哈哈~~~~ 睇來老公真係好鍾意食我整既麵包!!
於是今日一次過整2個唔同既麵包比佢歎 - 牛油排包 & "日本麵包2號"!上次整既牛油排包，有網友指出覺得個皮太燶~ 雖然第二朝麵包裡面仍然好軟熟，不過我都覺得個皮真係好乾! 今日我再整排包時，就唸辦法改善~~~~
我一直都懷疑自己個焗爐太熱 - 我照住麵包書既食譜用200C焗10-15分鐘，不過焗10分鐘已經好乾好深色! 所以今次我改用180C焗15分鐘......
今次既排包除咗搞掂咗乾燶皮既問題之外，質感方面同樣進步咗好多! 因為我今次又用咗新麵粉......
雖然我覺得之前用既Carrs 高筋粉唔錯，不過我想試多幾個牌子，從中搵出自己覺得最好食 + 最好用既高筋粉!
依隻Hovis 仲正過Carrs!!!
搓粉時 + 食時都感覺到有好大好大分別......- 搓粉時第一時間感覺到粉質比一般高筋粉幼細軟滑好多! 雖然冇Carrs 咁易搓起筋性，不過仍然比Tesco 易搓;
- 麵糰發酵發得好好! 依個排包總共要發酵3次，每次都發得好靚! 脹卜卜~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
今日除咗整咗牛油排包之外，仲整咗個"日本麵包2號"......
如果有睇過卡通片"日式麵包王"，應該會知道"日本麵包2號"係乜 - 就係"電飯煲麵包"嘞!!!
喺網上追緊"日式麵包王"既老公，尋日睇到一集真人示範用電飯煲來焗麵包......
不過我都唔知究竟成功定唔成功?
因為焗出來個樣唔夠示範果個靚......
不過味道唔錯 + 好彈牙!! 但我覺得似冇咁乾既西式麵包多過日式麵包......但好可能係我既問題 - 因為我心急，搓粉時未搓得光滑，我就攞咗去發酵!
依集"日式麵包王"有step by step 既過程，有興趣既網友可以跟住試吓整! (由06:55開始~)
香港冇見過Hovis既麵粉，淨係買過佢既酵母咋
回覆刪除我有本麵包書叫"電飯煲麵包One Touch輕鬆做"，裡面用既電飯煲係有麵包發酵烘焙既功能，所以唔會好似你整嗰陣咁會跳去保溫，同埋佢係用埋電飯煲黎發酵，同"日式麵包王"講既有啲唔同，所以製成品係底部金黃，面仲係白雪雪
我簡單寫一寫書上面既內容比你參考下，本書上面寫：第一次發酵係 按下保溫5分鐘，關掉開關靜置55分鐘 ；跟住滾圓；醒麵10分鐘；成形再第二次發酵， 按下保溫制10分鐘，關掉開關靜置15分鐘 ；按下煮飯制直到開關跳起， 如果中途跳制，則再次按下煮飯鍵 (以3次為準)，使烘焙時間合計達50分鐘 ，如果電飯煲有麵包烘焙功能，則將烘焙時間設定為35分鐘
好鬼長氣添
[版主回覆07/31/2009 03:57:00]Hovis 係baking 大牌子來，如果香港買到佢既酵母，應該都會有佢既麵粉喎! 妳不如試吓去ThreeSixty 果類既西式超市搵吓吖~~~~
妳睇我個飯煲都知係冇烘焙功能架啦! 我唸日式麵包王果個都應該冇!!!??!?? (佢都冇講話有!!! 佢淨係話電飯煲之嘛~~~) 雖然我跟足日式麵包王去做，不過我果個個面都係白色架 - 我反轉咗來影相之嘛~~~~ 我唸住過幾日再試多次 - 今次要用Hovis 麵粉 + 搓勻先發酵!
Hi, I tried to make the butter bread today but I just wonder did you melt the yeast before mixing? I am still waiting the flour to rise. This is my first tried. Hopefully, it woud be fine.
回覆刪除Also, I just found hkbookcity has your cook book in stock now. I just placed the order. Yeah
[版主回覆07/31/2009 16:34:00]glad to hear that you finally found the book! hope you'll enjoy it~~~
re your question - no i dont melt the yeast, cos i use fast action dried yeast~ it can be added to the flour directly.
hope your bread turn up great!
