2009年7月21日星期二

二人世界9唔搭8套餐 - 2009年7月20日 (附食譜)



巨無霸薄餅 & 蕃茄銀芽碎牛湯

點解依個組合咁古怪既呢? 因為係我個古怪老公既主意!

星期六晚整薄餅仲有些少材料用剩,而且整pizza 好好玩~~~ 所以決定趁熟手再整多次! 本來我想整海鮮pizza,不過老公話都係想要雞肉...但我又唔想整同上次一模一樣喎,於是叫老公揀多一樣有少少創意既材料......

佢竟然揀咗煙肉!! (都好~ 煙肉減價! 哈哈~~~ )

 大家覺得依個未焗既版本似唔似"魚蛋薄餅"呢?

其實果d白波波係mozzarella cheese 來架! 返到屋企先發現我唔記得買芝士.......所以老公拿拿淋落返去近少少既Asda 買,不過Asda 冇Tesco 果種現成薄餅混合芝士,所以要mozzarella + cheddar 分開來買......

 可能波波太大粒,所以溶得唔夠徹底! 不過依隻mozzarella 幾好食~ 出來效果亦唔錯喎!


 見到雪櫃裡面有少少parmesan 芝士粉,pizza 焗完後灑埋上去......今次個pizza 好多材料都係left over,好有"科學怪人feel"!


至於個湯......本來我買材料係打算今朝整湯飯比自己做午餐,點知老公見到d材料,佢又話要飲埋一份~ 所以就出現咗滾湯配pizza 依個9唔搭8既配搭嘞!_1559.gif picture by veronica_tsim

巨無霸薄餅食譜click here~

蕃茄銀芽碎牛湯食譜click here~


5 則留言:

  1. 你個pizza整得好靚啊. 個湯看上去顏色都好配. 等我有機會都要跟你食譜做pizza & 湯.  在外國買餸都冇香港咁新鮮 & 咁多款, 所以我好多時都唔知煮咩.
    [版主回覆07/22/2009 17:04:00]多謝~ 樣樣都加d落pizza 多d顏色就靚架啦!
     
    就係因為外國買餸冇香港咁新鮮 + 多款,所以我地先要花多d心思唸多d新口味!
     
     

    回覆刪除
  2. 中西合璧,玩fusion
    [版主回覆07/22/2009 16:40:00]係呀~ 係呀~ 我一向都覺得Fusion = 9唔搭8!
     
     

    回覆刪除
  3. pizza你都識整....你真係好勁....
    [版主回覆07/22/2009 16:30:00]唔勁~ 好易整架咋,最緊要係個批底之嘛! 之後加材料去焗咁就搞掂嘞....幾容易!
     
     
     

    回覆刪除
  4. 好耐無買芽菜煮餸了..因為現在啲芽菜好鬼幼身...吾好食...你果邊啲芽菜怕吾怕又係咁?
    [版主回覆07/22/2009 16:25:00]我依度d芽菜仔成日都好靚架! 肥嘟嘟脆卜卜~~~
     
    如果妳怕幼身,不如試吓自己用綠豆發吖?
     
     

    回覆刪除
  5. 波波芝士好得意喎, 不過溶咗就感覺上好似卡通片中發毛咁。
    [版主回覆07/23/2009 17:32:00]唔係~ pizza 上面果d毛毛,係我焗完個pizza 後灑咗d parmesan cheese 粉上去呀!
     
     

    回覆刪除

Related Posts Plugin for WordPress, Blogger...