抵食好味既Esca e2 (2009年12月4日)

老公玩驚喜 - 臨時話我知今日請咗假，於是我地去拍拖~~~

本來想去我 + 老公拍拖時成日去既Esca 食lunch.....
點知今日比人包咗開Christmas party!

 唯有過去隔離既支店 - e2~

e2 其實Esca 開喺隔離既咖啡店，但同時會供應比較簡單既餐! 不過我地一向去開餐廳Esca，今次係第一次去e2......
2 courses set lunch 每位只需£9，比Esca 平~ 但set lunch 食物選擇幾多!

我既頭盆緊係要雞肝醬啦~ 好味~ 但稍嫌雞肝醬無加香料，所以無咁惹味! 但雞肝醬都不失新鮮甘香可口~

 老公就要燉意大利腸~ 依個好好味!

我既主菜 - 炸雞扒意粉~ 塊雞扒好大塊，雖然係雞胸，但炸完都好juicy!

老公既pizza~ 正宗意大利口味既超薄批! 有pepperoni 腸、香辣雞肉 + 火腿，個pizza 離遠上菜時已聞到好鬼香~~~~
依餐我地食得好滿意~~~

估唔到一間小店價錢咁平既set lunch，竟然有咁好既水準喎!!!


Glasgow 新開咗間Hamleys (大型玩具店)，去咗逛逛......

 入口有隻實物size 咁大既大笨象毛公仔!
(其實仲有隻長頸鹿都係實物咁大，不過無影到相......)