YEAH~~ 我終於成功做到第一個軟棉棉又好食既包啦~~ 多謝你呀vca~~ 我尋晚幫老公整完佢d notes(執下圖咁啦), 半夜成點幾先開始整, 估唔到原來自己搓粉係咁快就搓好, 早知之前整果d就咪鬼用個麵包機啦!! side晒我d時間心機金錢! 我用香港大部份超市都有得賣既金像牌(大概咁上下啦0_o), 都幾好搓喎~ 約10分鐘就已經開始光滑, 不過我一邊搓一邊沾少少粉係手, 唔豬關唔關事呢? 多謝你比個咁好既食譜呀~~ 不過我覺得牛油味冇街買d咁勁, 但就好夠香~~ 哈哈~~
回覆刪除[版主回覆07/31/2009 16:23:00]妳整咗嘞~ 有冇post 出來呀? 等我一陣過去八吓~~~~
其實我覺得而家有好多廚房家電根本唔係必需，只係求個方便 + 縮短煮野時間! e.g. 豆漿機、雪糕機、麵包機......以前冇依d機咪又一樣整到!
妳應該有電動打蛋器? 比個小小貼士妳 - 先用電動打蛋器既麵糰勾(妳果個應該會有啩????)將材料搞成一糰後，先改用手搓麵糰，咁搓出來既麵糰會更靚!
唔洗多謝我~ 我都係跟書整之嘛! 整咗覺得好食咪同大家share 囉~~~~
最近好忙, 好少過來坐, 見你好努做麵包, 令我都好想做. 繼續加油吧!
回覆刪除[版主回覆08/01/2009 18:02:00]係呀~ 一焗開就上咗癮! 襯記憶尤新，練好d技巧嘛~~~
妳忙完都開工焗包吖!
睇完妳整的排包好正呀 ,所以我今日買齊所有材料,決定今晚就試下,但未整前想請教妳一些問題 (我第一次整,咩都唔識,希望妳唔好嫌我煩 )
回覆刪除1)發酵通常要用幾耐時間?有沒有温度的限制?
2)如果我用夜晚時間做發酵會唔會太長?
3)想問是否用牛油塗在盆/碗上,最後在包上塗上的蛋液是蛋白 / 蛋黃 ?
希望妳今晚可以覆到我啦!!
Many thanks!
[版主回覆08/02/2009 05:43:00]唔好意思呀~~~ 今日我去街去足一日，而家先睇到妳留言! 我weekend 通常少d上網架! 要陪老公嘛~~~
1) 有好多因素會影響發酵時間架! e.g. 溫度、濕度、搓粉搓得均唔均勻.....有時如果溫度太高 / 發酵時間過長，麵糰可能會變酸架! 最近英國得20C左右，所以我發酵麵糰時，會將麵糰用保鮮紙包好，另外裝一碗熱水，一齊放入冇開火既焗爐內，約1個鐘頭後check 吓，如果發大到2.5至3倍原來size 就可以架嘞~
2) 發酵過夜太長時間嘞!!!!!!
3) 我係用菜油(即無味油)來塗玻璃碗 + 焗盆，煮餸用既粟米油都可以，主要係另粉糰 / 包唔痴底啫! 最後塗上包係蛋白 + 蛋黃打勻既蛋液! 我整排包既食譜，搓粉糰時只加半隻蛋既份量，都係打勻咗既蛋液~ 剩返既一半蛋液，咪啱啱好用來塗喺包上囉!
咪傻~ 我點會嫌妳煩啫? 大家交流心得嘛! 希望唔會答得妳太遲 + 幫到妳啦! good luck with your bread~~~
好多謝妳的回覆,因為我實在無信心做到,所以都係等埋妳先開始做,真係好彩!今朝準備所有材料時先發覺唔夠牛油,一陣出去再買,順便問下"吉士粉"係咩黎架?"即用酵母"同"麵包改良劑"係咪好容易買到呢?
回覆刪除Thanks!!
[版主回覆08/02/2009 16:56:00]吉士粉 = custard powder，其實係一種加咗香料 + 色既粟粉，常用於製造甜品糕餅e.g. 蛋撻裡面既蛋水就要用吉士粉~ 做排包加吉士粉，會令成品顏色黃d，睇落靚d!
即用酵母應該好易買! 妳要睇清楚包裝上既使用說明 - 直接加入麵粉裡面 (即唔需要先開水!)，咁就啱架嘞! 英文係(fast action dried yeast)~
麵包改良劑既作用其實係令麵包更柔軟，可用可不用! 我之前整菠蘿包 + 腸仔包先有用; 依個排包食譜就冇用，不過一樣好軟熟! 但如果妳真係想買，"二德惠"有得賣，我果包都係返香港時喺二德惠買既!
多謝妳的解答呀!妳真係好,去完街都仲抽時間答我問題,thanks!!
回覆刪除我終於整左喇,但好可惜係失敗 ,唔...其實又不致於完全失敗,因為我試過味道係ok架,只不過唔夠柔軟,而且有d實,我想問下我邊個程序出錯??
