2009年9月23日星期三

爛得合時

想當年2004年,我為咗整我人生第一個芝士餅比老公食,特別去Asda 買咗個cheap cheap mixer "Pacific"~_1561.gif image by veronica_tsim

 當時都無唸過自己整蛋糕麵包會整上癮 (尤其係麵包! ),
所以對mixer 幾乎完全無要求,但求整得到就得嘞......_1291.gif image by veronica_tsim

後來愛上咗整麵包,而依部cheap 野又有麵糰勾,順理成章用來搞麵糰~ 的確比齋用手搓快靚正好多!_1856.gif image by veronica_tsim

不過日子耐咗,慢慢我開始覺得cheap 野用來整蛋糕還可以,但整麵包得果200W 好似唔多夠力......
我雖然係一個購物狂~_1627.gif image by veronica_tsim但我係一個購得精明,兼且唔會浪費既師奶!  喺依個咁既情況之下 - 部cheap 野性能良好,完全無壞...對我來講,並唔足以令我可以說服到自己買過部新mixer!

剛過去既星期日整咗個生日撻比朋友 (黑桑子士多啤梨撻食譜~),當時仍然覺得部cheap 野可以勝任;

 不過今日再整牛油排包,真係覺得整麵包時好唔夠力水!!!! (牛油排包食譜~)

大大話話部cheap 野都用咗成5年,終於......

 其中一個打蛋器爛咗......

 斷開咗插唔返入去!

依個其實並唔係大問題來......因為只用一邊都一樣打到蛋 + 打到蛋糕材料!  不過而家我就有一個比較"合理"既原因,去說服自己買過個新mixer~ 同時又唔會覺得guilty! 呵呵~~~~_1272.gif image by veronica_tsim

既然唸住買個新野,今次當然要買個好d架啦! 
_342.gif image by veronica_tsim即時上網尋找合適既新mixer......

 選中咗依位佳麗 - Kenwood kMix HM794~

我選依位佳麗既原因:

- 不銹鋼打蛋器 + 麵糰勾;

- 外型靚仔又型仔到不得了!!!! 令我一見鍾情;171253322.gif image by veronica_tsim

- 最正就係有個400W既摩打!_2013.gif image by veronica_tsim

本來我考慮過買部KitchenAid Stand Mixer~ 不過一來KA 好鬼重,又大舊要搵個位安置佢; 二來原來KitchenAid 只得300W!_2010.gif image by veronica_tsim

好多其他較KA 平既牌子既Stand Mixer,閒閒地都有500W - 600W~ 而且好多平價既handheld mixer 都已經有300W......(我選中既kMix 仲有成400W 呢!!)
KA 外型雖然靚仔~不過賣得咁貴但又只得300W,個人覺得唔值biaoqing053.gif image by veronica_tsim,真係好turn off!

>>>>>>>>>>>>>>>>>>>>>>>>>>>>>>>>>>>>>>>>>>>>>
_2404.gif image by veronica_tsim 一陣上網訂部Kenwood kMix~ 希望會快d送到來,可以感受吓部新野有幾powerful!

至於部cheap 野......我都有少少唔捨得佢架~~~
_2022.gif image by veronica_tsim 畢竟我曾經用佢做過唔少成功、半成功 + 唔成功既麵包蛋糕.......

2004年部cheap 野只售£5.XX,用咗5年幾都算係咁咯~~~

等部Kenwood kMix 到咗,我就會將部cheap 野送去recycle......




11 則留言:

  1. 嘩。。。5磅幾既野﹐你用左咁多年﹐又用咁多次﹐整左咁多好野。。。佢都算功成身退啦。。。
     
    要比個獎佢tim ah~~
    [版主回覆09/24/2009 15:27:00]係呀~ 佢真係無功都有勞架,所以咪特別寫篇野來tribute 佢囉!
     
     

    回覆刪除
  2. 你用了5年都好叻! 係時候俾佢退休了.  我是用KITHCHEN AID 的 HAND MIXER
    [版主回覆09/24/2009 15:30:00]我睇KitchenAid stand mixer 之前,都試過搵KA 既handheld mixer~ 不過我發現KA 喺英國好似無出handheld,只得stand mixer! 所以我連佢地既handheld 有幾多watt 都唔知.....
     
     

    回覆刪除
  3. 部 Kenwood 真係好靚仔喎~~ 恭喜你買到靚嘢~~
    [版主回覆09/24/2009 15:32:00]頂! 佢地個website 唔work!!!!!!!! 或者一陣出街買.......
     
     

    回覆刪除
  4. 新呢部好靚呀. 香港真係搵唔倒. 貴唔貴呀要賣幾錢?
    [版主回覆09/24/2009 16:08:00]香港有! http://kenwoodworld.com/zh-hk/3/kMix/
     
    依款仲有酒紅色 + 杏仁色架~ 不過香港賣幾錢我就唔知~ 英國就賣£50,約$630HKD!
     
