2009年9月4日星期五

日本天價


9歲果年第一次去日本旅行,聽導遊講日本人做任何事都會力臻完美,務求要做到世界第一! 連起個東京鐵塔,都要起得高過巴黎鐵塔......少少~~~

當時一個好似BB仔頭咁大既蜜瓜,每個售價已經高達500多港幣!!! (係我9歲當時既5舊幾水喎!!!! )

時至今日,日本水果既售價更加驚人......

(所有價錢均為美元! )

 依種係又名"Eggs of the Sun"既Miyazaki Mangoes - 宮崎芒果~

 就咁睇相都知係重量級!

 依隻野就曾經創下每隻售價$1,000 美元既紀錄!!!

 咁睇又確係多肉又多汁~~~ 不過有$1,000 美元我就唔會用來食芒果嘞......

除咗日本芒果貴得驚人之外,鄰近既南韓都不相伯仲......

 依個芒果要31,800韓圜 - 即$34美元!!!

估唔到喺日、韓兩地食芒果真係尤如食黃金......連有"印度黃金"之稱既Alphonso Mangoes 都要行埋一邊!


巨峰提子我已經覺得好貴......

依種石川縣生產既紅卜卜提子叫做"Ruby Roman",每粒size 有成個乒乓波咁大!

2008年8月,每700克"Ruby Roman"售價為$910美元,約$26美元一粒;
今年售價仲升至$2,250美元 - 即$70美元一粒!!!!!_363.gif image by veronica_tsim


 Yubari Melon - 夕張蜜瓜~
產自北海道夕張市既超級蜜瓜,成為咗多種零食商品既招徠技倆e.g. 汽水、雪糕、朱古力......全部打正夕張蜜瓜口味生招牌~
2008年5月,2隻夕張蜜瓜創下$21,000美元 既紀錄 -_2060.gif image by veronica_tsim即每隻$10,500美元!!!!!!!



 依種新品種每粒差不多手掌咁大既士多啤梨,叫做Beautiful Princess - 美人姬!
一盒5粒價錢可高達$500+美元!!!
$100+ 美元一粒士多啤梨,真係暈低~~~~_1098.gif image by veronica_tsim



以上依咋天價水果既價錢,就算我買得起都肉赤到食不知其味......
(_1554.gif image by veronica_tsim好彩我唔鍾意食生果既啫!)


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
_342.gif image by veronica_tsim 去年Asda 同 Yorkshire 一個農場合作引入和牛作英國本地生產,今年8月尾第一隻英國出生既和牛終於誕生嘞!
_2264.gif image by veronica_tsimAsda 方面希望第一批和牛可以於2010年尾至2011年頭, 喺各大Asda 供應!


(期待ing~~~~_343.gif image by veronica_tsim )



18 則留言:

  1. 個芒果睇到我
    我唔偷懶已經update左啦
    [版主回覆09/04/2009 23:34:00]咁妳買吖~ 分一啖仔比我試吓得架嘞!
     
    一陣過去探妳~~~
     
     

    回覆刪除
  2. 英國和牛? 咁妳第日啲瘋牛症發作可以黎醫喎
     
    講真啲生果咁貴,會唔會有價冇市,好似九龍城嗰啲人面西瓜,金字塔形西瓜,成皮野一個,都唔知幾耐先賣到一個 ~
    [版主回覆09/05/2009 02:36:00]係呀~ 係呀~ 我唸住吼住佢地一出就即買來試吓!  不過最少要等成年啊.........
     
    我覺得果d水果喺香港肯定有價冇市! 喺日本就唔知嘞~~~~
     
     
     

    回覆刪除
  3. 多謝你擺呢d生果上黎wor~~ 
     
    呢d野真係睇下好啦!!!!
     
    幾juicy都冇用, 我係普通人, 唔會過呢d 奢侈既生活....
    [版主回覆09/05/2009 02:29:00]唔洗多謝! 咁啱睇到貼上來share 吓啫~
     
    我都係咁話 - 就算有咁既錢都唔會買來食! 何況我又唔鍾意食水果~
     
     

    回覆刪除
  4. 我鍾意食生果架~~好在我呢度冇得見...冇得食,慳返又冇得恨
    [版主回覆09/05/2009 02:40:00]我唔鍾意食甜野,所以亦唔鍾意食生果! 不過如果唔洗錢有得試吓食,我都會試~~
     
     

    回覆刪除
  5. Gaileは林家歐巴桑2009年9月4日 下午8:33

    真係睇得唔食得(唔捨得食),咁鬼貴食左落肚咪又係冇晒,不如用依d錢買衫買袋最起碼唔會消失!!
    [版主回覆09/05/2009 20:11:00]我都係咁話~ 買衫買手袋買首飾好過! 不過如果唔洗錢有人請我試吓又唔"區"呀~~~
     
     
     

    回覆刪除
  6. 幾鍾意都唔會買嚟食啦 ... 貢貴 .... 不過, 睇下都好丫 ......
    [版主回覆09/05/2009 20:07:00]我都係鍾意手袋多d!  依d生果都係睇吓算嘞~~~~
     
     

    回覆刪除
  7. 嘩... 好鍾意食生果嘅我都唔會俾咁多錢去食.... 食咗又唔會飛又唔會長命啲... crazy...
    [版主回覆09/05/2009 20:38:00]咁鬼貴~ 食咗背脊骨落就真......
     