1)唔知係咪我用錯酵母,因為我買左"active dried yeast",係咪呢隻酵母要用水開左先落入麵粉到撈呢?
2)我第一次發酵用左大約2個鐘,當我揭開聞下覺得有d酸味,唔知係咪時間太耐呢?定係溫度的問題?
3)我用高鈣奶加熱後待暖,我估呢個程序無問題卦,咁係咪我搓得唔好呢?定係我第二次發酵得唔夠耐所以無咁軟熟(大約1個鐘)?
4)最後的製成品我就覺得個皮比較硬,內裏就實左d,外形又唔係好似妳的咁大,唉~真係R哂頭????
[版主回覆08/03/2009 04:05:00]唔洗客氣~ 我通常去完街返到屋企都會開電腦睇香港新聞既，而且我會盡量回覆每個回應!
1) 妳依隻"active dried yeast"應該係要先用暖水開勻，活化咗酵母菌先架! 我都有一樽，不過我用過一次，發覺好難控制水份量，所以我後來買返即用酵母! (btw 個packing 有冇用法指引?)
2) 我唔肯定妳指既酸味係咪真係酸味喎~ 一來我未試過麵糰發酵完有異味; 二來以我理解 - 麵糰發酸係變壞咗既跡象~ 以香港既天氣 + 氣溫發酵麵包，我真係唔太清楚! 咁妳個麵糰有冇發大到?
3) 其實用暖奶搓麵糰，原因係唔想凍奶溫度阻礙酵母效果，影響 發酵~ 所以其實奶係唔需要先完全加熱後待暖架! 我既做法係將牛奶放入微波爐叮20秒左右，取出時用手指測試，有少少暖暖地就OK架嘞!
4) 成品皮硬 - 好可能係焗時溫度太高~ 個皮係咪好深色? 我第一個成品都有依個問題! 所以經改良後既排包，其實係我自己將焗既溫度調較低咗(麵包書原食譜用200C，我改用180C~) 仲有我唔知妳用邊種焗爐呢? 我用既係一大座果種，我會將包放喺中間果層~ 如果妳既焗爐只得一層既話，我唸妳要自己預溫度比較好!
至於妳話包裡面實 + 唔似我個咁大~ 依個應該係發酵發得唔夠! (睇返(1)，好可能係酵母用法錯誤嘞!) anyway, 因為我都係麵包新手，所以(4) 依part，我都係根據自己暫時既經驗來估計~ 我會suggest 妳買過可以直接加入麵粉既即用酵母，試多幾次一定得! 加油~~~~
真係好易整又得意喎, 不過真係要用好長時間呀, 想整多幾個俾人都唔得。
回覆刪除[版主回覆08/03/2009 03:43:00]我覺得"日本麵包2號"自己整來玩吓or 整來食西餐就幾好~ 整來送比人既話，我覺得整港式麵包好d! 因為"日本麵包2號"其實只係普通鹹方包差唔多，而且口感味道比較西化，唔係個個人都鍾意~~~
妳將"麵糰用保鮮紙包好，另外裝一碗熱水，一齊放入冇開火既焗爐內"
回覆刪除我想問點解要放一碗熱水? 其實有乜作用呢?
[版主回覆08/04/2009 17:54:00]放一碗熱水，水蒸氣會令焗爐內部暖d，幫助發酵 - 依個係方法，要視乎天氣幾多度e.g. 好似香港咁3X度就緊係唔洗咁啦! 我 依度而家天氣得20度左右，又或者冬天天氣凍時都可以用依個方法~~~
今次妳 將麵糰 發酵咗 三次:
回覆刪除第一次: 將麵糰放在塗油大碗中，蓋上保鮮紙進行發酵.
第二次: 將麵糰收口位向下，排好造型放在己塗油的焗盆上，再蓋上保鮮紙進行第二次發酵至3倍大小.
咁第三次發酵係點架? 因為第二次已經將麵糰排好造型, 直至發酵至3倍大小, 跟住我就唔知點樣可以發多一次喇.
[版主回覆08/04/2009 18:06:00]發酵咗2次之嘛!
我唸妳所指既第二次發酵，係麵糰第一次發酵後，分割好等份蓋上保鮮紙鬆弛10分鐘?
鬆弛10分鐘，先排好造型，然後就第二次發酵囉! 發完就焗得架嘞!
哈哈......啱啱我再番睇短片, 發現原來我抄錯咗牛奶嘅分量, 我落咗350cc呀, 原來係35cc呀!
回覆刪除[版主回覆08/08/2009 02:55:00]咁......妳有冇整到呀?
我跟妳個食譜整咗喇, Yummy Yummy ! Thanks !
