2009年10月25日星期日

飲飲食食買買買倫敦2009兩日遊 - London MCM Expo 2009 (24 Oct)

以前去倫敦最主要只為一個目的 - 就係買LV!2008110915241732.gif picture by veronica_tsim

不過自從幾年前愛丁堡開咗LV 分店後,我 + 老公已經好少去倫敦,英國天氣又濕又凍,老公有假期都用來離開英國渡假啦~~~~~_1291.gif image by veronica_tsim

所以近年我地去親倫敦,都係為咗睇展覽 + 食野~  e.g. 對上果次係07年10月去睇袖珍模型展覽會;

而今次去倫敦係為咗睇MCM Expo 2009 (Movie Comic Media 動漫展)!


尋日10月24日, 星期六

朝早10點零鐘到達會場 - Excel Exhibition Centre~

搭火車途中 + 會場外都見到好多cosplay fans!

依位仁兄真係好野 - 尋日倫敦天氣好好又好熱,佢笠住依件野,仲要真係好似隻狗咁行路......我唸一定好鬼辛苦......_1300.gif image by veronica_tsim
2008110915232620.gif image by veronica_tsim 入到會場裡面我即時大嗌救命!!!!!

 排哂超長龍,好似排極都唔會完......_1651.gif image by veronica_tsim

 依個只係排隊買票既地方_1354.gif image by veronica_tsim,展覽會喺會場另一邊~ 不停有人入場加入長龍,龍尾不斷增長!


 足足排咗2個鐘頭先買到票入場!!!!!_001.gif image by veronica_tsim
一早起身未食早餐就即去會場排隊,排完隊已經餓鬼屎咗咁滯~~2008110915241772.gif image by veronica_tsim

買完票入去動漫展行咗一陣已經頂唔順,返出去開餐先......

 Excel Exhibition Centre 裡面既食物好鬼貴!!!!

 哇~ 老公依個雙層牛肉漢堡包超好味~~~~~~

 最衰蘇格蘭無依間Fine Burger 啦!!!_077.gif image by veronica_tsim

_1573.gif image by veronica_tsim 食飽飽後就返入去動漫展慢慢行......

是次展覽展品除咗有美式漫畫,仲有日本漫畫 + 各種電腦遊戲!

現場cosplay 迷扮演既都係出名漫畫or 電腦遊戲主角~ 好多人都好落本,扮得好神似......

yy7.gif image by veronica_tsim行行吓遇到我最鍾意既恐怖video game "Silent Hill 2"裡面既邪惡怪物 - Pyramid Head~ 即時同佢影張"行刑照"先!


 睇吓扮得幾鬼似!!!_1305.gif image by veronica_tsim

 Death Note 裡面既死神Ryuk~ (哈哈~~~ 佢渣住個蘋果!!!_1272.gif image by veronica_tsim)


 Buzz Lightyear 排隊買炒麵!

 Batman & Joker~

_359.gif image by veronica_tsim 不過有d都幾騎呢......

 _1282.gif image by veronica_tsim 比卡超......


 連麥當勞叔叔都有人扮.......依個仲係女人來呢!!!_1284.gif image by veronica_tsim

 會場內有攤位讓各位漫畫迷畫自己既作品,完成後會張貼出來比大家欣賞~

 會場內人頭湧湧.......幾粒鐘後我地滿足地帶住戰利品離開!

 喺場內快人一步率先買到下個月先正式喺英國推出既"呪怨" Wii game!



10 則留言:

  1. Omg....Mrs Macdonald is Hilarious....
    [版主回覆10/26/2009 05:49:00]damn right......
     
     
     
     
     

    回覆刪除
  2. 唔怪得之呢2日唔見到你啦,原來去左LONDON玩,排隊排2個鐘真係好多人喎,隻腳肯定好攰呀!!
    [版主回覆10/26/2009 11:36:00]行到對腳跛咁滯.........
     
     

    回覆刪除
  3. 香港既動漫節都好鬼多人咖 .....
    [版主回覆10/27/2009 16:26:00]以前我仲讀緊書時,每年放暑假返香港,去完書展就到漫畫展! 正~~~
     
     

    回覆刪除
  4. 動漫展唔啱我,但妳老公個burger就好啱我
    [版主回覆10/27/2009 16:24:00]個burger 我都啱呀!!!! 不過可惜蘇格蘭冇依間店......
     
     

    回覆刪除
  5. 你過邊動漫節超勁多人 , 香港都無咁厲利 , 估唔到你對呢 D 都咁有興趣 , 我上次去 , 都係因為要陪個仔咋 …
    [版主回覆10/27/2009 16:23:00]多人到痴哂線!!!!!! 依個動漫展又唔夠香港既大喎,但就超級多人!!!! 我樣樣都好......  讀緊書時已鍾意睇恐怖漫畫~ 打機都只集中打恐怖game!
     
     

    回覆刪除
  6. 我前2日係香港, 遇到一個唔洗化妝, 只係身形及行動已經同Ryuk似到十足十既人...... 我同老公都一致應為佢應該去自薦拍戲! 真係唔洗化妝, 行過你身邊你已經以為死神現身!!
    [版主回覆10/27/2009 16:19:00]咁依個人每年萬聖節都應該可以慳唔少!
     
     
     

    回覆刪除
  7. 隻"狗"我真係服咗佢  啲人真係好厲害,扮得咁似既  
    [版主回覆10/27/2009 16:18:00]我離遠見到果隻野時,以為係真狗著咗衫呀! 後來知道係人扮,老公問我同隻狗一齊影? 不過我有少少驚佢......
     
     

    回覆刪除
  8. 我好欣賞你地個到的...cosplay fans....hk個d睇到我想死= ="""
    btw...你有沒有唸住回香港玩下...
    [版主回覆10/27/2009 18:00:00]香港果d女仔玩cosplay 個個著到成隻"之"咁......
     
    今年應該唔返嘞~ 金融海嘯老公忙到飛起!!! 啱啱去倫敦前後果幾日,佢先係今年第一次請假咋.......
     
     

    回覆刪除
  9. silent hill!!! 正呀~~ 不過我只係玩過 silent hill 1 咋... 仲要係第一代 PS.....
    [版主回覆10/28/2009 17:18:00]Silent Hill 1 我老公玩咗,不過我冇玩 - 我嫌SH1 d graphic 唔靚.......
     
    Silent Hill 2 d graphic 就靚好多嘞! 人 + 景都好真,而且SH2既故事好正~ SH2係第一個我自己一手一腳冇睇攻略玩哂全程既video game!
     
     

    回覆刪除
  10. ☜♡ 肥貓♡☞2009年10月27日 下午9:51

    嘩, d 人扮得又幾似喎!!!
    你地出london 係搭火車..? 幾耐架..? (我大鄉里唔識唔好怪我 )
    [版主回覆10/28/2009 17:12:00]仲有好多人扮得好正架! 不過人又多又抽住幾袋野,所以冇手影相........
     
    我未搭過火車去倫敦啊,唔知搭火車要幾耐喎!
     
    以前我地去親倫敦都係搭飛機,一粒鐘左右~ 不過次次返去果日都要就住時間 - 由倫敦市中心去機場要個幾鐘,又要2粒鐘前到機場check in....又趕又嘥時間!
     
    所以最近2次去倫敦我地都係自己渣車去! (其實係老公渣車我瞓覺! 哈哈~~~) 6個鐘左右啦~ 鍾意幾時出發幾時起程返屋企都得! 唔洗就住就住,又可以買多d野~~~~
     
     

    回覆刪除

Related Posts Plugin for WordPress, Blogger...