反正雪櫃裡面有3塊西冷，整塊來做lunch 先~~~
測試結果......
咁究竟依個Chasseur grill pan.......
係有分別既! 分別就係在於Chasseur 既生鐵 + 雜嘜既鋁~
- 著爐1分鐘都唔洗 - 仲要係用中火喎! 個Chasseur 已經夠熱到可以放扒落去煎~ 而雜嘜就要用大火燒最少2分鐘先夠熱;
- 煎扒期間Chasseur 一路keep 住中火~ 但雜嘜就一定要keep 住大火先保持到熱度;
- 用Chasseur 煎牛扒火氣十足，每面都比用雜嘜煎既時間明顯短好多，好快就煎到格格既效果! 一個唔留意煎耐少少，仲會有煎燶既危險......
- 可能因為每面煎既時間比較短，所以Chasseur 煎出來既扒比雜嘜更juicy! (不過依點亦有可能係因為唔同超市買既牛扒肉質唔同......)
總括來講個Chasseur grill pan 表現100分~
令我超滿意!!雜嘜grill pan 對唔住嘞! 雖然你既表現都令我好滿意......雖然我曾經深愛你......但好明顯你唔夠Chasseur 咁慳電 + 咁快手! 所以我已經徹底地變咗心~~~
不過我唸我要重新適應用cast iron 時，要收細爐既火力.......
報告完畢!
呢個pan好正喎...我都好有興趣....去sogo睇下先...唔知有無呢..heheheh因為老公係牛扒王....
回覆刪除[版主回覆12/18/2009 17:57:00]所有鍾意食牛扒既人都應該買返隻cast iron grill pan!!!
hahaha~ 衰鬼, 妳真係心急得好緊要喎
回覆刪除淨係睇件扒真係好難分別邊隻grill pan煎出黎，因為兩件都煎得好靚，不過妳講到Chasseur個grill pan快熱，塊肉又煎得juicy，咁實係Chasseur贏晒啦
[版主回覆12/18/2009 17:55:00]贏咗幾條街! 教我如何不愛它??? 最鍾意佢夠快得來，出來效果仲更好! 直頭係快靚正~~~
長遠計, 煎/炒應該可以慳煤氣/電費......
回覆刪除哈哈! 值得買、值得買!!
[版主回覆12/18/2009 17:53:00]用來點煮都得~ 點煮都慳電!
Is Chasseur UK Brand?
回覆刪除I can't find this brand in US.
[版主回覆12/18/2009 17:51:00]No~ Chasseur is a french brand, just like Le Creuset but it's a bit cheaper. you can find it on Amazon US~
你依個新屎坑呀,有左新歡就唔要舊愛,但我懂你既明白~~
回覆刪除[版主回覆12/18/2009 17:40:00]因為佢地實力太懸殊........
就咁睇相 , 兩塊扒都靚仔 , 冇咩唔同 , 果然係真正用家先明白箇中分別 ~
回覆刪除[版主回覆12/18/2009 17:40:00]我都係覺得第一塊靚d! (睇吓我幾偏心~~~~~ )
連煎pan都有一番研究, 真係估你唔到呀
回覆刪除[版主回覆12/18/2009 17:39:00]我一向乜野都姿整 + 懶講究~~~~~
煎得好靚喎
回覆刪除[版主回覆12/18/2009 17:38:00]多謝! 都係多得個grill pan~~~
咁真係要慢慢進註多D呢個BRAND既PAN/煲..... 加油呀
回覆刪除[版主回覆12/18/2009 17:36:00]暫時我仲未搵到其他我想入果2個款~ 網上店就有，不過賣得好貴! 同LC同款差唔多價錢.......
個pan真係好得wo.o"""" 所以我支持...貴買平用 =)
回覆刪除[版主回覆12/18/2009 17:33:00]從未試過咁快煎好一塊扒!!!
點止貴買平用呀......要用返夠本呀!!!
我媽媽又係好鍾意買煲買WOK,成日都買到個廚房放唔落先開心架,不過佢又係成日用,但次次都唔知買咩牌子,比佢激C!!不過你呢個煎PAN真係幾好用WOW~~~
回覆刪除[版主回覆12/18/2009 20:48:00]其實唔關買咩牌子事，係隻鑊係咪生鐵既問題! 唔一定要買貴牌子先好用~~~~
thanks, your blog is very helpful to me, and I've just done reading your first 300th blogs.
