2009年8月12日星期三

唔方既方包 & 失手菠蘿包


焗咗幾次甜麵包,今次試試鹹方包!

_342.gif picture by veronica_tsim 今次做既鹹方包,分別用咗2本唔同麵包書: <香港麵包>既材料 + 份量; 但做法就係跟<專業麵包甜品製作>~

1. 高筋麵粉448g, 糖56g, 即用酵母7g, 牛油或豬油42g, 暖水250ml, 牛奶62.5ml, 鹽9.5g, 麵包改良劑4g~ 將所有材料在盆中混合拌勻。

2. 將麵糰放在撒粉的平面上搓揉。

3. 將麵糰搓揉至麵糰光滑,有彈性而不黏手為準。

4. 將麵糰放在塗油大碗中,蓋上保鮮紙發酵。

5. 發酵至2.5至3倍大。

6. 取出麵糰,將麵糰4邊各向中央摺一下,蓋上保鮮紙靜置發酵10至15分鐘。

7. 將麵糰拉長 + 壓扁,由上而下捲實。

8. 將麵糰尾部拉爛,再往下捲 + 收口 (捲至如相中的模樣~); 方包箱內層塗油,放入捲好的麵糰進行第三次發酵至2.5至3倍大。

 9. 在包面塗上蛋液,放入已預熱焗爐170C,烤焗25至30分鐘至表面金黃即成。


焗後檢討:

尋晚同網友討論過焗方包~ 對方問我有冇一個叫做"頂角方包盆" - 係有蓋既! 我連見都無見過,而且英國應該無得賣.......所以我只用一般方包盆~

 雖然係方包,但完全唔方! 罪恢禍首當然係個方包盆啦 - 佢太大個!!!! 下次要增加材料份量,或者用個細d既方包盆~~~~

 再加上我最後造型唔夠均勻,焗出來一邊高一邊低! 隆胸手術失敗咁既款......
_364.gif picture by veronica_tsim不過幸好麵包非常鬆軟可口!!!
_1856.gif picture by veronica_tsim 老公放工返來時,麵包已涼咗,但仍然軟綿綿~~~~ 老公話係佢食過最好味既方包!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

另外焗咗盆樣衰菠蘿包.........

 今次聽網友建議改用豬油來搓皮,點知焗出來既包包好鬼燶......

不過未必關豬油既事~ 因為好可能係我今次用咗新買既噴裝蛋液!!!!!

P.S. 打算買噴裝蛋液既網友hold 住!!!!!_1504.gif picture by veronica_tsim 等我試多一次,証實一下依枝野既效果先好行動啊~~~

 



22 則留言:

  1. 好得喎!擺出街賣都掂!
    [版主回覆08/13/2009 05:06:00]唔洗安慰我嘞~~~  大細邊 + 唔方既方包; 黑忟忟既菠蘿包......唔洗錢都賣唔出!
     
     
     
     

    回覆刪除
  2. 咁至有特色!其他地方一定買唔到!
    [版主回覆08/13/2009 17:05:00]now you're making fun of me.........
     
     

    回覆刪除
  3. citysuper見到有蓋既方包盤,同冇蓋既方包盤,兩款都係正方形,焗出黎應該會靚仔啲
     
    個菠蘿包真係黑咗啲,如果食落冇燶味,都冇所謂啦
     
    尋晚我個包真係唔得,衰咗
    [版主回覆08/13/2009 17:03:00]今次我用太少材料,依個盒既size 應該要用double 依個份量,咁個包就冇咁矮嘞!
     
    今次d菠蘿包,唔知關豬油定噴裝蛋液事呢??
     
     

    回覆刪除
  4. 我都正想係二記買呢個:
    http://www.twinsco.com/GenProduct.php?pdtcode=635061
    [版主回覆08/13/2009 16:58:00]睇唔到條link啊! 有冇相呀?
     