     

    回覆刪除
  5. 我屋企個打蛋器又係好CHEAP架咋,不過我一D都唔會嫌棄佢,夠用就OK,我平時整包包都係用個麵粉 勾幫手架,之後再搓方便好多好多,想問下你地果邊買KA幾錢呀??我見好多人都買KA架,佢地個個都話好好用~~
    [版主回覆09/24/2009 16:04:00]我都無嫌棄佢呀! 只係覺得佢打麵糰時唔係好夠力~ 而且如果佢唔係爛咗,我都唔打算買新野!
     
    我依邊KitchenAid 只見過一大座既stand mixer,無見過有handheld! 連KA 既UK website,都無顯示handheld mixer~ 我估KA 喺英國無出 / 停產handheld.......
     
    至於KitchenAid stand mixer 大約賣£390左右,約$5000HKD~ 不過得300W,係眾多唔同牌子既stand mixer 之中,馬力最細既!
     
     

    回覆刪除
  6. wa.a.....用左5年 @@""""咁差唔多啦... 不過你個新玩具 Kenwood kMix 好型唷... 等你新作唷...=]
    [版主回覆09/24/2009 15:48:00]一個平成咁既mixer,用到5年幾真係算係咁咯~
     
     

    回覆刪除
  7. 好野, 有新玩具 ....kenwood 既 mixer 係幾令仔咖 ...
    [版主回覆09/24/2009 15:45:00]唔係個個kenwood 都咁靚仔架~ 依個應該係kenwood hanheld mixer 之中最貴果個! 有d其他平價既款式都幾似我個cheap 野 - 白色膠,不過馬力唔夠大~~~
     
     

    回覆刪除
  8. aiya~~ 我都係因為你同samwei近日先開始整麵包, 頭果幾次都係用手, 但後來見你話 cheap cheap hand mixer 都夠用, 於是乎早兩日就去 tesco 買左個四鎊幾既 value 牌~~
    個 value 牌尋日開左光啦, 都好ok, 莫講用五年, 求其用到一、二年我都好滿足了!
    原來 baking 真係好好玩, 食既開心、整果個又好有滿足感呢!!
    [版主回覆09/24/2009 16:55:00]Tesco 4鎊幾添呀!?!??! 真係鬥爛市喎~  不過其實只要部機有包麵糰勾,就一定整到麵包架嘞!
     
    5年前我係超超超新手,唔知自己會唔會有恒心繼續整落去,緊唔會貿貿然買個靚野啦; 但而家整到個心紅咗,就越來越懶講究......
     
    係呀~ baking 真係好有滿足感架! 除咗食 + 整既都開心......我星期日整咗個生日撻比朋友,收既 + 送既又係好開心!  
     
     

    回覆刪除
  9. Gaileは林家歐巴桑2009年9月24日 上午1:38

    用左5年都可以話係功成身退啦...我部cheap野如果可以用到5年我都偷笑!部新mixer真係幾靚仔啦
    真係激氣,我今日總算上到網留言俾你,真係凍未條(受又了)大陸依個cheap地方,做左世界強國有乜用喎,網路封鎖晒咪又係做井底之蛙!!
    [版主回覆09/24/2009 17:00:00]我唸住攞部cheap 野去recycle! 所以佢仍然有用架~~~
     
    見妳咁多日無浦頭,妳果邊又無update,我都估到又係大陸封咗d網架嘞.........唔緊要啦~ 妳捱多個零月就返台灣啦!
     
     

    回覆刪除
  10. 部舊mixer平均一年都係£1.XX,真係抵用  除咗mixer之外,仲有冇咩野,妳都好想佢爛得合時架呢  有時真係架,唔爛又唔捨得掉咗佢 + 買過件新野,今次個mixer真係做得非常好呀,比個good佢
     
    妳揀依個mixer真係好鬼型,Kenwood啲小家電真係越出越靚仔,我見Kenwood嗰啲Disney既家電,又好cutie喎  我都想買過部有麵糰勾既mixer,好似方便好多
     
    btw, 妳仲有啲咩野想佢爛得合時呀
     
     
    [版主回覆09/25/2009 22:53:00]真係好鬼抵用! 所以我對咗佢咁耐,離別在即都有少少唔捨得架..... 部新野已經訂咗,今晚等老公放工去攞!  期待ing~~~~~
     
    原來Kenwood 有出Disney 系列架!?!? 英國無見過啊~ 我覺得Kenwood 出依個kMix 系列,有可能係同KitchenAid 鬥!
     
    kMix 系列產品同KitchenAid既好相似; 而且兩者都係攻professional kitchen appliances 市場~ 個人覺得kMix 產品外型更trendy 更靚,而且性能features 都比KitchenAid 強! 只係KitchenAid 歷史悠久d啫......
     
    我仲有好多野想要,不過暫時無野想換喎! 最想就係將來有一個再大d既廚房時,可以擁有整套kMix~~~~
     
     

    回覆刪除
  11. wow....部mixer好鬼型仔呀~買咗番嚟記得post d 相嚟睇下呀
    [版主回覆09/26/2009 06:17:00]老公今日放工順便買咗返來~ post 咗嘞!
     
     
     
     

    回覆刪除

Related Posts Plugin for WordPress, Blogger...