Borders 執笠大清貨 (2009年11月30日)

好突然啊~~~~~~

老公 + 好友相繼傳來短訊告知大書店Borders 突然宣佈執笠，所有分店貨品大清貨!

肯定好多人都會收到消息去搶購，手快有手慢無~ 所以我地都唔可以執輸，老公放工返來後即時出去Glasgow Fort 分店執平書!

去到真係見到好多人，好多書架已經比人摷到亂鬼哂~~~

喺Borders 裡面足足2粒鐘......

 我專攻食譜~ 有5本收穫!


時間關係，本來仲想睇吓手工藝、攝影 + 美術構圖之類既書，但已經無乜時間......

老公有2本收穫 - 1本係畫漫畫教學; 另1本係關於魔鬼既藝術畫歷史~
本來整咗手打蕎麥麵唸住做晚餐，不過買完書後已經成10點......

於是近近地去咗Borders 隔離既Frankie & Benny's 食咗餐麻麻地既dinner~

 每人一個燒到燶鬼哂，但又幾好味既雞翼~

 我既麻麻地海鮮意粉~

 漢堡怪老公既煙肉芝士漢堡~


Borders 係我 + 老公得閒無事做去嘆茶打躉既地方 ~ 雖然買到平野，不過真係有少少唔捨得.......

喺英國shopping 選擇本身已經少 - 來來去去都係果d舖頭~ 連鎖大公司執吓一間又一間......越來越少地方行街~~~~