為咗平息我既怒火，weekend 去咗retail therapy......
- 先買咗個搵咗好耐既筆型電子食物溫度計~ 其實周圍都有食物溫度計賣，不過我都嫌太大! 依個筆型就合哂我心水~~~ 
- 依排成日焗麵包，麵包入焗爐前包面大都要塗蛋液 - 不過蛋液幾乎次次都用唔哂! 為咗唔想浪費，於是買咗枝噴裝蛋液，每個包包噴少少喺面就搞掂，唔洗特登打隻蛋! 
- 仲有張"Breakfast in Bed"，顏色靚靚 + 枱面比屋企用緊果張大~~
- 之前搵整麵包專用既矽膠麵糰刮，搵咗好耐都搵唔到; 後來喺屋企搵到個蛋糕忌廉刮來做代替品......點知weekend 又比我唔覺意咁搵到!!! 雖然代替品都幾好用，不過我都係忍唔到手~~~ 
- 買咗塊non stick 既糕餅墊布，準備再戰瑞士卷! 
- 之前喺John Lewis 見到有200年歷史既Mason Cash 陶瓷mxing bowl + bakeware 好靚仔，我已經流到一地口水~~~
- 雖然我有大咋食譜等住整~ 不過見到依本好正既食譜書，又忍唔住手......
我又買咗套刀嘞......不過今次既係扒刀!
我平時絕少買五顏六色既廚具~ 不過我套Oneida 有44 pieces - 頭盆叉 + 主菜叉總共已有12枝叉! 所以我唔想買套連叉既扒刀 - 再增加叉既數目; 但又好難搵可以襯到我d 叉既齋扒刀喎......(我都知我好姿整~~~ 
) 既然咁難搵襯到既扒刀，咁不如索性買套唔襯架啦!
) 既然咁難搵襯到既扒刀，咁不如索性買套唔襯架啦! 
而且又少見，夠哂特別! 
買完廚具，係時候扮靚靚嘞!
下星期二去飲，又想買條靚靚冚裙~ 不過又係睇來睇去都睇唔啱! 冚裙就仲未買，反而買咗其他新衫......
件格仔娃娃tube top 之前喺街見過人地著，當時我已經好鍾意!! 不過唔知邊度有得賣~~~ weekend 比我無意搵到......而且仲減咗價喎!!! 呵呵~~~~
之前搵緊對單粒珍珠耳環，想用來襯V媽媽送比我果串珍珠頸鍊~ 不過一直都no luck - 唔啱size 或唔啱顏色......
我條頸鍊終於可以開光嘞~~~~~
我將我既憤怒化為shopping 力量!!
weekend 血拼一場後頓感身心舒暢無比，怒火全燒~~~
retail therapy 果然有益身心!!!
retail therapy之後開心番晒啦
回覆刪除套刀好靚喎，未過咁colorful既扒刀 支噴裝蛋液真係幾方便，唔洗次次都浪費
[版主回覆08/10/2009 23:21:00]RT 對我來講 - 任何時候都好有益身心!!!
支蛋液幾得意WOR. 有齒嘅扒刀真係好用好多但我最鐘意你對珍珠耳環又簡單又高貴.
回覆刪除[版主回覆08/11/2009 02:11:00]我下次整包就會用枝蛋液，唔洗特登打隻蛋又用唔哂咁嘥~
之前見到一套扒刀個型好靚~~~ 不過我而家套oneida 係磨砂色，而果套刀係令面既，所以唯有放棄!
我本身已經都有幾對珍珠耳環，不過單粒既唔夠大; 夠大果d又係吊款......全部都襯唔到條新珍珠頸鍊! 依對就perfect 嘞!!!
見你開心返就好la Ｄ 扒刀好靚！！
回覆刪除[版主回覆08/11/2009 02:15:00]哈哈~~~~ 基本上我成日都好開心，反而要我唔開心的話，並唔係咁常見!
我一向唔用五顏六色既廚具~ 不過依套扒刀真係好特別!
見你d衫細細件的, oh! 羡慕c了!!!