     

    回覆刪除
  5. 你好呀, 初來報到. 你個BLOG好多野睇. 我已睇左一日. 當然仲未睇晒. 繼續努力, 我都岩岩學緊整包包, 你話頂角盒. 我唸又要V媽出動幫你寄過來至得啦. HAHA
    [版主回覆08/13/2009 16:55:00]歡迎妳~
     
    我係麵包超新手來架! 多多指教~
     
    今次依個頂角麵包盆,V媽媽係唔會幫我賣架! 因為一V媽媽唔焗麵包蛋糕,叫佢去搵一樣佢唔熟悉既野,佢會睬我都傻; 二好似二記依類要上樓既店,唔洗預佢!
     
     

    回覆刪除
  6. 焗出來一邊高一邊低! 隆胸手術失敗咁既款......      填form都填到死死吓,機位又無,近幾日都無心情,不過睇到你咁寫...笑死我!!!
    [版主回覆08/13/2009 16:48:00]交咗表未呀? 決定咗幾時過來未?
     
     

    回覆刪除
  7. 我唔識insert pic., 不過妳去二記個網, 搵蛋糕模就見喇.
    [版主回覆08/13/2009 17:19:00]我唸唔關條link 事,應該係二記個網update 緊暫時睇唔到!
     
     

    回覆刪除
  8. 我都係超新手, 今日至整第七款包包, 係人生中第七次咋. 如你有時間可以睇我個BLOG : ) 如果你真係有需要. 幫你買寄比你啦. 有需要出聲 :)
    [版主回覆08/13/2009 20:12:00]好呀~ 我一陣過去睇,大家多d交流心得,先會有進步嘛!
     
    其實如果我麵糰造型造好d + 多d材料 / 用細個d既loaf tin,焗出來個形狀應該會靚好多~
     
    妳真係太客氣嘞! 咁我唔客氣架嘞~ 如果我真係有需要,我搵妳幫手架嘞!
     
     

    回覆刪除
  9. 菠蘿包一定係曬黑左
    [版主回覆08/13/2009 21:29:00]依隻"太陽油"(豬油)好似唔多掂!
     
     

    回覆刪除
  10. 其實今次都唔算係你失手,只係豬油又或者係支噴裝蛋液累事
    [版主回覆08/14/2009 00:40:00]我老公話好食喎......咪由佢搞掂囉! 呵呵~~~~~
     
    去美食展有冇食蠔?????
     
     

    回覆刪除
  11. 二記要9月先有堂比我學下咩叫跟姓
    我搵到有間冇咁出名o既...隨時都有堂
    e+掙扎緊XD
    [版主回覆08/14/2009 01:03:00]其實我唸二記之所以咁出名,係因為討論區多人講啫~ 我都係因為咁先識二記既.......
     
    睇吓妳有幾心急啦~ 如果我好好好心急既話,唔出名我都照去,當攞多個經驗都好! e.g. 雖則佢唔夠二記出名,但佢地開得班教人,應該會係專業既! 如果當場焗唔出個包包,點同妳地交代呀???
     
     

    回覆刪除
  12. 蠔? 冇喎,唔覺有熟蠔喎,不過食咗鴻星鮑魚
    [版主回覆08/14/2009 01:00:00]我睇報紙話美食展開萬隻蠔比市民任食喎!!!! 妳執輸呀??? 不過鴻星鮑魚仲正~~~~
     
     

    回覆刪除
  13. 聽日即刻帶電話去睇下最快幾時有堂先
    過幾日諗住試下跟你整蛋撻
     
    [版主回覆08/14/2009 02:06:00]上完堂過d貼士心得比大家吖!
     
    好呀~ 妳整蛋撻吖! 整完記得話我知,等我去欣賞妳作品喎!
     
     

    回覆刪除
  14. Not bad wo! 繼續努力
    [版主回覆08/14/2009 15:44:00]thanks very much! 唸住一陣再整過方包今晚食~ 今次會搓大舊d麵糰,希望今次個型會靚仔!
     
