2009年9月29日星期二

自製慳家爆谷



1. 預備乾粟米粒。

2. 燒熱少許油 (或白鑊燒熱),加入乾粟米粒。

3. 蓋上鑊蓋,將鑊中粟米粒搖勻。

4. 粟米粒爆開成爆谷,熄火將爆谷盛入大碗中。

5. 加入適量的糖撈勻即成。

_342.gif image by veronica_tsim P.S. 建議爆時分開數次以少量粟米粒來爆~ 若一下下太多粟米粒,底部的爆谷會容易燶!


經濟唔好,但英國仍然乜鬼都貴!

連去戲院睇戲都變成好奢侈~ 最近興睇3D戲仲加貴!!!

 尋晚去Vue 睇Cloudy With a Chance of Meatballs 3D,要每位£7.70 (約$95HKD)

 若加埋一個包1杯大汽水、1盒大爆谷 + 1個任選小食既套餐,承惠 £9.05! 約$112HKD~

睇一場戲就無咗3舊水!!!!

Vue 其實已經算平......

上次去Cineworld 睇The Final Destination 3D,每人要£9.20!

即$114HKD!!! 而且Cineworld d爆谷更加貴~~~~~

2008111213535358.gif image by veronica_tsim為鍚住老公荷包,尋晚爆咗2盒爆谷帶去同老公一人一盒,慳家少糖又新鮮過戲院裡面果d! (戲院果d都唔知放咗幾耐.........)
 
其實戲院係唔比帶自己食物入去既! 不過我個Neverfull Damier GM 夠大加上佢地亦唔會check 袋,所以成功過骨~~~~

我平時要飲好多水or 茶!

夏天出街時我間中都會買凍飲,不過最近天氣明顯地涼咗好多,真係唔想再飲凍野~ 而且凍飲對皮膚唔好;  

但街上可以買到既熱飲,就只得咖啡 + 西茶......

 所以我尋日買咗個好cute 既外帶熱水壺,實行自己沖綠茶帶出街飲!
(我越來越似個阿嬸.......)

 依個粉紅色cute cute 熱水壺size 細唔阻訂,而且保溫持久!
29_3_16.gif image by veronica_tsim

仲可以慳上加慳呢~~~~~








11 則留言:

  1. 尼期學人玩慳家呀你...
    乾粟米粒係吾係平時雜貨店賣果啲呀?
    [版主回覆09/30/2009 01:23:00]我鍾意買野啫.....不過我自問一向都係慳家既賢妻來架!
     
    我唔知係咪雜貨店果d喎......我喺超市買架咋~~ 不過總之係一粒粒曬乾咗既粟米粒啦!!
     
    P.S. 如無意外依個星期會寄野比妳! 上星期郵局罷工.......之前又想等埋寄比其他扑友既野先一次過去郵局~
     
     

    回覆刪除
  2. 個水壺幾得喎!響邊到買嫁?
    [版主回覆09/30/2009 01:20:00]我喺超市買架~ 我見佢咁細個,好方便帶出街!
     
     

    回覆刪除
  3. Gaileは林家歐巴桑2009年9月29日 上午6:50

    爆谷都自己整真係近呀,可惜我唔鐘意食,我都有starbucks既保溫杯,我每次去親starbucks梗帶去,因為台灣既starbucks如果你有佢既杯買野飲又有得平10蚊(唔知其他國家有冇得平呢),雖然唔係平好多,但好過冇啦,仲可以響應環保!維他麥精飲,好鬼正!台灣又係冇維他,我好鬼耐冇飲維他奶喇,好懷念凍天時既暖維他,真係對我好唔公平呀...

    回覆刪除
  4. Gaileは林家歐巴桑2009年9月29日 上午6:51

    爆谷都自己整真係近呀,可惜我唔鐘意食,我都有starbucks既保溫杯,我每次去親starbucks梗帶去,因為台灣既starbucks如果你有佢既杯買野飲又有得平10蚊(唔知其他國家有冇得平呢),雖然唔係平好多,但好過冇啦,仲可以響應環保!維他麥精,好鬼正!台灣又係冇維他,我好鬼耐冇飲維他奶喇,好懷念凍天時既暖維他,真係對我好唔公平呀...
    [版主回覆09/30/2009 01:18:00]其實爆谷我都好麻麻~ 不過睇戲時有野咬吓都幾好!
     
    Starbucks 我唔知嘞........因為我唔飲咖啡既~
     
    其實我擺包麥精奶喺個壺隔離做比例啫......不過想話比妳知 - 我而家飲緊! 哇卡卡卡卡~~~~~
     
     

    回覆刪除
  5. Gaileは林家歐巴桑2009年9月29日 上午6:51

    爆谷都自己整真係近呀,可惜我唔鐘意食,我都有starbucks既保溫杯,我每次去親starbucks梗帶去,因為台灣既starbucks如果你有佢既杯買野飲又有得平10蚊(唔知其他國家有冇得平呢),雖然唔係平好多,但好過冇啦,仲可以響應環保!維他麥精飲,好鬼正!台灣又係冇維他,我好鬼耐冇飲維他奶喇,好懷念凍天時既暖維他,真係對我好唔公平呀...

    回覆刪除
  6. 我都好鐘意自己整爆谷,尤其係焦糖爆谷
     
    我幾年前都專登買個細細地既保溫壺,冬天帶熱茶出街飲,所以唔洗怕,有阿四嬸陪妳
    [版主回覆09/30/2009 01:13:00]明明係咁平既野,點解出到街就要比佢地鋸到一頸血? 緊係自己整好啦!!!!
     
    原來妳幾年前已經係咁嘞!!?!?! 我地d老人家唔飲得咁多生冷野啊~~~
     
    喂~ d靚妹咪好興乜鬼都黐哂閃石既......可能如果我地將d保溫壺黐d閃石上去會變到好潮!!! 咁咪唔阿嬸囉~~~  
     
     

    回覆刪除
  7. haha ur pink bottle is very cute where did u buy it ? i think it is a very good idea to bring ur own drinks and fodo to the cinema ! both healthy for ur body and for ur wallet !!! good idea !!! x
    [版主回覆09/30/2009 07:03:00]i bought it from a shop called "Home Bargain"~ only £2.99!
     
     

    回覆刪除
  8. 我以前食過用--用早餐食嘅爆米加綿白糖造嘅米通.....好好味架!
    [版主回覆09/30/2009 07:01:00]好似幾得意喎! 係咪好似爆谷咁用米來爆架??
     
     

    回覆刪除
  9. 買用嚟食早餐加奶嗰啲爆米造.....詳情唔係太清楚!
    [版主回覆09/30/2009 20:33:00]噢艾屍! 原來係現成野來~~~~
     
     

    回覆刪除
  10. 俗語所謂「無事出街少破財」, 不過, 見到心頭好, 又好難唔帶佢地返屋企既
    [版主回覆09/30/2009 20:57:00]妳講緊個壺? 我一早都唸住買架嘞! 不過嫌一般果d太大,保溫杯又太細.....
     
    依個大細啱啱好! 又靚女~ 價錢仲好平~~~
     
     

    回覆刪除
  11. 唔知點解睇戲一定要食爆谷,冇野食好唔慣
    [版主回覆10/05/2009 06:53:00]咁我睇戲時又唔一定要食爆谷喎~
    不過見到戲院賣得咁鬼貴,條氣有d唔順!
    咪自己整d帶去囉~~~
     
     

    回覆刪除

Related Posts Plugin for WordPress, Blogger...