2009年9月16日星期三

The Final Destination 3D - 死神4來了 (2009年9月15日)

好耐無去過戲院睇戲嘞!

最近多數都係租DVD返屋企睇,可以坐得舒舒服服~~~


尋日(9月15日)等老公放工返來,我地就出咗去拍拖睇"The Final Destination 3D"!

因為套戲係3D,唔去戲院睇唔得........

 買飛時每人派一副3D塑膠眼鏡~

 戲未開始時,帶上眼鏡並無特別感覺,只係好似帶咗普通太陽眼鏡咁.......
不過戲一開始就覺得好過癮!_2404.gif image by veronica_tsim 尤其當木棍"直插過來"or 有鐵釘"直飛眼前"~~~_1272.gif image by veronica_tsim

故事就無乜架嘞! 有睇過頭3集"Final Destination"既網友都應該知道戲係講乜......

大概係幾位年輕人遇到會死人既意外,但喺意外發生前其中一個預先睇到意外發生經過,所以僥倖避過咗意外~ 不過後來所有倖存者,都相繼發生奇怪意外而死亡,始終都逃唔過死神云云~~~_1165.gif image by veronica_tsim

反而我想講講"Final Destination"既中文譯名 - "死神來了".......
天呀~~~~~~ 究竟係邊位仁兄咁大整蠱唸個咁鬼老土既名???bb40.gif image by veronica_tsim

亦唔明白點解老闆會扑槌用依個完全唔用腦唸出來既名?????

我記得N年前第一集"Final Destination" 喺英國上畫時,當時香港網上報紙都有介紹過~ 但因為當時香港未上,所以只用暫時譯名 - <死亡終站>!

<死亡終站> 比起"死神來了"實在好得太多太多!!  又切合到主題; 相反"死神來了"根本完全帶唔出半點原名"Final Destination" 既神韻!! 仲老土到震~~~_001.gif image by veronica_tsim

台譯既"絕命終結站"都還好吖!
"死神來了"......感覺搞笑多過恐怖! 唉~~~~_1860.gif image by veronica_tsim

依類著重觀能刺激既戲,無得話好唔好睇架嘞! 不過節奏尚算明快,起碼唔會拖到長哂,好快就有野睇!

_342.gif image by veronica_tsim "The Final Destination" 喺英國分開3D + 2D上影~ 個人認為要睇就睇3D,真係刺激過癮好多架!!!

我原以為睇完戲會收返用過既3D眼鏡.......不過原來可以自行帶返屋企果喎!
哈~ 唔知第日出DVD時,會唔會有機會用得返呢?_2070.gif image by veronica_tsim

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

My 3D Movie Experiences

其實今次並唔係我第一次睇3D電影既經驗!

第一次應該N年前我細個時,同V爸爸 + V媽媽一齊睇過一套叫做"立體大白鯊"既戲 - 係大白鯊系列第3集~ 立唔立體我就完全唔記得嘞!_381.gif image by veronica_tsim

不過我記得當時既立體眼鏡係用卡紙摺出來既,而"鏡片"好似係2塊唔同顏色既玻璃紙~~~

另外2次 - 1次喺IMAX 睇一套約30分鐘既海洋生態紀錄片; 另1次喺意大利睇一套講史前生物既電腦動畫,而且仲係座位會郁果種!

仲有4次都係迪士尼 - 巴黎、東京 + 香港Disneyland 各1次; 另巴黎Disney Studios 1次~

今次"The Final Destination"係第8次!



17 則留言:

  1. 好想睇呀!香港要17/9先做呀!我都想睇 3D 呀!好似好正咁~
    [版主回覆09/16/2009 20:17:00]其實英國上咗好耐架嘞! 不過套戲好紅,唔想同人逼~ 做埋依個weekend 就落嘞......
    講好睇既話,真係第一集最好睇! 因為題材新鮮; 但之後集集都差唔多....今集都唔例外~~~~ 不過 3D真係好過癮!!!
     
     

    回覆刪除
  2. 我地果然係同一個年代,我第一次睇立體電影都係睇大白鯊
    [版主回覆09/16/2009 20:13:00]哇哈哈~~~~~ 原來妳都睇過!!!! 咁今次有妳依個人証,應該無人會話我吹水嘞啩?
     
