2009年11月2日星期一

Drag Me To Hell - 地獄巫門等你來 (2009年11月1日)

Halloween weekend 緊係要睇返套恐怖片架啦!!!6469-l__388_.gif image by veronica_tsim

"Drag Me to Hell" 今年5月底戲院上畫時已好想睇,不過當時錯過咗~ 心想依套戲咁收得,DVD 應該好快出......點知一等就等足5個月!_001.gif image by veronica_tsim

5月尾同期上畫既電影,甚至更遲上畫既電影,都先後出哂DVD; 但"Drag Me to Hell" 要等到上個星期一先推出!  我唸應該係刻意就返Halloween 時間推出~

我 + 老公一向都係Sam Raimi fans!  佢早期既"Evil Dead" 系列我地一早已睇哂,核突得來又好笑; 後來既"Spider Man"系列,雖然係完全唔同類型既電影,但落到Sam Raimi 手上一樣節奏明快,緊張刺激!  個人覺得唯獨"The Gift" 比較失色~~

今次既"Drag Me to Hell" 感覺好唔同! 朋友一早睇完告知"Drag Me to Hell" 係笑片多過恐怖片,所以我expect 係似"Evil Dead" 果種明刀明槍既笑......

_2404.gif image by veronica_tsim Surprisingly "Drag Me to Hell"既笑位比我預期中少! 情節驚嚇緊張刺激得來故事直接了當,我反而覺得似classic 恐怖片多d.......
而我就正正鍾意依種故事簡單直接,集中玩驚嚇既傳統恐怖片!!yy7.gif image by veronica_tsim
可惜依種恐怖片已經幾乎絕跡~~~_1289.gif image by veronica_tsim


我想大概係由"奪命凶鈴"開始? 恐怖片趨勢開始傾向故事複雜懶係深奧,睇完搲爆頭都唔多明套戲講乜!  更莫講話覺得恐怖......._1282.gif image by veronica_tsim

我到而家都唔明點解"奪命凶鈴"咁收得 + 咁多人話恐怖???  電視重播過無數次,我只覺得成套戲沉悶非常_371.gif image by veronica_tsim,無一次有能耐睇得完成套戲!!!

不過好衰唔衰,荷里活好學唔學 - 而家好多荷里活製作既恐怖片都有"奪命凶鈴"果種令我恰眼瞓既"日式恐怖"影子......_361.gif image by veronica_tsim 好似"Drag Me to Hell" 咁可以由頭到尾都睇得咁過癮,實在係一大驚喜!!!

_360.gif image by veronica_tsim 期待製作中既Evil Dead 2010!



8 則留言:

  1. 呢排做乜睇咁多驚嚇片
    [版主回覆11/03/2009 18:58:00]Halloween 嘛! 而且我 + 老公一向都好鍾意睇恐怖片~
     
     

    回覆刪除
  2. 我都冇睇戲好耐 lu ......
    [版主回覆11/03/2009 18:54:00]以前我地個個星期五都約朋友睇午夜場架! 不過近一年唔想成日太夜瞓,少咗好多咯~ 所以我地成日租DVD睇!
     
     

    回覆刪除
  3. 恐怖片唔啱我
     
    驚驚
    [版主回覆11/03/2009 19:46:00]我超啱恐怖片! 不過一定要有人陪我睇~~~ 一個人就唔敢睇......
     
     

    回覆刪除
  4. 夠恐怖, 你不怕 ?
    [版主回覆11/04/2009 06:38:00]有老公陪我睇嘛! 我自己一個人就唔會睇~
     
     

    回覆刪除
  5. 點解宜家啲人唔係同另一半睇文藝片而係睇恐怖片!?
    [版主回覆11/04/2009 06:38:00]文藝片一向都唔係我杯茶! 最憎情情塔塔既戲~~~
     
     

    回覆刪除
  6. 我本來想睇架,不過之後落左畫,所以都未睇.等我都去買DVD先~
    [版主回覆11/05/2009 18:28:00]香港出咗DVD 好耐嘞! 快d買來睇啦~~~~
     
     

    回覆刪除
  7. ☜♡ 肥貓♡☞2009年11月9日 上午1:18

    呢套其實係ok 既戲 ,不過最後個ending 有 d 估佢唔到~
    [版主回覆11/09/2009 21:21:00]我覺得依套好得啊!!!   不過我估到佢將粒鈕同個錢幣調轉咗!
     
     

    回覆刪除
  8. 嘩, 好似好好睇咁, 都唔知有呢套戲, 睇下有無得租先, thanks!
    [版主回覆11/10/2009 18:34:00]妳咁鍾意睇恐怖片都會唔知依套戲既? 個人覺得依套好得呀!
     
     

    回覆刪除

Related Posts Plugin for WordPress, Blogger...