2009年7月16日星期四

半失敗瑞士卷實驗 (2009年7月16日)

間中會有網友讚我煮野食叻,雖然我會好開心 ,但我會好老實咁答佢地 - 我並唔叻!

我並唔係"懶"謙虛...事實上我每次煮 / 整一樣新食物,我都係抱住做實驗既心態 - 預咗第一次唔會成功,要嘗試多幾次先可以掌握到技巧! (尤其係我最唔在行既baking......) 只係好多時"撞彩地"一次過就叫做成功~~~~_364.gif picture by veronica_tsim


就好似今日我既第一卷 - 瑞士卷......不過我唔會叫依個做失敗~  因為對我來講 - 已經成功咗一半!

已經想整瑞士卷好耐......


 所以早前特登買咗個整瑞士卷專用baking tin~ ("Tala"係一個頗出名既烘焙用具品牌!)

之前見整過瑞士卷既網友,佢地大部份遇到既問題都係 - 佢地會用海綿蛋糕食譜,但海綿蛋糕太乾...所以卷時好容易爆~ 有網友唸到用微濕毛巾墊住來卷,務求保持蛋糕濕度; 又有網友又會襯蛋糕仲有微溫,質感仍然柔軟時卷......


不過微濕既毛巾...會唔會整到蛋糕太濕or 容易發霉呢? 襯蛋糕微溫時卷...要搽cream 喎,咁d cream咪好易溶???

上次整過"日式棉花芝士蛋糕",記得蛋糕既質感,就算放涼咗都好鬆軟! 我就靈機一觸 -
_342.gif picture by veronica_tsim  可唔可以用棉花蛋糕來做瑞士卷呢?

於是上網做吓research,發現唸到依個idea 既已大有人在! 而且成品非常成功~~


  
所以今日我就用咗棉花蛋糕食譜來嘗試做瑞士卷~~~~ (冇芝士果喎!!!!)

蛋糕入爐後我就走去洗野......

so far so good......話咁快蛋糕就出爐嘞~~~ 洗野洗到忘哂形既我,忘記預先準備好一條用來倒扣時墊住蛋糕既布 / 牛油紙! 個timer 又不停咁響.......

棉花蛋糕要一出爐即時倒扣......

 所以忙亂中既我,將剛出爐既蛋糕倒扣喺乜都冇墊既竹砧板上! (P.S. 依塊竹砧板係我專用來整餅架~~ 唔係煮餸切材料果塊來架!!!)
當我撕緊牛油紙時......出事嘞!!!!!!!!!!!!!!!!!!!_363.gif picture by veronica_tsim


相信唔需要我多講,大家睇到塊砧板都應該知發生咗咩事......

 唉......

原本焗得好靚金黃色既蛋糕皮,已經冇得七七八八......


既然變成咁既樣,我都無謂搽忌廉嘞!

不如趁依個機會來練習吓卷瑞士卷啦......

 不出我所料 - 果然好好卷!!! 完全唔會爆~~~ 所以勉強可以話係一個"半成功"...

 難得地有一小部份既金黃皮得以保存,如果搽埋忌廉既話,真係可以呃得吓人架!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

不過今日既"半失敗"瑞士卷,令我發現一樣野 - 個個人用既baking tray 大細不一,所以我今日係照足網上既"日本棉花蛋糕"食譜份量來焗,而依個份量對我個瑞士卷焗盆來講太少嘞,所以焗出來既蛋糕唔夠厚!

_917.gif picture by veronica_tsim 等我聽日再戰瑞士卷時,我會將材料份量增加~~~~



16 則留言:

  1. 淨係揾到有芝士個譜, post埋個譜條link啊!
    [版主回覆07/17/2009 04:30:00]妳係咪想要淨棉花蛋糕既食譜呀? 定想要棉花蛋糕瑞士卷食譜?? 如果妳要瑞士卷,係冇架!
     
    不過如果妳只要棉花蛋糕食譜,妳打"日本棉花蛋糕"就有好多彈出來架嘞! 我冇save 條link,唔記得咗係邊個.....但有好多架,一定搵到!
     
