2009年9月25日星期五

Scrambled Eggs with Smoked Salmon & Chives (煙三文魚細香蔥炒滑蛋)


 煙三文魚細香蔥炒滑蛋 - 早餐或light lunch 佳宜!6141-1315447289.gif image by veronica_tsim

6083-1315447322.gif image by veronica_tsim一直想追求完美既scrambled eggs 食譜......

曾經試過用好多唔同方法去煮scrambled eggs~ 牛奶、牛油、cream cheese.....都嘗試過,但唔知點解硬係煮唔出酒店早餐果種scrambled eggs 又香又滑既質感????

 直至老公送咗依本書比我 - Eggs by Michel Roux~

6178-1315447290.gif image by veronica_tsim 書裡面除咗介紹唔同種類蛋既性質 + 食味; 仲有齊各種不同基本煮蛋既方法......
e.g. 烚蛋 (boiled)、糖心蛋 (mollet)、水煮蛋 (poached)、煎蛋 (fried)、炒蛋 (scrambled)、焗蛋 (baked)、奄列 (omelettes)...每種煮法仲附有不同變化食譜!

另外仲有教授點用蛋來作為基本材料,來做出各種醬汁、pasta + 蛋糕甜品~~
依本書絕對可以稱為"蛋天書"!6183-1315447347.gif image by veronica_tsim

 作者Michel Roux 係英國一位米芝蓮3星法籍名廚; 2002年曾授勳OBE~

今次跟住 書裡面既scrambled eggs 基本做法,我終於成功地煮出好味scrambled eggs 應有既香滑口感!!!!6108-1315447264.gif image by veronica_tsim

6123-1315447284.gif image by veronica_tsim 秘訣就係 - low heat!!!!

Scrambled Eggs with Smoked Salmon & Chives (煙三文魚細香蔥炒滑蛋)


1. 蘇格蘭Highland 煙三文魚3塊切小塊; 細香蔥(chives) 適量切碎備用。

2. 雞蛋4隻用叉輕輕打勻。( 要輕手!!!! 否則蛋質感會變老~)

 3. 用小火於鑊中燒熔牛油1小塊。(因為小火不易燶鑊,所以不需要加橄欖油!)

 4. 待牛油完全熔化後加入蛋液,和牛油拌勻。

5. Keep 住小火,一邊煮一邊用木匙輕輕拌勻蛋液至creamy 狀,大約需時3-4分鐘。

6. 加入忌廉 (single cream) 或淡奶2湯匙,輕輕拌勻繼續煮約30秒,用磨碎黑胡椒和海鹽調味後熄火。

7. 離火後隨即加入煙三文魚和細香蔥拌勻即成。

8. 配以白麵包或多士同食~ 白麵包做法請參考"鹹方包食譜"

用依個方法煮scrambled eggs 雖然需時較長,但煮出來既炒蛋口感的確非常香滑! 等耐少少都係值得既~~~~6156-1315447255.gif image by veronica_tsim




18 則留言:

  1. 1111111111111111
    等緊面包發how xd
    等我下次試下整呢個蛋先..我都好想整到酒店個d蛋
    不過整過幾次都唔夠滑
    [版主回覆09/26/2009 04:30:00]今次又焗咩包包呀?
     
    我整咁多次scrambled eggs,今次整得最好食!!! 依個做法真係可以整到好滑~~~~
     
     

    回覆刪除
  2. wow...我最鐘意食滑蛋呀....好正呀
    [版主回覆09/26/2009 04:29:00]咁妳又整啦!
     
     

    回覆刪除
  3. 樓下那位賣所謂增高丸的朋友, 咪玩啦~~
    邊個會o甘白痴買你啊!
    [版主回覆09/26/2009 02:27:00]唔知會唔會真係有人信佢????
     
     

    回覆刪除
  4. deleted??  o甘鬼快手既??
    攪到我好似傻婆o甘胡言亂語~~
    [版主回覆09/26/2009 02:26:00]梳喱~ 梳喱~~~~ 啱啱先睇到妳留言!
     
    我而家都廢鬼事鬧賣廣告~ 見一個de 一個! 無佢地咁好氣......咪由佢地嘥佢地自己時間之嘛~~~~
     
     

    回覆刪除
  5. dd廣告真係好討厭呀!
    好似好好食咁喎!等我又試吓先~
    [版主回覆09/26/2009 04:27:00]點止討厭?? 頭先果個廣告係賣"增高藥"架! 超白痴~~~~
     
    我整咁多次scrambled eggs,今次最好食! 咁整法真係得架~ 快d試吓!
     
     

    回覆刪除
  6. hello i have try cooking spring green with garlic tonight it taste nice ! 口感味道really似芥蘭 !!! i really like it but i dun think my BBC bf like it too much hahaha anyway thanks for sharing a ! at least i have one more veggie choice to cook for dinner !!! xxx
    [版主回覆09/26/2009 04:23:00]you're welcome~
     
    "taste like 芥蘭" <//// true~ actually some chinese calls spring greens "鬼佬芥蘭"!  
     
     

    回覆刪除
  7. 如果同澳洲牛奶公司d炒蛋比邊種好食d,滑滑程度似唔似呀?
    [版主回覆09/26/2009 04:21:00]我知澳洲牛奶公司d滑蛋好出名! 不過我無食過......
     
