我除咗鍾意睇書，仲因為我鍾意煮野食，所以我都好鍾意睇食譜書~~~ 
就算一道我已經學識咗煮既菜，我都好有興趣睇吓其他人既煮法，比較吓同自己既煮法有乜唔同，睇吓有咩地方可以改善，所以我屋企都有幾多食譜書~ 而我最弱果環 - baking，就有6本麵包蛋糕書......
我會上網買好多書，甚至小菜食譜都有......但唯獨麵包蛋糕書我一定唔會上網買，買前我一定先要立過內容先決定買唔買~ 因為對烘焙仍然超新手既我覺得 - 自己唔熟悉烘焙方面知識，所以更加要小心選擇適合自己程度用既麵包蛋糕書; 加上我鍾意港式麵包蛋糕，所以我多數會襯返香港時先會買烘焙食譜書! 
依本書全部都係甜到死既英式蛋糕食譜，不過書裡面有介紹英式蛋糕既歷史，我覺得幾有趣; 而且當中教授既技巧都可以作為參考~ 所以我一直keep 住依本書!
所以我到而家都冇整過依本書裡面任何食譜......
Once again - 不過裡面就有好詳盡既香港蛋糕發展史，而且依本書既蛋糕造型好靚，可以參考裡面教授既技巧 + 蛋糕既造~~~
雖然我比較鍾情口感柔軟既港式 / 日式麵包，但我都好有興趣學整西式麵包; 不過西式麵包口感比港式 / 日式麵包乾硬粗糙 - 依點我唔多欣賞!!!
日本人一向注重麵包柔軟度，所以我覺得依本書裡面既西方麵包食譜，可能會加入日式麵包技巧 + 配方，令造出來既西式麵包冇咁乾硬......至於係咪咁，就要我試吓先知嘞! 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
亞洲麵包 VS 歐洲麵包
點解西式麵包對我地亞洲人來講口感咁乾硬呢?
早喺我開始玩麵包之前，老公已開始上網追睇"日式麵包王 - Yakitate Japan" (台譯"烘焙王")! 我冇同老公一齊集集追，只係間中睇一兩集......
尋日老公咁啱睇到一集，當中就有提到 - 點解西式既麵包，比起日式麵包會又乾又硬?
根據"日式麵包王"既解釋 - 係因為東方人口水分泌比西方人少~ 所以我地會覺得西式麵包好乾硬! 
雖然只係一套卡通片，不過我覺得依個理論幾make sense!
亦可以解釋到點解西式蛋糕全部都又cream 又jam 甜死人 - 因為佢地多口水，所以怕"溝"淡哂味道!!!?!??!?
亦可以解釋到點解西式蛋糕全部都又cream 又jam 甜死人 - 因為佢地多口水，所以怕"溝"淡哂味道!!!?!??!? 
我就係見你整麵包跟住本"香港麵包"黎整, 所以今次書展一見到呢本書就買左, 希望可以好似你整得咁靚咁好味啦~~ 不過我仲未開始試整
回覆刪除[版主回覆07/29/2009 01:00:00]我本係舊年11月返香港時買既，不過上個禮拜先開工呢!
一整開妳就會發現好快會上癮 - 好似我咁今日又整包! 快d開工整啦~ 希望妳會enjoy 本書!
哈哈~~我好同意西人口水多. 無聊話題又多.
回覆刪除Between, Your cooking book has no stock from online store. Very disappointed.
I might have to get it when I back to HK. Have to wait.
[版主回覆07/29/2009 19:16:00]哈哈~~~ 我唸日式麵包王係指西人身理上口水分泌多! 我認識既鬼仔鬼妹朋友，我覺得佢地係talkactive + funny!
which online bookstore did you check? maybe you can email them, see whether they can get it for you or not!
我都有ultimate cake 這本書呢, 是多年前朋友知我鍾意整蛋糕送的, 可惜我從未跟這本書整過, 因為見他的材料成份已怕怕了.都係得閒時拎出嚟睇下d整蛋糕技巧.
回覆刪除[版主回覆07/30/2009 15:10:00]我都覺得裡面既蛋糕材料份量好恐怖......咁多年來我只跟過一次來整生日蛋糕(失敗咗!)，不過都只係個蛋糕心，外面又cream 又jam 真係頂唔順~~~~~
I've checked yesasia and hkbookscity; both of them have no stock.
回覆刪除[版主回覆07/30/2009 15:08:00]you should try to email yesasia, give them all the details of the book you want e.g. name of the book, name of the author, ISDN, publisher etc, and ask them whether they can order it for you! i tried it twice and they got me the books and DVDs i wanted!
哦.....原來西人口水多 ....
回覆刪除[版主回覆07/30/2009 19:03:00]"日式麵包王"係咁講~~~
見到咁靚既麵包，蛋糕書已經好想食
回覆刪除[版主回覆08/01/2009 00:39:00]妳同我一樣 - 食譜書都會睇到肚餓!
上次我去書展都買咗本整麵包嘅書『簡易家庭麵包制作』, 後來再行時都俾我見到你講個本『香港麵包』, 一睇我都覺得幾好, 令人易明又多香港食開又鐘意食嘅麵包, 如果唔係已買咗個本, 我都會揀『香港麵包』呀!
回覆刪除[版主回覆08/03/2009 04:07:00]其實妳都可以買埋架，睇多幾本唔同既書比較吓做法都好架! 煮任何野都冇話只得一個方法架嘛~~~