     

    回覆刪除
  8. 中醫話我濕熱,唔可以食咁多芒果,龍眼,荔枝,榴槤
    [版主回覆09/06/2009 05:15:00]但好返先食囉~ 得閒煲d清潤既湯水飲吓!
     
     

    回覆刪除
  9. 日本本土出產農作物不多,有土地都用黎種米,而且係曰本種植成本好高再加上政府管制好嚴格所以種出黎的農作物好貴,平民好小買个d貴生果食,佢地多數食柑,梨,橙,西瓜之類較平的生果,貴生果俾人用黎送礼用,日本人尤其係啇人,政要一類好講面子,貴一貴生果都會買黎送礼,所以貴生果有價有市.因為一般人較小食菜和生果(因為貴)所以日本人多便秘,通便藥係日本好好賣.
    [版主回覆09/06/2009 05:14:00]咁好彩佢地研究種奇型生果成功 - 如果唔係就嘥哂d時間咯!
     
     

    回覆刪除
  10. 我好鍾意食生果,但咁貴一啲都唔值!
    攪到生果奇奇怪怪咁!
    [版主回覆09/06/2009 04:47:00]搞吓新idea 噱頭野無可厚非~ 但咁既價錢實在太謊謬嘞!
     
     

    回覆刪除
  11. ☜♡ 肥貓♡☞2009年9月6日 上午7:04

    富貴生果真係食唔起呀!!
    [版主回覆09/07/2009 03:46:00]就算食得起我都唔會買 - 因為我都唔鍾意食水果!
     
     

    回覆刪除
  12. 我上星期在九龍城"源興" 都見到超巨型西瓜 , 有一罐大的石油汽咁大 , 被譽為全世界最大西瓜 , 非賣品及辰可影相 !
    日本水果貴 , 但係都幾有保證 ( 唔計形狀西瓜 )   ,  貴得來是物有所值的 !
    韓國芒果$30幾都唔算貴 , 買台灣的蘋果芒都要呀 , 我8月時買過2個都要成$80 , 因好少有及好鬼香 !
    [版主回覆09/07/2009 03:45:00]哇~ 石油氣罐咁大????  又唔賣又唔比影相,咁佢地入來淨做生招牌擺得幾耐?
     
    韓國芒果係34美金一個喎! 唔係港紙呀~ 上面全部都係美金單位.......
     
     

    回覆刪除
  13. 仲要等成年啊....
    一有記得通知聲啊 (asda和牛)
    [版主回覆09/07/2009 17:35:00]放心~ 我會密切留意! 一到手(有排....)我一定會上來報導!
     
     

    回覆刪除
  14. 仲要等成年啊....
    一有記得通知聲啊 (asda和牛)

    回覆刪除
  15. 早前香港係九龍塘Taste都有展出日本種植既心型西瓜,售價成差不多4000元(如果我無記錯),真係出街食餐飯都唔駛咁貴,我就未必會買!
    [版主回覆09/07/2009 17:26:00]就算我有錢都一定唔會買! 我都唔鍾意食水果,買多隻手袋好過~~~~
     
     

    回覆刪除
  16. 所以我好欣賞日本人做事o既精神,真係好認真!
    [版主回覆09/07/2009 17:19:00]佢地仲有無限創意呢~ 任何平平無奇既事物,到咗日本人手都可以點石成金!
     
     

    回覆刪除
  17. 如果Asda有和牛賣就唔晒成日想住返香港食lor
    [版主回覆09/08/2009 07:39:00]Asda 話價錢會比日本和牛平好多,但我估點都冇正宗日本和牛咁正.......
     
     

    回覆刪除
  18. 次次去日本都無咩生果食, 包包都貴到飛起, 只會買柑黎食, 但食幾日柑又食到口臭咁... 食水果都係台灣好, 又平又甜又多汁~正!
    [版主回覆09/08/2009 07:41:00]我一向都好少食生果既,去旅行時更加唔會買來食!
     
     

    回覆刪除

Related Posts Plugin for WordPress, Blogger...