    總之用依個方法煮就好滑啦~~~~
     
     

    回覆刪除
  8. 超濃咖啡味o既咖啡包
    湯種真係軟熟d
    [版主回覆09/26/2009 17:50:00]咖啡唔啱我~ 我唔飲咖啡架.......
     
     

    回覆刪除
  9. 整多碗呀~~~唔該, 我未食早餐
    [版主回覆09/26/2009 17:49:00]一碗夠唔夠呀? 見係妳....整多幾碗都冇問題喎~~~
     
     

    回覆刪除
  10. 我都超鐘意滑滑炒蛋,可惜我又係整極都整唔到
     
    唉…我又睇唔到妳啲相呀
    [版主回覆09/26/2009 17:47:00]妳睇唔到相既情況,好似係眾扑友之中最嚴重喎.......
     
    唯有等到妳睇返到相時,試試我依個方法炒~ 個人覺得真係好掂!
     
    btw 我頭果張相用部單反影,我覺得影得好靚!  依張妳可以上FB睇~~~~
     
     

    回覆刪除
  11. 呢張相好正呀... 十足十餐廳d poster咁款呢....
    [版主回覆09/27/2009 02:37:00]thanks~ 我老公就係話張相似廣告相! 又話似食譜書裡面d相.....
     
     

    回覆刪除
  12. 嘩...邊睇邊想食...睇我流晒口水
    唔得...我又要煮俾GILL 同OSCAR食
    [版主回覆09/27/2009 02:37:00]果日我整比自己做lunch,所以老公冇份食~ 佢返來睇到張相又話要食! 啱啱整咗比佢食,佢都話好正~~~~
     
     

    回覆刪除
  13. 我睇雜誌話要加奶先會香滑~~
    [版主回覆09/27/2009 02:35:00]奶我以前試過,不過都係唔得!
     
    但今次依個方法整出來好香滑~ 啱啱又整完 - 老公話要食! 佢都話好正~~~
     
     

    回覆刪除
  14. 嘩!!!!好好味喎~~~等我都試下先!!!!朝早食個咁正既炒蛋,真係開心成日呀!!
    [版主回覆09/28/2009 16:07:00]我老公返來睇到張相,要我weekend 整比佢食,我整咗double 張相既份量比佢.....轉個頭佢已經食鬼哂!
     
     

    回覆刪除
  15. 我終於睇到大部分既相啦 (我冇時間填表住)
     
    第一張真係幾靚,始絡有自然光影啲相出黎確係靚啲
     
    睇到電視廣告,妳至愛既Panasonic出咗DSLR (GF1),仲要係超輕巧,個樣十足十DC,不過可以換鏡頭,我見過百老匯display部機出黎,都幾靚仔,我老公話睇過相既sample,影出黎都幾靚架
     
    http://forum.sosonet.net/viewthread.php?tid=9811
    [版主回覆09/28/2009 16:04:00]多謝~ 不過果日天陰......
     
    可能GF1外型唔係一般單反既"專業 樣", 我覺得GF1唔夠G1靚仔喎! G1雖然唔係DSLR,不過都可以換鏡頭....... 相靚就預咗架嘞! 不過我相信價錢會好醜惡~~~~~
     
    雖然Panasonic 終於都出咗DSLR,不過我無揼心口買咗Canon 喎! 我鍾意Canon 個樣 + 價錢多d; 而且雖然我對Panasonic 品質好有信心,但始終DSLR 來講,佢地仲未有口碑~
     
     

    回覆刪除
  16. 其實都貴架,kit set (包一支鏡) 都要成7千幾架,之前olympus又係出咗部唔似DSLR既單反,又係賣成7千幾,好似間間都差住出咁~
    [版主回覆09/28/2009 20:18:00]預咗Panasonic 一定貴! 好似佢d普通DC,同一個款可能已出咗好多代新型號,但舊型號果d價錢仍然企硬唔減 / 減得雞碎.....
     
    我知妳講Olympus 果部~ 咁我覺得Olympus 個樣靚過Panasonic 依部GF1嘞! 依度都要成£600+,不過依d機唔係我玩既.......
     
    我記得我買部1000D之前做過research,Panasonic G1其實係同Olympus 一齊研發既新相機技術! (若我冇記錯應該係Olympus!) Olympus 都同樣出咗部類似G1既野~ 我睇過佢地講既原理 (不過太複雜我唔明.......),總之依個新技術同普通DC + DSLR 都唔同,但就影到高質相片喎~~~~
     
     

    回覆刪除
  17. 妳整咗double 張相既份量比Mr.T食??? 嘩佢咪一次過食咗八隻蛋,怕唔怕會多咗d呢?之後咪兩星期都唔駛食蛋. 
    [版主回覆09/30/2009 01:55:00]我同佢都係雞蛋怪來! 依次整double 唔係用咗8隻蛋,只係用咗加大size 既雞蛋啫~ 不過上咗碟就有double 份量......
     
     

    回覆刪除
  18. 好正呀, 我都抄低左你個食譜, 諗住番去煮比我老公食.
    [版主回覆08/26/2011 16:53:00]依個方法真係名副其實炒滑蛋,真係好滑滑呢!
     
     

    回覆刪除

Related Posts Plugin for WordPress, Blogger...