回覆刪除[版主回覆12/20/2009 06:13:00]you're welcome!
just done 300? 663 more to go!
D 格仔紋又幾鬼清楚喎..... 又快靚正.....
回覆刪除[版主回覆12/20/2009 06:10:00]係咯~ 我都覺得自己好有眼光!!!
我都係鍾意格格牛扒煎得咁靚食都食得開心d
回覆刪除[版主回覆12/21/2009 05:42:00]唔係得個樣靚架~ 煎出來肉質仲好juicy 架!
v女 我只係知我新買個隻 係美亞易潔 其他我冇乜點研究
回覆刪除[版主回覆08/17/2010 20:48:00]都唔係咩研究既~ 易潔既grill pan 都好好用架! 只係用過cast iron 後會有比較~
塊扒煎得好靚呀 ！不過喺煎之前要唔要用調味料醃定先呀？
回覆刪除[版主回覆04/26/2011 00:28:00]Thanks Sharon!
其實新鮮既靚牛扒，煎前係唔應該有任何調味架! 更加唔可以落鹽，因為會醃乾肉汁架!!
應該煎好後食時先淋上gravy 或加鹽 + pepper，又或者乜都唔加，咁先真正食到牛肉既鮮味架!
我個grill pan火力唔均勻，只係集中係中間。同埋我唔知點解會黐底。仲好難洗。
回覆刪除[版主回覆05/10/2011 17:52:00]照計cast iron 咁傳熱，熱力應該唔會集中哂喺中間果喎! (我用Hot plates 無火煮食~)
grill pan 要先燒熱後先好落肉! (我將油掃喺牛扒上面，grill pan 唔落油就咁燒熱~)
頭幾次用係會有少少黐 (不過我個唔係好勁!)，可能因為我食日食扒用得多，而家唔黐嘞!
我又唔覺得難洗喎! 攤涼哂後用熱水膠刷擦幾下就搞掂嘞! (唔用洗潔精!)
唔用得洗潔精？我屋企用明火架
回覆刪除[版主回覆05/11/2011 06:31:00]妳用明火我就更加唔明熱力點會集中哂喺中間! 雖然cast iron 應該用細火，不過grill pan 係例外要用大火既~
所有無搪瓷層既黑色cast iron cookware 都係唔應該用洗潔精去洗既! 即係有搪瓷層既先會用洗潔精~ 黑色果種用熱水洗就得架嘞!
原來要用大火, 我每次都用中細火架. 攤涼哂後用熱水膠刷 <=== 呢個又係點樣架? 呢個PAN真係用得我好煩惱
回覆刪除[版主回覆05/11/2011 23:52:00]咁妳煎完野個pan 好熱架嘛，妳咪就咁放喺度等佢凍哂先洗囉!
用熱水 + 用一個類似既塑膠刷去洗刷 - http://groceries.asda.com/asda-estore/search/searchcontainer.jsp?trailSize=1&searchString=brush&domainName=Products&headerVersion=v1&_requestid=157735
洗完即時用乾布抹返乾成個pan! 就係咁簡單之嘛~
唔抹乾個pan 或用洗潔精去洗，個pan 好易生锈架!
其實我係唔知用邊種適合既工具去清潔，等我去超市搵下你講個舊刷。thank you x
回覆刪除[版主回覆05/14/2011 02:10:00]個刷好鬼平架咋~ Asda, Tesco + IKEA 都有得賣架! 幾十個p 架咋!
如果係IKEA幾十P個刷, 我都有呀.我成日怕會刷花個PAN, 不過聽你咁講完我下次用個刷去洗潔唔落洗潔精
回覆刪除[版主回覆05/15/2011 03:57:00]幾十鎊一個grill pan 邊有咁易刮花吖~ 其實根本唔需要就住來用，當佢好似普通grill pan 用就得架嘞! 仲好啦 - 慳返洗潔精!
不過一定要用熱水洗，水唔夠熱就一定會超油洗唔乾淨!