2009年8月19日星期三

Stephen & Jenny's Wedding (2009年8月18日)

尋日係Stephen & Jenny 既大喜日子~  祝依對郎才女貌既新人,永遠幸福快樂!


之前收到請柬,本以為我 + 老公只被邀請出席晚上飲宴; 後來Jenny 喺FB通知我 - 邀請我地觀禮~ 不過太 short notice,老公請唔到全日假; 於是約咗Robert 一齊去.......點知佢又臨時有事去唔到!!!!!

真係唔好意思嘞Jenny~~~~ 明明應承咗妳,我會去觀禮.......

由於尋晚U2喺Glasgow 開show; 再加上Celtic Park 有大足球賽事 - Celtic vs Arsenal,搞到Glasgow 大塞車!!!!!_346.gif image by veronica_tsim

好彩我一早叫咗老公果日要提好早放工,所以今次冇遲到!

 原來開席前,每圍枱都有一碟冷盆果喎! (好好食~~~ ) 上次我地飲老公表哥果餐遲大到錯過咗......

 今次既菜同上次老公表哥果餐水準實在相差太遠嘞 - 依餐正好好好好多!!!

掛住食唔得閒逐樣影! 菜其實都係果d,但味道來個十級跳!!!_343.gif image by veronica_tsim

今次我同老公都食得好飽~~~ 我仲飽到要老公幫我放鬆我條冚裙腰帶蝴蝶結呢.......

一開席就有人唱卡拉OK唱不停 .......(佢地唔洗食野既咩???? )

 一對sweet sweet 新人~~~~

 老公姑丈 + Robert 爸爸........(仲要唱咗2首!!! _359.gif image by veronica_tsim)


 一對新人敬酒! (新娘子好多金呀~~~~ )

 唔好以為淨係得一對新人sweet 呀~ 賓客們都好sweet 架!!


席間我同Robert 2個人瓜分枝紅酒~ (老公 + Pauline 要渣車冇得飲! 呵呵~~~ )

我已經好耐冇飲過酒,奇怪既事發生嘞 - 我以前飲少少酒,成塊面會紅到好似關公咁......

但今次只有一對耳仔紅卜卜! 2隻耳仔似火燒~~~~~

雖然我冇貓到,但就成身成口酒氣臭到似噴火可以撻著幾個爐!!!  (不過枝紅酒幾好飲喎~~~) 

開席前英國blogmate 張家總管眼明手快,眾裡尋V - 將我從人堆中揀出來!

 今次係我初次同英國既blogmate 見面,總管比我既感覺係相當友善熱情!

佢兩位囡囡非常活躍可愛 - 喺主禮台上跳舞跳足一晚!!!

我記得好耐之前同總管講過,我同佢玩一個遊戲 - 佢來蘇格蘭既日子,若果有緣撞到,睇吓邊個可以先搵出對方?
總管~ 妳贏咗嘞!_1557.gif image by veronica_tsim

獎品就係.............我地既玉照2張!
_1554.gif image by veronica_tsim(見字請留email 索取獎品~~~)



來英後參加過無數婚禮,中西都有~ 除咗自己果次之外,最開心興奮可以話係今次.........

已經唔記得點認識Jenny,只記得係認識老公之前既事~ 而我 + 老公亦可以話係由Jenny 間接撮合!!

當年有某位男士想約會Jenny,但又怕死搵一大班人陪佢,老公就係果大班人裡面其中一個;

當時我又剛同ex 散咗,心情好差~ 於是Jenny + 佢cousin Vivian 就搵埋我一齊出去應約(可能想我散吓心啦~).....就係咁 - 果次老公就對我一見鍾情,決定對我展開追求!_1554.gif image by veronica_tsim

我地結婚時, 間接媒人婆Jenny 都有份做姊妹架! 今日輪到佢做新娘子,我真係好開心~ 好感動~~ 好替Jenny 高興!!!!!!_343.gif image by veronica_tsim





19 則留言:

  1. 祝一對新人白頭到老,永結同心,永遠SWEET SWEET
    [版主回覆08/20/2009 00:22:00]我代一對新人多謝妳既祝福~~~~
     
     

    回覆刪除
  2. 係蘇格蘭係咪通常去冚都係著裙,我指男士,因為我見你老公今次又係著蘇格蘭裙
    [版主回覆08/20/2009 00:21:00]啱啱喺妳處留言來!
     
    係架~ 蘇格蘭裙係正式禮服來架嘛! 妳知唔知我老公變態到,去冚之前佢"逼"我特別問新娘子 - 佢可唔可以kilt? 佢話唔想得佢一個著,好似好奇怪咁!
     
    我覺得我咁走去問人仲奇怪........
     
     

    回覆刪除
  3. 喂 .. 靚女 .. 我反而對妳個手袋有興趣 bor .. 可唔可以比個 close up 來 look look 呀 !
    [版主回覆08/20/2009 01:17:00]証明咗妳冇好好咁睇我個blog!!!!
     