     

    回覆刪除
  2. 如果以後再有失敗就益我啦﹗
    [版主回覆07/17/2009 04:36:00]我老公放工返來已經即刻同我搞掂咗成條嘞! 下次請早......
     
     
     

    回覆刪除
  3. 雖然你會話自己唔叻...但我覺得你真係好叻呢...
    我睇左你整腸粉同埋整菜肉包既食譜...
    個包我整得好失敗...d包粉好有問題...出左黎有「揀」水味... 結果要掉晒佢...=.= 之前又試過整腸粉...整到我發脾四掉晒d野...@@ 可能因為我冇你個d白布...粘到牙媽都唔認得...嗚嗚嗚...
    總之我d成品比起你個d真係...慘不忍睹咁啦...@@
    [版主回覆07/17/2009 04:54:00]多謝~ 不過我真係唔覺得自己叻啊! 可能我樣樣都試吓....試得多就自然試乜新野都比較易上手啩!!??!?
     
    我個菜肉包都包得唔靚啊......妳用現成包粉定自己調粉? 點會有梘水味架???
     
    白洋布好容易買到又好平~ 不如妳買一塊再試過整腸粉吖? 我相信做乜都係 - 一次唔得,試多幾次一定會得! 尤其係我得既.....就個個都一定得! 加油~~~
     
     

    回覆刪除
  4. 你點講/諗都好. 我都係覺得你好叻!!! 如果你都唔叻咁我咪好差好差?! 你整得好好好好呀! 
    BTW, 我update 咗我嘅啦. (其實冇乜特別. 得閒就探吓我啦.)
    [版主回覆07/17/2009 07:30:00]早少少先去過妳果邊,不過仲未update~ 一見妳話update 咗,即時過咗去!
     
     
     

    回覆刪除
  5. 妳真係好勁呀, 對我黎講已經好成功喇.
    不過有d 問題想問(希望妳唔會覺得白痴):  係咪因為妳時間耐咗先倒扣就會痴個皮係 砧板? 還是妳無用蛋糕既布/牛油紙先 會痴個皮係 砧板呢? 呢方面可以點改善呀?
    另外, 妳呢個棉花蛋糕對比日式棉花芝士蛋糕個食譜, 係咪只係少咗cream cheese, 其他材料都一樣? 我本身好想學整妳個日式棉花芝士蛋糕, 因為好鬆軟, 可惜我唔食芝士架, 我睇到妳話呢個棉花蛋糕係用日式棉花芝士蛋糕但無加芝士, 真係very happy 呀!
    [版主回覆07/17/2009 15:10:00]離成功仲有一段距離啊~ (不過希望距離不遠啦!!)
     
    人地話做棉花蛋糕要一出爐就脫模 + 去牛油紙(我唔知點解...); 因為我用來做swiss roll,最後點都要反轉金黃面向下,即時脫模後,蛋糕仍然濕軟,竹砧板又會吸水份....所以痴哂皮囉! 如果我倒扣喺布or 牛油紙上面應該冇問題!
     
    棉花芝士蛋糕 + 棉花蛋糕材料份量係唔同架! 妳去Yahoo search "日本棉花蛋糕",會有好多食譜彈出來架! 一定搵到~~~~
     
     

    回覆刪除
  6. 唔好意思, 仲有問題: 我見妳係 日式棉花芝士蛋糕食譜中的11." 取出蛋糕後立即脫模,並撕去牛油紙,放在蛋糕架上待涼即成 " 呢度無倒扣, 其實有同無倒扣會另個蛋糕有什麼分別呢? 
    [版主回覆07/17/2009 15:02:00]唔洗唔好意思!
     
    其實依個要倒扣係因為要卷嘛!  啡色既面要向外,所以咪要反轉囉~~~~
     
     

    回覆刪除
  7. 唔夠厚咩?我見你卷埋好似arm arm好咁, 好靚. 不過焗蛋糕我唔識嘅, 嘩, 茶埋d cream咪好味到震
    [版主回覆07/17/2009 15:12:00]我自己覺得厚薄咗少少......不過或者妳講得啱 - 可能搽埋cream 會啱啱好?!?!!! 我唔知呀~ 我自己都係烘焙超新手....
     