     

    回覆刪除
  15. haha...已經報左二十號3.去學整包...
    超正啊..比你簡日期...時間
    [版主回覆08/14/2009 15:37:00]咁正有時間揀~~~~ 係咪第一次搓包呀? 如果可以影相既話,影個成品來睇吓吖!
     
     
     

    回覆刪除
  16. 有啲咁既事,我冇睇報紙呀,真係執輸添,鮑魚要比錢架嘛,早知有蠔食唔買鮑魚啦
    [版主回覆08/14/2009 15:36:00]尋日妳同我講話冇食蠔,又話冇見到有.........我仲以為之前自己眼花睇錯!
     
    後來夜d再睇Yahoo 主頁新聞提要 - 真係有喎!!!! (不過由於冇我份食,所以我冇click 入去睇內容.......)
     
     

    回覆刪除
  17. 我copy左二記張相, paste比你睇丫~
    [版主回覆08/14/2009 15:28:00]oh thanks! 妳真抵鍚~~~~  因為唔知點解我到依家仍然睇唔到二記個網??? 依個真係幾好喎!
     
    我唸住一陣再焗過方包! 果日應該唔夠材料,今日再焗睇吓會唔會靚仔d先!
     
     
     

    回覆刪除
  18. hohoho~~ 唔洗客氣~~ 你果邊唔通block左某d大陸網站, 順便block埋香港既網???? (因為我知道大陸會block外地既網, 但掉返轉我就唔知啦~~) 嘻嘻~ 搞到我今晚都想整包呀~ 但係聽日老公唔洗返工, 都係等星期日先整啦~~
    [版主回覆08/14/2009 18:56:00]冇呀! 如果英國block 咗香港網,我點上YBlog 呀???  
     
    係呀~ 我有網友喺上海之前本來睇到我Blog 架! 後來佢冇入來一段時間,跟住佢跟老公出trip 去香港,先再留言話我知大陸block 咗外地網站! 不過佢老公遲吓會調返去香港,到時會再入來~~~~
     
    我唸緊今日焗麵包定weekend 先焗.....因為如果今日焗係今晚食~ 但我又想今晚食麥當當換可樂杯!
     
     

    回覆刪除
  19. 唔止呀,尋晚睇TVB新聞,原來安記有鮑魚試食添,我地又見唔到,所以我媽咪頭先先講"話帶住依兩隻野去,咪好野都見唔到"
    [版主回覆08/14/2009 18:51:00]妳媽咪為咗安記鮑魚,賴彤彤 + 細細入佢地數!  (講笑~~~)
     
     
     
     

    回覆刪除
  20. 請問「 3. 將麵糰搓揉至麵糰光滑,有彈性而不黏手為準。」 大約要揉多少時間呢?
    [版主回覆08/14/2009 18:49:00]時間好難話得埋喎! e.g. 我d麵包書全部都冇講要搓幾耐~
     
    以我個人經驗,我覺得唔同牌子麵粉、每人手勢 + 搓包經驗、工具......都會影響搓包時間! 我而家大約用15至20分鐘 - 不過係先用電動打蛋電器既麵糰勾打到冇咁黏手先改用手搓喎! 如果齋用手應該要更耐~~~
     
     

    回覆刪除
  21. 係ar
    我未搓過包
    btw,
    d人話二記個隻質地好差嫁!
    [版主回覆08/15/2009 03:10:00]咁妳去上堂時一定會覺得好有新鮮感! enjoy it~
     
    係呀? 我2個都冇見過實物~ 不過我唸應該冇乜所謂啩? 最緊要個成品啫! 今日太懶冇再焗包,我唸最快要下星期先再試過方包.......
     

    回覆刪除
  22. 今日係citysuper見到我比相你睇個個
    不過佢賣108..個到95
    原來好細個嫁炸!佢話個面包焗出o黎係0.5kg
    有隻大d不過要140
    好鬼貴
    [版主回覆08/16/2009 01:45:00]CitySuper d 野係貴d架嘞!
    不過都唔算相差太遠......
     
     

    回覆刪除

Related Posts Plugin for WordPress, Blogger...