回覆刪除原本畀我想像中容易, 我見好多人用老麵加入新麵團, 話過咗兩三日仍軟綿綿, 下次我又整定一d老麵先.
我都有upload 上我個blog,呀, 歡迎妳畀d意見!!
[版主回覆08/08/2009 02:57:00]唔洗客氣!
請問咩叫做"老麵"? 加來做咩?? 最近我整咗咁多次麵包，全部唔夠48小時就食哂.....麵包始終係新鮮既最好食!
好呀~ 一陣過去睇~~~
我跟妳個食譜整咗喇, Yummy Yummy ! Thanks !
回覆刪除原本畀我想像中容易, 我見好多人用老麵加入新麵團, 話過咗兩三日仍軟綿綿, 下次我又整定一d老麵先.
我都有upload 上我個blog,呀, 歡迎妳畀d意見!!
老麵可以參考以下呢個blog:
回覆刪除http://hk.myblog.yahoo.com/apleichausally/article?mid=2532
[版主回覆08/08/2009 18:38:00]Thanks very much!
第一次落錯咗牛奶分量, 所以衰咗, 第二日我再整, 不過第二次發酵後, 應該要按電飯煲制, 但因個電飯煲夠鐘要用嚟煮飯, 所以我將發酵成功嘅麵粉倒咗去另一個碗到, 點知一倒, 成個包縮番水, 走曬氣咁, 咁我等個電飯煲再用得時再發酵過再焗, 焗到出嚟, 但就發酵得唔脹, 所以食落唔軟熟, 硬咗啲囉, 有啲似法國包咁。
回覆刪除[版主回覆08/09/2009 17:42:00]過度發酵既麵包，係焗咗都升唔起架!
日本麵包2號需時幾個鐘頭，下次妳早d整嘞~
我睇到你有個blog友留言俾你話佢搓麵粉只需十分鐘就光滑, 我唔知佢係講緊排包定電飯煲包呢? 點解我要搓咁耐嘅, 會唔會我啲高筋粉唔夠靚呢?
回覆刪除仲想問咩叫做幫個包鬆弛呀? 點鬆架?
[版主回覆08/12/2009 15:24:00]搓咩麵包粉糰都係要搓到光滑為止~ 至於要搓幾耐就有好多唔同因素e.g. 唔同牌子麵粉筋性唔同、手勢、力度......都會影響需要搓粉既時間!
至於鬆弛，其實只係好似將麵糰發酵咁 - 用保鮮紙蓋住靜置一陣~
即用酵母 英文 係 ?
回覆刪除[版主回覆01/28/2010 23:04:00]fast action dried yeast~
捲至尾將麵糰尾部拉爛，再往下捲 + 收口向下 <--- 點樣拉爛？ 同埋點解要拉爛？ 我想聽日試下整。。。唔知成唔成功呢？ 我都有睇日式面包王， 超搞笑呀！
回覆刪除[版主回覆04/11/2010 18:11:00]拉爛既意思係將麵糰尾部"泥"落搓粉板上再拉薄~ 拉薄咗既尾部收底會容易好多 + 靚好多!
整完貼上來分享吓喎~
Thanks 您個食譜超讚！ 唔好話分享啦。。。我都係抄您食譜整jar mei 。。。 牛油我用STOKE 牌黎整，不過我覺得牛油味唔夠重呢？！ 想問您用邊隻牛油架？
回覆刪除[版主回覆04/12/2010 19:41:00]唔洗客氣~ Stoke 係植物油來架! 緊係唔香啦! 整依個一定要用真牛油!!!
I'm making this today! Brought a new KitchenAid yesterday, decided to use this recipe to test out my new toy... the dough is rising in the oven now. Hopefully it'll be good :)
回覆刪除[版主回覆06/20/2011 07:08:00]how did it turn out?
ive read reviews abt KA which say that they're good for making cakes, but just so so for making bread dough.
我最近才看見你的blog~ 我個面團成功了 ~但它發不大~我想是yeast出事=.=" 我找不到fast action yeast~~ 我人在usa, instant yeast 是米一樣?
回覆刪除[版主回覆08/17/2011 18:39:00]妳好未來!
無錯~ fast action yeast = instant yeast!
妳可以試多幾個唔同牌子既instant yeast 呀，我發現唔同牌子既instant yeast，效果真係有分別架!
我啱先整左。。不過發得唔夠大。。請問你用邊隻YEAST 呀？？
回覆刪除[版主回覆08/25/2011 20:08:00]我用Asda or Tesco 自家出品既牌子咋!
發得唔夠大其實可以有好多原因! e.g. 搓粉唔夠; 發酵時間、溫度.....試多幾次就會掌握到架嘞~