     

    回覆刪除
  8.  其實整出嚟都已經令人想食都好叻嫁喇﹗最重要一樣嘢係“勇於嘗試”呢種精神係值得學習
    [版主回覆07/17/2009 15:16:00]好彩點都有老公依個支持者啫!
     
    尋日個swiss roll 搞成咁,我特登唔洗個砧板,等老公返來睇 + 承機嗲吓佢......  佢即時幫我搞掂哂成條冇忌廉既瑞士卷!
     
     
     

    回覆刪除
  9. 唔好意思 ... 香港呢個星期日又打風啦 ... 好似仲幾正下, 不過天文台只係自己網頁顯示路經, 冇公開講 ....
    [版主回覆07/17/2009 15:18:00]唔該哂妳提醒大家!
     
    各位香港網友要做好準備嘞~~~~
     
     
     

    回覆刪除
  10. 你真係好犀利,樣樣都識整,今晚我都整咗你教嘅忌廉磨菇雞飯,不過係用罐頭 我老公話好好味
    [版主回覆07/18/2009 22:50:00]過獎嘞~ 我唔係樣樣都識整,我係樣樣都試整啫!
     
    妳講緊個白汁雞皇飯? 妳用忌廉蘑菇湯來整呀?
     
     

    回覆刪除
  11. 係呀!係白汁雞皇飯,不過我用忌廉蘑菇罐頭湯整,我記得你話都可以嘛,唔知有冇記錯呢?
    [版主回覆07/19/2009 00:33:00]當然係可以啦! 一樣好好食架~ 而且好方便!
     
     
     

    回覆刪除
  12. 其實都唔可以話唔成功,只係甩咗皮啫 ,但咁點起果陣會甩咗啲皮嘅?有無咩方法可以令佢起得梗好呢?我估比我起的話,我諗我會甩得更多
    [版主回覆07/21/2009 15:58:00]唔可以話唔成功; 不過又唔可以話係成功嘛! 所以我咪話係"半失敗"囉!
     
    個皮唔係我起蛋糕時甩既,而係我心急熄爐要求其攞塊竹砧板墊住,過咗1分鐘我搞掂咗其他野,想換咗塊砧板用紙 / 布來墊,就發現皮已經痴到砧板實一實........
     
    我睇過其他人既blog,佢地話應該用布喎!
     
     

    回覆刪除
  13. 我頭先係yahoo search 日本棉花蛋糕, 原來都係超簡單同埋都幾hit架喎!
    另外, 我見呢個瑞士卷都好靚, 所以copy咗條link for your reference.
    http://hk.myblog.yahoo.com/mc_kitchen/article?mid=298&prev=305&next=286
     
    另外, 我見到人地話問: 倒扣在甚麼樣的平面,才可以不損表皮的平滑度呢 ? 答案係: 倒扣 15 MINS後可以脫膜, 我係用2隻杯, 頂住個模邊去倒扣, SO 唔會影響CAKE既表面.
    [版主回覆07/21/2009 16:39:00]妳搵到嘞~ 咁咪好囉! 幾時開工呀?
     
    唔該哂妳比條link我! 我一陣去睇~ 不過我見好多人整瑞士卷焗盆會先鋪牛油紙,有牛油紙一倒扣就會脫模喎......我見到有人用布 + 卷得好靚,我唸住下次試下用布!
     
     
     
     

    回覆刪除
  14. 我唸住星期六開工呀!
    另外, 我試過就咁整海綿蛋糕, 當去到打蛋白個程序, 打極都打唔起, 即是打咗15分鐘度, 都仲係liquid, 妳知唔知有乜原因會令蛋白打唔起架?
    [版主回覆07/21/2009 22:49:00]蛋白打極都唔起,最大可能係雞蛋唔夠新鮮! (妳係咪用電動打蛋器?) 加少少他他粉會容易打起好多架,妳試試吖!
     
     
     

    回覆刪除
  15. 我唸住星期六開工呀!
    另外, 我試過就咁整海綿蛋糕, 當去到打蛋白個程序, 打極都打唔起, 即是打咗15分鐘度, 都仲係liquid, 妳知唔知有乜原因會令蛋白打唔起架?

    回覆刪除

Related Posts Plugin for WordPress, Blogger...