2009年11月18日星期三

中哂毒

刻章癮一發不可收拾!!!!1775465319.gif image by veronica_tsim

雖然正式刻章材料仲未到手,但我既新興趣已經令我中哂毒!  連續2日刻咗3個章!!!

仍然係用緊普通擦紙膠......


 繼金魚之後第二個作品 - 手工好求其既巴黎鐵塔~

依個好快手就搞掂~ 雖然睇都睇得出刻得好求其,而且因為我把三角刀係大號,所以線既部份仍然唔夠幼,但我反而幾鍾意依種"隨意"既效果!1775465354.gif image by veronica_tsim

 刻得最差既企鵝~1775465352.gif image by veronica_tsim

因為搵唔到枝筆刀,所以依隻野全程只靠大丸、小丸刀 + 大三角刀既情況下完成,好多圓弧位 + 尖位刻得唔夠細緻!

 so far 我最滿意既作品 - 為食妹~1775465355.gif image by veronica_tsim

今次用咗筆刀就好得多,好多精細既部份都刻到!

So far 刻咗4個章,每個都係用唔同既擦紙膠.......

 刻為食妹依隻cheap cheap 粉紅擦紙膠,係我暫時用過最好既代替品 - 薄身 + 面積夠大; 軟硬適中,而且碎屑少~1775465358.gif image by veronica_tsim
刻橡皮章真係好好玩! 而且每次完成一件作品都會好有滿足感~~~yy7.gif image by veronica_tsim不過同時都幾傷神! 眼要利 + 手要定,且要集中精神...刻完個為食妹後好鬼眼瞓!28.gif image by veronica_tsim




19 則留言:

  1. 好掂呀你! 我都想整吓啲手工藝但係冇時間...又驚我兩個CEO搞亂當。都係諗吓就算囉..
    [版主回覆11/19/2009 05:28:00]做咗老婆、媽咪...都好,點都應該有返d私人時間做番自己野架嘛! 我見好多手作高手都係媽咪來既~~~~
     
     
     
     

    回覆刪除
  2. Gaileは林家歐巴桑2009年11月18日 下午5:38

    我都想柴娃娃埋一份,但我屋企一d材料工具都冇,等你所有工具材料到左再影張全家黎睇下,等我都去入貨黎整整先
    你所有作品都好吸引我,最鐘意你個巴黎鐵塔同為食妹,好鬼得意
    [版主回覆11/19/2009 16:50:00]Thanks! 其實都唔洗咩特別工具~ 3枝雕刻刀: 大丸刀、小丸刀 + 小三角刀; 筆刀; 1張tracing paper + 1舊擦紙膠就可以開工! 妳喺台灣應該容易買到刻章專用擦膠呢~~~
     
    我見自己真係上咗癮,先想買套刻章專用刀~ 我仲未買 - 因為要係喺美國訂返來,要等間店quote 郵費比我!
     
     

    回覆刪除
  3. 妳啲章好鬼靚呀,連妳話最唔靚嗰個企鵝都好靚喎   咁多個我最鐘意鐵塔 ~ 為食妹刻得最靚,不過對眼又大又黑忟忟,有啲得人驚
     
    其實我都幾有興趣想玩下刻章,好似幾好玩咁,不過真係時間有限啦
    [版主回覆11/19/2009 16:44:00]哇~ 個企鵝真係唔得喎!!!! 我有唸過揼鬼咗佢添架......不過始終係自己作品,想存個紀錄~
     
    哈哈~~~~ 咁人地為食妹對眼係咁大架嘛!   其實刻章無我想像中咁難 + 要花咁多時間~ 或者妳可以先試比較簡單既公仔?
     
     

    回覆刪除
  4. 你真係好鬼勁識整咁多嘢,哈哈....
    [版主回覆11/19/2009 16:38:00]樣樣都試吓玩咁啦~
     
     

    回覆刪除
  5. 唔係花 .... 你整得貢令 .. 都話麻麻地 ???? 拿 ... 你要幫我刻番個咖 .... hehehe
    [版主回覆11/19/2009 16:38:00]幫妳刻無問題......但妳要求要高d先快"鞭策"到我進步架嘛! 咁既質素我怕妳唔收貨~~~
     
     

    回覆刪除
  6. I like all of them ah...  You done a great job.
    [版主回覆11/19/2009 16:36:00]Thank you very much drm~

    回覆刪除
  7. 3個都好令AR~~~~~!
    [版主回覆11/19/2009 16:35:00]Thanks~ 隻企鵝唔係好得......
     