    咁妳記唔記得 - 究竟係咪真係立體? (我指效果如何?) 我就完全唔記得嘞.......
     
     

    回覆刪除
  3. 話妳吹水既人可能係 (1) 當年真係冇入過戲院睇過大白鯊;(2) 人地後生卦,唔係我地嗰代
     
    諗諗下,話妳吹水咪既係話埋我,記得第一時間通知我  
     
    我其實對套戲都冇咩印象,不過都記得好似係好逼真,唔同平日睇戲嗰啲,真係覺得條大白鯊好似會衝出黎咁,我估以當年既技術,咁既效果已經係好正,我淨係記得我嚇到縮咗埋去我阿爸度,同埋記得副紙眼鏡係一邊紅一邊藍,好似玻璃紙咁既膠片,睇完戲仲拎咗返屋企捨得掉
     
    第一套睇既立體電影係大白鯊,咁妳記唔記得第一套睇係電影係邊套? 我記得我係睇校長嗰套小生怕怕,都唔明點解我老豆同我媽咪第一次帶我去睇戲,竟然帶我去睇恐怖片  我自此之後,先知道原來依個世界係有鬼  記得當年比個會笑既豬頭嚇到我夜晚發夢都見到佢
    [版主回覆09/16/2009 23:35:00]暫時仲未有人話我吹水! 有時通知妳~  不過果2個原因 - 冇睇 / 後生過我地......都唔關我地有冇吹水事既,如果真係有人話我(地),只係果個人經驗唔夠我地豐富啫!
     
    我對當時入戲院睇"立體大白鯊"已經完全冇哂印象咯~ 不過套戲劇情仲記得 - 因為而家間中電視仲會重播!  (當然冇立體架啦~~~)
     
    哇~ 我真係唔記得第一套電影係乜咯! 妳咁鬼好記性既~ (我都唔知有冇睇過小生怕怕呢? ) 我 記憶中最舊應該係"搭錯車" + "ET"~  (屎火.....比人知道哂年齡呢!!!) 不過我肯定依2套之前,我已去過戲院睇戲! 我仲記得睇ET,散場時我係全場喊得最大聲果個! 一出到戲院門口,V爸爸 + V媽媽撞到朋友,個Uncle 問我做乜扭計喊? 我一路扯蝦一路答佢: ET返咗屋企.......
     
    咩野係會笑既豬頭?  莫講話妳,我就咁聽都覺得好恐怖!!!
     
     
     
     

    回覆刪除
  4. POSTER 都好驚
    [版主回覆09/17/2009 00:24:00]佢集集張張poster 都差唔多果喎......
     
     

    回覆刪除
  5. 梗係記得啦,第一次去戲院原本好開心架嘛,點知越睇越驚,直頭係童年陰影呀
     
    隻豬頭真係淨係得個頭,仲要係唔知係燒豬頭定卥水豬頭呀,妳話有冇攪錯,妳大過之後都冇睇過小生怕怕? 咁又係妳又唔係香港,以前間中電視都會重播,妳都睇唔到啦 ~
     
    ET我都有睇過呀,不過唔記得咗有冇喊喎  但係我記得明珠台重播嗰陣彤彤睇完就喊囉
    [版主回覆09/17/2009 00:24:00]哦! 我知嘞~ 係咪農曆新年有得賣果d"臘笑臉"呀? 咁果隻野係幾核突既!
     
    我真係好似冇睇過小生怕怕喎! 唱我就識唱.......但我睇過"四眼仔" + "陰陽錯"!
     
     

    回覆刪除
  6. 八哥狗的女主人2009年9月16日 下午4:12

    我上個月去馬灣的挪亞方舟, 睇3D片, 都有副頪似妳呢D立體眼鏡放在座椅上供遊人使用, 但好多人用過, 又沒有消毒, 就給下一場的人使用, 我感覺有D嘔心 !  
    [版主回覆09/17/2009 22:18:00]我依個又幾好喎~ 獨立包裝,睇完又可以攞走 - 咁即係個個人用既都係新野!
     