    依個袋我已close up 過~ 係舊野來! 妳去我講LV 既"小曬冷度睇吖~~~ 不過睇完唔好以為我用A貨喎 - 因為仲有依個款,但已經冇再出依隻色!
     
     

    回覆刪除
  4. 你老公咁攪笑既,不過可能佢覺得如果得佢一個著,好似太隆重卦,最後你有冇問新娘子呀?
     
    香港人依家去冚都好少執到咁正囉 ~
    [版主回覆08/20/2009 01:18:00]緊係有問啦........我話: 洗唔洗呀? 老公答我: 咁妳而家問唔問吖????
     
     
     

    回覆刪除
  5. oh!! My tits--- 好鬼礙眼, 最慘係 "dum"~~
    我原本買左條飲裙 + 相中見到既新鞋 for 尋晚, 點知我老公話不如著另一條啦, 全家人著差唔多顏色, 又讚條裙著得我好令 etc.....
    點知張張相都.........唉!
     
    哈哈! 原來我仲矮過你 wor!!
     
    尋晚......我兩個女..... 係咪好忘我呢??
     
    八月尾個 long weekend 你得唔得閒? 我捻住叫埋 Jenny 兩公婆出Glasgow食飯~~
     
    To 各位唔妥Mrs T 既人:
    Mrs T 好 nice 好好人, 一個人好自會多福, 你們還是看開點, 不要眼紅她吧!
     
    [版主回覆08/20/2009 02:30:00]妳好似話緊我老公 + Robert 既攝影技巧好差喎!
     
    咁即係點呀? 咁妳係咪唔要妳d囡 + 妳老公........張相呀?
     
    妳果兩位千金真係..........唔知點形容! 最衰Robert 果3位小千金要返學~~~~~~
     
    最鍾意飯局~ count us in!
     
    唔知妳睇咗我喺妳果邊既留言未? 真係唔好意思嘞~  八婆(我)係多口既! 我有私人野同妳講,趁Yahoo Blog 仲work ,一陣去妳度留言!
     
     

    回覆刪除
  6. 你哋都男才女貌或男貌女才吖!
    [版主回覆08/20/2009 03:26:00]咁究竟係男才女貌? 定係男貌女才??? 只准揀一樣!!!
     
     
     

    回覆刪除
  7. 我last tues 都去咗see woo 飲, 食既野同你果d一樣.... 講真d野 mama 地, 不scotland 黎講算ok la!!!
    同埋 "starter 6小碟" 我幾欣賞佢果鴨舌...... 好似有d沙薑味咁幾好味......
    ps 我係from edinburgh ga, 不過得閒都會去下glasgow.... edinburgh's matthews food d肉幾新鮮..... 因為佢一星期只會返3次貨(肉), 同埋新鮮肉一返就好快買晒ga la!!! 返而glasgow 既matt's food 我未去過..... 次次都係去泗和...
    [版主回覆08/20/2009 03:23:00]一直以來都好多人話泗和擺酒麻麻地~ 早2個月飲老公表哥果餐,我都覺得唔係好掂! 不過尋晚果餐真係好得喎!
     
    個starter 我反而鍾意白雲雞腳~~~~~
     
    OIC~ 原來妳喺愛丁堡既萬富行! 妳下次可以試吓Morrisons~ 佢地成日都有貨架!
     
     

    回覆刪除
  8. 男貌女貌啦!因為我認你哋啲才
    [版主回覆08/20/2009 03:44:00]多謝你! 咁我老公又確係幾有才既呢~~~~~
     
    我依d膚淺既八婆,要"貌"得嘞!
     
     

    回覆刪除
  9. Gaileは林家歐巴桑2009年8月19日 下午5:49

    咁都俾你地撞到...其實你地係咪一早知會參加同一個wedding架?真係好鬼有緣喎...唔知如果你黎台灣,會唔會係夜市撞到我呢,hahahaha
    [版主回覆08/20/2009 15:55:00]係早知不過冇約埋.
     
    妳蒲唔蒲士林夜市 / 24小時誠品 / 101 Page One 先? 我去台灣時最鍾意去依幾個地方! 其實我地以前可能已經試過擦身而過呢?
     
    (上次喺西門町撞到我又唔道歉果個八婆係咪妳來???? )
     
    哈哈~~~~ 不過下次我去台灣時一定會約妳出來 - 咁咪唔洗靠撞囉!
     
     

    回覆刪除
  10. 好有緣份唷.,,BTW...你個日真係好令唷^^v"
    [版主回覆08/20/2009 15:49:00]多謝~ 不過最靚緊係新娘子啦!
     