     

    回覆刪除
  8. 我都鍾意為食妹,好得意
    [版主回覆11/19/2009 17:30:00]我最鍾意都係佢~ 因為開始掌握到技巧,手工比之前既作品精細!
     
     

    回覆刪除
  9. 刻個蟻俠樣, 唔知得唔得呢!
    [版主回覆11/20/2009 20:14:00]你個蟻樣話咁易刻啦!
     
     

    回覆刪除
  10. 整到咁鬼靚架  , 我對手工藝真係好白痴架!
    [版主回覆11/20/2009 20:14:00]Thanks~ 咁又唔算好靚! 麻麻地啦~ 不過我幾滿意個為食妹!
     
    其實有好多手工藝我都想學! 不過一來得一對手,二來有好多其他手工藝太難.....唯有作罷!
     
     

    回覆刪除
  11. 我覺得3個都好靚,尤其為食妹!!! *0*
    [版主回覆11/20/2009 20:12:00]多謝讚賞!
     
    我都係最鍾意為食妹! 希望下一個作品會刻得更好~~~
     
     

    回覆刪除
  12. 我覺得3個都好令wor﹐一d都唔求其呀。你唔講以為買返黎tim呀
    [版主回覆11/20/2009 20:06:00]多謝讚賞!  
     
    但如果買返來得咁既質素.....我真係唔會比錢買呀!
     
     

    回覆刪除
  13. 雖然我唔識睇個手工好唔好, 不過, 我覺得唔太差同幾得意
    [版主回覆11/20/2009 20:04:00]聽妳咁講 - 唔太差......即係傾向差果邊囉! 只係唔"太"差啫......
     
     

    回覆刪除
  14. 好靚呀整得~
    [版主回覆11/20/2009 20:03:00]多謝讚賞!
     
     
     
     

    回覆刪除
  15. 我都覺得為食妹最靚呀! 我從來都冇做呢D手作仔的天份, 可能我笨手笨腳啦!  所以好羡慕人哋有門手藝架, 你繼續努力啦!
    [版主回覆11/22/2009 04:35:00]多謝! 整為食妹時開始掌握到技巧,所以比之前既章刻得精細好多~
     
    其實無話天唔天份既,我覺得都係熟能生巧既啫! 好似煮野食咁,煮得多練習得多就一定會熟手架啦!
     
    其實除咗新手作仔刻章之外,我仲有整袖珍黏土架! 不過好耐無整過咯......唸起都手痕想整!!!!
     
    http://hk.myblog.yahoo.com/veronicams_tsim/article?mid=45
     
    http://hk.myblog.yahoo.com/veronicams_tsim/article?mid=491
     
     
     
     

    回覆刪除
  16. 嘩!!好靚呀~~~進步左添呀!!!!勁~
    [版主回覆11/22/2009 20:06:00]多謝讚賞! 啱啱send 咗email 去美國網上店,希望訂到正式用具時會刻得更好啦~~~
     
     

    回覆刪除
  17. 你雕得好靚呀.. 我都有雕=]但我只係用界刀.. 所以雕出黎都唔好睇GE=[
    [版主回覆12/09/2009 19:45:00]多謝讚賞! 依3個章係我第2、3、4個作品來~ 不如妳買返枝筆刀吖? 好好用架~ 好多仔細既地方都可以刻到!
     
     

    回覆刪除
  18. 巴黎鐵塔好得呀
    [版主回覆07/14/2011 03:07:00]Thank you sa!
     
     

    回覆刪除
  19. 言語治療師加英文教師Carley2012年3月30日 上午1:13

    好靚呀!刻我印章我都玩過,但覺得有少少難掌握,最終都係冇耐性放棄左
    [版主回覆04/01/2012 02:15:29]Thank you Carley! 其實我開始咗唔係好耐,到現時為止都只係刻咗幾個....

    我反而覺得未開始玩時以為好難,但一試上手比我想像中容易好多啊!

    回覆刪除

Related Posts Plugin for WordPress, Blogger...