回覆刪除[版主回覆08/11/2009 15:58:00]Thanks~
咦。。。個噴蛋液呢。。。係咩成份架呢? 我諗緊﹐又冇理由係真蛋。。。
回覆刪除但如果唔係﹐係化學野。。。又會唔會對身體唔好呢。。。
有時我用完會整左隻蛋食左佢唔好浪費~~~~
[版主回覆08/11/2009 15:57:00]點解你會覺得"冇理由係真蛋"? 話明係"噴裝蛋液"，當然有蛋既成份啦! 枝野成份主要係蛋 + 糖~ 包裝野係會有防腐劑，但只係用來每個包噴少少，唔係成枝渣住來對......
我都知用剩既蛋液可以食咗佢.....不過我用既蛋比較細隻，塗完包面得返一半都冇，而且又會"high"到包面既麵粉......
唔好睇少女人，你既力量都唔少呀
回覆刪除[版主回覆08/11/2009 15:42:00]我既戰鬥力一向都好高!
TK Maxx???多數賣咩架???? 我美國呢邊都有間類似名既...TJ Maxx...!!! lol 不過係主要賣衫既...@@
回覆刪除[版主回覆08/11/2009 15:41:00]TK Maxx 咪就係TJ Maxx 喺英國既分店囉! 同一間公司來架~
以前都係主要賣衫褲鞋襪，近年越來越咩都有得賣咁滯!
唔happy既野唔好諗喇,條友個blog好似delete左,咁你唔好再為依d咁既人勞氣喇!
回覆刪除我係英國時又係未去過TK Maxx,聽你介紹好正咁,有機會我都想去shopping下,同埋我大姑奶今次返黎送我1副sunglasses,佢係TK Maxx買架,我先知TK Maxx原來唔只賣廚房用品架喎!你個套扒刀真係好鬼cute呀,好唔好切架?幾錢呀?我都想搭大姑奶下次返黎幫我買返套
[版主回覆08/11/2009 15:38:00]Yahoo 正一軟皮蛇來~ 我投訴咗2次先幫我搞! 不過佢而家delete 哂我d野，我就話之佢啦~~~
TK Maxx 可以話係大型百貨Outlet! 傢俬、廚具、床上用品、化妝護膚品、衫褲鞋襪、手袋、BB用品......幾乎"up" 得出都有~ 當中有好多仲係名牌來!!!! 但價錢有時可以比原價平成70%~~~~
不過話明係Outlet 格 - 所以佢每樣貨品數量唔多，亦唔係間間店都賣同樣既貨! 而且有好多貨品只來一水，賣哂就冇架嘞~ 所以要喺TK Maxx 買好野，係要花時間喺店裡面慢慢摷，好有尋寶feel 架~~~
前排學整葡國菜...有一味甜品係需要用食物溫度計幫手既...所以我都周圍搵梗食物溫度計呀....我想要既係有120度..但我見果d都係由130度開始..激鬼死我呀.....
回覆刪除[版主回覆08/11/2009 15:25:00]吓??? 即係點呀? 由130度開始? 即係如果想量80度，就量唔到呀??? 咁怪異?????
唔好為嗰個抄人野無品人激心, 有 watermark, website嘅相都照 paste, 都唔帶腦做人, 聰明 blog 友唔會睇佢, 終歸收檔
回覆刪除7彩刀刀好靚呀, 鋸件扒都好味啲
[版主回覆08/11/2009 15:24:00]shopping 完咪唔激囉! 就係因為有哂watermark，佢仲咁明目張膽copy & paste 話係自己野; 叫佢delete 又睬我有味........完全當我死既! (當我死我就興嘞!!!)
妳去Yahoo 投訴佢啦! 我投訴咗2次，佢今日delete 哂我d野嘞，不過抄襲你地果d仲喺度呀! 今日佢個blog 已有200幾views，可能佢好enjoy 咁多人去探佢架~~~
尋晚急不及待幫d扒刀開光 - 真係好好用!
我噚日已經投訴左啦, 而家已經成個 blog 都 delete 左啦!!
