蕃茄銀芽肉碎湯; 節瓜瑤柱炆肉碎; 蠔仔煎蛋 & 炒菜芯
上個星期六買咗隻好靚好大隻既節瓜唸住用來滾鹹蛋肉片，點知星期日返6299度食飯，99割咗一大札自家種芥菜仔比我地...星期二滾咗芥菜仔鹹蛋肉片湯，所以隻節瓜留到今日......
屋企冇哂鹹蛋，老公又唔多鍾意食粉絲......所以就用隻節瓜來炆瑤柱肉碎! (本來想整肉丸，不過嫌麻鬼煩~~~)
喺雪櫃搵到3個蕃茄...一盒免治豬肉又炆唔哂......廢事唸咁多，買包芽菜仔滾埋佢! (不過依個湯用碎牛滾好味d!)
平時鴨蛋好鬼貴! 早幾日見Tesco 鴨蛋減價......
之前未買過鴨蛋......
老公覺得用鴨蛋來煎蠔餅好味d; 不過我反而覺得鴨蛋煎出來好"老"! 用雞蛋煎嫩d......(可能我煎得唔好啦~~~)
不過今次我好失策 -
我唔記得買莞茜呀~~~~~~~~蕃茄銀芽肉碎湯(參考食譜)click here~
節瓜瑤柱炆肉碎食譜click here~
蠔仔煎蛋食譜click here~
我都末買過鴨蛋
回覆刪除[版主回覆08/02/2009 05:24:00]我都係第一次買鴨蛋~ 不過我鍾意雞蛋多d!
鴨蛋原來整咗出嚟咁鬼靚架!
回覆刪除[版主回覆08/03/2009 04:34:00]不過我鍾意用雞蛋煎多d~~~
唔好意思, 我又想借妳呢度發佈風暴消息 !!!!! 真係一萬個唔該 .... 因為呢個風又好有可能直吹香港 ... 謝謝 .. 記得通知妳地係香港嘅親朋戚友做好防風准備 !
回覆刪除[版主回覆08/04/2009 06:10:00]唔洗客氣~ V媽媽今日同我通過電話，佢仲清楚過我!
嘩，好正呀!!!鴨蛋???我好似食過一次，我好小食架炸。
回覆刪除[版主回覆08/20/2009 20:29:00]多謝~ 咁妳有冇食過鹹蛋? 鹹蛋都係鴨蛋來~~~