好時切片,我都忍得好辛苦架!
     
     

    回覆刪除
  6. 我早兩日都想滾魚湯呀~ 不過放工去到街市, 人地已經收緊檔啦.....我整左蕃茄豆腐肉片湯咋.... 魚湯 魚湯 魚湯...好想飲 ....你好衰架... 士多啤梨 骨好吸引呀....好想食....唔得, 我又要整 d豬腸用來炒鹹酸菜, 係咪 酸 酸地架?? 我最鍾意食 酸野~ 你成日整咁多好野食, 難得你老公又唔肥喎~ 咁你 就 可以密密煮, 佢就密密食喇~
    [版主回覆01/22/2010 19:11:00]我都唔識形容鹹酸菜炒豬大腸係咩味.......不過鹹酸菜 + 豬大腸可以話係絕配! 而且我一向2樣都鍾意食~ 鹹酸菜好開胃吓架!
     
    我老公雖然都好大食,不過佢會做吓運動e.g. 喺屋企舉啞鈴or 同朋友玩吓MMA~ 而且我煮既野,唔係佢一個人食哂架嘛! 我唔洗食咩?
     
     
     

    回覆刪除
  7. 魚湯好飲呀! 我又係雪藏一族,諗住急凍魚煲湯唔好飲!
    [版主回覆01/22/2010 19:04:00]喺外國住多數都要做雪藏族架嘞! 雖然係雪藏野,但透明膠袋包住,唔多唔少都會睇到有幾新鮮既!
     
     

    回覆刪除
  8. 濃情朱古力碰上士多啤梨2010年1月21日 下午9:19

    你地2個人都好豐富啫, 4餸一湯滿足也
    [版主回覆01/22/2010 19:02:00]我老公唔食豬大腸嘛~ 而且佢又唔鍾意食菜........但我煮飯一定要有碟菜! 所以如果唔整四餸,老公咪得返排骨依味......
     
     

    回覆刪除
  9. 又有好餸食喇~~~~紅衫魚滾湯真係好好味,等我又整下先,已經好耐無飲過,差D唔記得有呢個湯喇,好彩你提一提,即時喚起記憶,哈哈!!
    [版主回覆01/22/2010 19:00:00]我一定耐過妳無飲依個湯...好耐好耐!!!!! 其實我最鍾意係V媽媽用大眼雞來滾! 不過依度無大眼雞,有紅衫我已經好滿足咯~~~~
     
     

    回覆刪除
  10. 我成日滾魚湯及煲魚湯呀 , 鮮甜又有益, 飲魚湯多皮膚都白D架...
    [版主回覆01/23/2010 02:42:00]香港買到好多魚都可以用來滾湯~ 不過依度魚湯真係算奢侈品,可以用來滾湯既魚不多......
     
     

    回覆刪除
  11. 豬大腸我怕洗,多數鹹酸菜 ,  中芹炒雞雜 , 又真係好味
    [版主回覆01/24/2010 23:46:00]我都好鍾意中芹炒雞雜! 不過依度無雞雜賣,中芹又好少見到~
     
     

    回覆刪除
  12. 我都好鍾意食豬大腸
    你好叻,咁都識
    炸大腸點甜酸汁都好味
    焗三文魚都好味架, 下次試下吖
    [版主回覆01/27/2010 00:35:00]我都鍾意食炸大腸,不過因為熱氣所以比較少食! 自己炸又比較麻煩......
     
     

    回覆刪除
  13. 呢餐好啱我 , 除了我不吃鹹菜 ….. 我超鍾意個湯呀 , 簡單又好味 !
    [版主回覆02/09/2010 22:11:00]鹹菜咁正都唔食!!!?!??! 個湯真係好正呀! 來咗英國咁耐第一次喺英國飲魚湯咋~~~~
     
     

    回覆刪除

Related Posts Plugin for WordPress, Blogger...