     

    回覆刪除
  7. 呢套戲我都想睇, 頭3集都有睇架, 不過呢集搞咩3d, 要去戲院睇, 但係又列作3級, 阿仔又睇唔到啊, 都係要等出dvd至睇得lu...
     
    [版主回覆09/17/2009 22:16:00]網友話有二級2D 喎~
     
    不過我始終覺得依套戲唔係好啱小朋友......
     
     
     

    回覆刪除
  8. 3D立體眼鏡~我都係入過戲院睇過一次,不過,唔記得係邊一齣戲,現在諗起,都覺得好新鮮
    [版主回覆09/17/2009 22:14:00]3D又睇過一次既戲都會唔記得??  
    咁套戲一定好鬼咋嘞!
     
     
     
     

    回覆刪除
  9. 套戲其實好唔好睇啫 ..... 我第一次睇 3D 係係廸廸尼 .... 3D 係會震撼好多既 ~~ 香港要18歲先睇得咖 ..
    [版主回覆09/17/2009 22:13:00]依d戲真係冇得話好唔好睇果喎~ 如果妳鍾意睇核突野既話,依套就直情係精選!
     
    比妳一言驚醒咗 - 我唔記得迪士尼添! 其實我都睇過3次迪士尼3D~ 一陣改返blog 內容先!
     
     

    回覆刪除
  10. long time no seeeeee
    我都想睇3d ar!!!
    不過係香港3d係3cup,2d係2cup
    而家好努力咁搵緊邊間戲院可以偷雞去睇
    [版主回覆09/17/2009 22:07:00]係囉~ 去過妳處幾次都冇見妳update!
     
    我都知妳係1X,不過冇唸過原來妳未夠秤!
     
     

    回覆刪除
  11. 星期六要去睇下有冇飛先 香港都係剛上乍
    [版主回覆09/17/2009 22:06:00]香港今日先上; 依度做到星期日就落嘞~
     
     

    回覆刪除
  12. 套戲其實好唔好睇?? 我都有睇之前個2套覺得都ok, 今次都好想睇3D版覺得個感覺會好d
    [版主回覆09/17/2009 22:04:00]其實來來去去個故事都係咁! 不過我會話依集好睇過第2、3集,始終我覺得最好睇係第一集~
     
     

    回覆刪除
  13. 我一集都冇睇過,因為我驚
    [版主回覆09/17/2009 22:31:00]恐怖片not your cup of tea 呢?
     
     
     

    回覆刪除
  14. 唔係呀~齣戲實在太耐,耐到無晒印象,因為好細個睇,所以真係無印象
    [版主回覆09/17/2009 22:30:00]IC~ 雖然我記得係大白鯊,不過我唔記得立體效果好唔好咯! 只記得套戲超唔好睇!!!
     
     

    回覆刪除
  15. 呢套我都想睇, 3d 3cup....上次睇3d 係睇up 同埋亞女去既.. 至於你講第一次睇3d...我都唔多記得... 但好以有睇過, 但咩戲真係唔記得, 只記得係紙眼鏡, 同一邊紅色一邊藍色既膠咁.. 幾時睇第一套戲都唔記得..但唯有一印像都係睇港產鬼片, 仲記得有一場係..有d綠色鬼口水既野, 個女仔係張床[彈弓床]上彈上彈落咁.. 可能呢d場面深刻掛
    [版主回覆09/18/2009 17:26:00]UP 依度仲未出~
     
    來緊依個星期會再睇另一套新上既3D戲! 不過今次係動畫來 - "Cloudy with a Chance of Meatballs"!
     
     

    回覆刪除
  16. 睇呢套戲--就係想睇人點死........呢個係人類嘅咩嘢心理(我都有睇前三集), 唔明??
    [版主回覆09/18/2009 17:23:00]我唔係喎~ 我睇3D effect 之嘛!
     
     

    回覆刪除
  17. 近排開學多野攪..仲未得閒update..其實我整左好多野嫁xd!
    (shuuuuuuuuuuuuuu) 我form 3 炸
    [版主回覆09/19/2009 01:24:00]OIC~ 咁妳開學冇耐都應該會好忙! 唔怪之咁耐唔update 啦~~~
     
     

    回覆刪除

Related Posts Plugin for WordPress, Blogger...