     

    回覆刪除
  11. 大家都著得好靚呢~~ 早幾個月叔仔結緍, 都係萬麗擺酒[grand haytt隔離]都叫有返咁上下喇...我都估男人個邊唔會著得太行..我都只係擇左件係JSHOPPERS 訂既雪紡ONEPIECE , 點知..真係仲是但過我, 我姑拉只係著左件好以係旺中買個D 姊妹衫既吊帶 LOW CUT[註: 我都已經係大碼人..佢係比我再大多2碼] 無眼睇呀! 同黎飲既好多都係CAUSAL WEAR, 依家已經好少人會 "去飲著靚D喇"
    [版主回覆08/20/2009 15:48:00]早2個月老公表哥婚禮後我出blog,我都見d香港網友們話而家好少香港人著到咁靚去冚~ 我覺得好可惜啊!
     
    扮靚d自己高高興興去參加飲宴, 除咗係尊重個場合之餘, 心情都會特別靚靚 + 特別enjoy 開心既氣氛~ 而且我覺得著"四正"d時,會特別留意自己既言行......
     
    好似上一水有條著牛仔褲T恤既阿叔,飲大兩杯面紅紅好似成龍咁 - 走上主禮台爭咪唱卡拉OK.......講咗句入咗咪既粗口!!!!
     
     

    回覆刪除
  12. 呢d咪就係緣份囉
    [版主回覆08/20/2009 15:33:00]其實一早都知道大家會去同一個婚禮架嘞!
     
     

    回覆刪除
  13. 曾經聽人講飲酒塊臉紅..係好架.....即係話啲酒易散...飲酒啲人臉吾紅..即係話啲酒燒骨...吾好架....
     
    而我..好多時都吾紅架.....
    [版主回覆08/20/2009 15:32:00]咁"酒燒耳"又即係點呀?
    我其實應該塊面係會好紅既!
    唔知係咪果晚太濃妝遮鬼住咗呢?
    不過我好衰架 - 就算只飲一杯仔,我都會即時好臭酒味架!!!!
     
     

    回覆刪除
  14. 呢條裙靚過上次嗰條~我好LIKE~斯文又大方,但又唔老土喎~好眼光
    [版主回覆08/20/2009 15:30:00]多謝~
    我上次連續去咗2晚,2條唔同裙喎.....
    依條靚果上次邊條呀?
    不過因為依條係真絲好容易勾到!
    特別帶有爪戒指時要小心d~~~~
     
     

    回覆刪除
  15. Gaileは林家歐巴桑2009年8月20日 上午2:54

    你講個八婆真係有可能係我,你知啦,我記得我有道歉架喎,係咪你聽唔到呀???
    我冇話你知我係住係台中架,台北1年先會去一兩次,所以3台北見到我既機會真係好微...如果你黎台中,一定要搵我啦,你知啦,成日靠撞真係唔多方便...同埋我係依邊朋友真係都唔多個架!!
    [版主回覆08/20/2009 20:02:00]我冇聽到妳道歉喎!! 我淨係聽到個八婆講咗句粗口~ 跟住口up up 咁話: 我好日都唔來一次台北,一來就撞到個死八婆!!!! (哦~~~~~ 原來真係妳!!!!!!!!)
     
    我緊知妳住台中啦!!   我同老公去過2次都係台北~ 不過我地好鍾意台灣,下次想去吓台灣其他地方! 下次就台中啦~~~~ 一言為定!
     
     
     

    回覆刪除
  16. 條裙妳著得好靚呀
    我細佬11月結婚到時都唔知著咩好
    [版主回覆08/20/2009 22:49:00]不如妳去我買衫個網睇吓吖? 我見妳都幾鍾意我d衫~
     
    不過佢地只送歐洲 + 英國, 但妳可以order 咗叫妳妹11月返香港時帶比妳囉!  佢地d size 好準架~ (我幫襯咗好多年,粉紅果條裙係第一次退貨!)
     
    如果妳要網址就話我知啦~~~~
     
     

    回覆刪除
  17. 講真我幾鍾意妳著既衫,可惜我冇妳咁fit,肥左好難買衫呀!
    不過我都想要個網址,唔該妳
    [版主回覆08/21/2009 02:48:00]silly~ 間online shop 唔係只賣細碼架嘛! 妳得閒去睇吓吖~ 有好多衫都好靚架! www.asos.com
     
     

    回覆刪除
  18. 個新浪哥望落幾似香港明星“關禮傑”,你知道是誰嗎?
    [版主回覆08/21/2009 20:14:00]係喎! 妳唔講我都唔覺呢~ 新郎哥係幾似"陳啟發"喎!!!
     
    我都識新郎哥,不過只見過幾次面,同佢並不相熟!
     
     

    回覆刪除
  19. 唔好嚇我啦~我應該俾個--->

    [版主回覆08/22/2009 19:11:00]或者應該比依個
     

     

    回覆刪除

Related Posts Plugin for WordPress, Blogger...