2010年12月31日星期五

All The Best (2010年12月31日)


尋晚(12月30日)有一個好開心既舊同學聚會 (遲少少再同大家分享! )

其中一位出席既同學自大家離開學校後都好少見面,計落原來已有十幾年~

大家講返中學時代既趣事,根本唔覺得原來已經過咗十幾年.....聚會結束後令我驚覺時間真係過得好快好快好快......

2010年12月27日星期一

Mr.T 新作 - 我的新形象


Mr.T 從Facebook 傳來一幅公仔......

老公第一次畫短髮既我~

2010年12月26日星期日

孖T回"香"省親2010 - 聖誕書展 (2010年12月23日)


聖誕書展第一日開鑼,一早約咗Mami 阿四一齊去!

(好搞笑......之前同老公去九龍城黃珍珍食泰國菜,埋單竟然送咗2張聖誕書展贈券! 都"唔啦姦"既!! )

孖T回"香"省親2010 - 做冬@佐敦太平館 (2010年12月22日)


已經好多年無同V爸爸V媽媽一齊做冬嘞!

點解冬至V媽媽都唔煮飯呢?

因為佢做冬前幾日唔小心扭傷咗條腰囉!

所以是晚去咗佐敦太平館食飯做節......

2010年12月23日星期四

Mr.T 的梅菜Hugo Boss

唔經唔覺老公返咗英國已經1個半星期...

仲有2個多星期先可以見到老公......

真係好鬼掛住佢啊!!!!!!!!!!!!

究竟我地有幾掛住對方?

雖然我地每日都會傾長途電話,不過喺老公返英國之前,我地互相交換咗一件對方著過但未洗既污糟衫 - 咁件衫先會有對方身上既氣味嘛!

 我晚晚攬住老公依件已經比我攬到變咗梅菜既黑色Hugo Boss 恤衫來瞓覺.......

每晚臨瞓前我都會聞吓梅菜上既老公臭汗味,以安慰我掛住Mr.T 之苦!

架撐 2

今次返香港發現街上多咗好多人攞住大相機......

而且格仔店仲有好多平價又好玩既配件賣呢~

睇來香港好似越來越多人鍾意影相喎!

返香港之前見到有網友買咗部有lomo feel 既DC - Yashica EZ F521,唔洗用菲林都可以有lomo feel,而且只售$700,好鬼吸引!

本來鎖定咗目標唸住買(CitySuper 有售!),不過我覺得自己如果真係買咗部Yashica,我一定會將老公送果部黃金眼打入十八層地獄永不超生!!!!

(係架~ 我好衰架.......)

 早排遊blog 無意中見到網友買咗依舊野!

2010年12月21日星期二

孖T回"香"省親2010 - Chop Chop Chop! (2010年12月17日)



剪頭髮係會剪上癮架!

上星期五(12月17日)V媽媽去電髮~

我覺得上次個頭剪得唔夠短,所以跟埋去剪多次!

本來今次我想染埋啡色,不過V媽媽趕住去打麻雀,唔夠時間染埋......

我返英國前會再去修多次頭髮,到時先再染啡!



2010年12月19日星期日

孖T回"香"省親2010 - 打野戰@W28 (2010年12月11日)


War Game 呀! ( 唔好唸衰野呀吓!!)

是日晨咁早就要起身搭車,要10點鐘入到天水圍,真係慘無人道~~~~

小妹唔曉由沙田搭車入天水圍,唯有靠損友指點~ 點知有人老點小妹搭一架去青衣碼頭既巴士......

孖T回"香"省親2010 - 海洋公園幾粒鐘遊 (2010年12月10日)


已經唔記得咗幾耐無去過海洋公園咯!

2010年12月18日星期六

孖T回"香"省親2010 - 翠華餓鬼早餐 + 超驚喜灣仔書展 (2010年12月4日)

以前暑假返香港時一定會去香港書展~ 但近年絶少summer 返香港,已經好多年無去過香港書展嘞......

今次返香港之前得息12月香港會有2個冬季書展,我點可以錯過呢?

第一個就係12月4日至5日既"灣仔書展 - 閱讀在銅鑼灣"~

不過行書展前先要填滿我個黑洞!

地點: 佐敦翠華

 我 + Mr.T 兩丁友霸佔一張6人枱,點滿一枱食物!

2010年12月17日星期五

孖T回"香"省親2010 - 出發篇 (2010年11月29 + 30日)

返咗來差不多3星期,本來想襯返香港同Mr.T 去台灣或泰國玩幾日,不過一直都好鬼忙見依個見果個 ,期間屋企又有老人家冷親入咗醫院,唯有除消計劃!

周身唔得閒,依3星期都無乜時間上網.......

V媽媽事先向雀友講明 - 佢個寶貝女(即係我! ) + 佢個超寶貝女婿返咗來,所以雀局唔洗預佢!

不過Mr.T 星期二晚(12月14日)返咗英國,我由沙田搬返太子娘家陪V爸爸V媽媽~ 3星期無打過麻雀既V媽媽終於難忍手痕,今晚去咗打牌!

我終於可以盡情咁上返一晚網嘞!!

我一向有個怪癖 - 我鍾意順時間寫blog!

不過由於今次返香港既網誌已出咗打尖blog,但我又想記返低之前既野喎! 所以唯有破例一次玩玩時光倒流.......

 出發當日(11月29日)之前已經落咗幾日大雪,地上鋪滿厚厚積雪!

2010年12月11日星期六

架撐


今次返香港top of my HK shopping list 就係買鏡頭for 我部DSLR!

我依d攝影初初階人士,緊係買初初階既裝備啦......

窮人三寶是也!

2010年12月6日星期一

孖T回"香"省親2010 - 和味蟲蟲餐@和味館 (2010年12月4日)


今次一定要多謝blog 友晶晶介紹和味館比我 ,我 + Mr.T 先可以唔洗去台灣都重溫到炸蜂蛹既美味,同時仲嘗試到3種新既蟲蟲食物!

來自台灣的提早生日禮物 (2010年12月1日 + 2日)


返到香港第二日就收到林家歐巴桑Gaile 寄來既提早生日禮物!

2010年12月3日星期五

孖T回"香"省親2010 - I Love My New Hair!! (2010年12月1日)

早前有網友讚我把已經長到及腰既秀髮好健康好靚,不過其實真係有苦自己知......

我把頭髮留到咁鬼長,因為我真係再無勇氣比英國既髮型師剪我把頭髮!

二來我間中會用電髮棒將頭髮捲曲,頭髮一定要夠長先捲得靚! 不過好可惜有朋友覺得曲髮既我外表似個0靚模......

最重要係 - 每晚瞓覺時Mr.T 都經常不自覺壓住我把頭髮,而不知情既我間中半夜起身飲水或去洗手間,就會因此被扯甩一咋頭髮 ......

雖然知道Mr.T 唔係有心,不過晚晚都係咁,真係開始有少少憎佢!!

想剷除佢已經足足半年! (剷除把頭髮! 唔係剷除Mr.T!! )

一不做,二不休 - 索性來個清爽短髮! 反正長頭髮留咗咁耐已經有少少悶悶~ 究竟佘詩曼定係鄭秀文好d呢? 

平時我一落機返娘家放低行李後,就會飛的去尖沙咀搵我個御用髮型師Eddy 搞搞我個頭;

不過星期二晚(11月30日)飛機到達香港時已經係晚上9點,唯有等到星期三(12月1日)先去剪頭髮......

 引刀一快,個頭即時輕哂!!

Related Posts Plugin for WordPress, Blogger...