回覆刪除[版主回覆08/11/2009 17:25:00]佢只delete 有人投訴佢果d，其他網友唔知 / 冇投訴佢果d，佢就郁都唔郁任人鬧佢! 真正不知所謂 !!!!
套刀好令唷...
回覆刪除[版主回覆08/11/2009 19:26:00]仲好好用呢 - 尋晚忍唔住試用(又食扒~)，好好切!
真係好鬼鍾意睇你個~： ♡V Shop乜鬼Ping 成日都買到正嘢!!
回覆刪除我見有d人問你支蛋液係咩嚟?係咪真???
我想同佢地講你買支蛋液應該唔係大陸嘢!!相信係真嘅!!嘻嘻~~
[版主回覆08/11/2009 19:44:00]我鍾意周圍"共"，搵d新奇 + 平又正既野 - 一定要平! 不過亦一定要質素好喎!! 貴野只要有錢就買到; 但又平又質素好既野，唔係個個人都識揀 / 買! 哇哈哈~~~~~
我唸有網友未見過枝蛋液，想清楚知道有咩成份啫! (我都係第一次見~ 咁我又有用所以買咗!) 枝蛋液原產地係法國~~
嘩!未見過咁靚嘅刀
回覆刪除我認起佢哋!
[版主回覆08/12/2009 01:53:00]哈哈~~~~ 又確係幾襯喎! 依套杯年幾兩年前喺英國換過嘞~ 當時我都想換，不過老公同我講咗句: 乜妳用五顏六色既廚具既咩?
咁我就打消咗依個念頭~~~~
你D 刀好靚..初初LOAD 入黎,仲以為你澈到要買刀,,隊個個人..
回覆刪除套刀係邊有得買,幾錢度呀!
[版主回覆08/12/2009 02:56:00]哈哈~~~~~ 佢已經delete 哂我既野，我亦唔想隊污糟我d刀~ 不過我屋企d刀，的多到可以租比古惑仔開片!
http://hk.myblog.yahoo.com/veronicams_tsim/article?mid=11959
http://hk.myblog.yahoo.com/veronicams_tsim/article?mid=17096
你初次來訪，所以仲未知道我住英國呀呢? 套刀圍起港紙只係百零蚊~~~
好鐘意你套扒刀, 好靚 . 未見過噴裝蛋液, 好特別, 我平時做蛋糕, 都成日用剩 d蛋漿, 都覺得好浪費. 下次都出去找一下是否有得賣.
回覆刪除我都幾鍾意你下面那兩件. 好靚! 下次著來看下. 我想一定好靚.
[版主回覆08/12/2009 15:55:00]我都係第一次見噴裝蛋液咋! 唸住一陣試用~ 套刀除咗靚之外，鋸扒真係一流!!! 正~~~~~~
我星期日已心急著咗件娃娃裝嘞~ 真係好鬼鍾意~~~~ 搵人著埋另外果件影吓相比大家睇! (尋日上網又買咗2條裙..... )
嘩..你開武館都可以啦!
回覆刪除[版主回覆08/12/2009 15:51:00] 乜武館有教授耍菜刀既咩?
開個新門派.就有嫁啦.!!
回覆刪除[版主回覆08/12/2009 17:02:00]好! 一於叫"小V飛刀"啦!!
開個新門派.就有嫁啦.!!
回覆刪除套扒刀好靚呀！最鍾意紫色
回覆刪除[版主回覆08/12/2009 17:42:00]我最鍾意姣婆粉紅~~~~
E..你D刀咁靚..我搵定野黎接刀啦..
回覆刪除[版主回覆08/13/2009 00:53:00]
我有咁多貨.....你接得幾多把呀?
套扒刀真係好靚呀！最衰香港係冇呢D 咁靓嘅 kitchenware 賣 !!
回覆刪除[版主回覆08/14/2009 00:12:00]我唸香港未必無既! 可能香港太多選擇，花多眼亂所以唔多覺眼既啫~~~
好鍾意套戶刀呀, 好靚啊...
回覆刪除支噴裝蛋液好用嗎?
[版主回覆10/18/2010 05:58:00]我都好鍾意套扒刀!
支蛋液麻麻地~ 都係用返鮮蛋好d!