2009年6月16日星期二

V記朱古力雪糕


冇錯 - 我係唔鍾意食雪糕,不過我親手整雪糕! 咁當然係整比我親愛既老公食架啦~~~

邊個話整雪糕要用雪糕機架????

1. 材料: 重忌廉(Double Cream)500ml, 全脂奶235ml, 蛋黃3個, 糖霜120g, 幼鹽1/4茶匙, 可可粉3茶匙, 朱古力粒55g (搗碎)。

2.將全脂奶、可可粉和幼鹽用小火加熱(不要煮至滾!); 加入朱古力碎邊煮邊拌勻至朱古力完全溶化。

3. 蛋黃和糖霜用電動Mixer 打成吉士醬(custard)。

4. 將吉士醬慢慢加入(2)之朱古力奶內,邊加邊搞拌,並用小火慢慢加熱。(不要煮滾!)

5. 煮至吉士醬完全和朱古力奶拌勻,混合物微熱 + 變稠 ,將混合物盛入玻璃大碗內,再將玻璃碗坐入冰水中,待混合物冷卻。

6. 重忌廉用電動Mixer 打至挺身後,加入已涼的(5)中,再用Mixer 打勻。

7. 將拌勻好的(6)倒入容器中,放入冰格先冷凍45分鐘至1小時,取出用湯匙搞拌打勻,再放回冰格冷凍。

8. 重復(7)2至3次後,再冷藏3至4小時待雪糕完全凝固即可。

NOTE

- 食用前可先取出雪糕,放入普通格冷凍30分鐘後才食用,這時的雪糕會軟硬適中;

- 步驟(7)作用為打碎材料中的水份,在雪糕冷凍成型過程中結成的冰粒! 重復步驟(7)的次數越多,雪糕越香滑;

- 如果想雪糕中有朱古力碎(chocolate chips)既效果,可將部份朱古力碎,在步驟(6)中加入拌勻;

- 依個食譜係根據一個英文食譜而改良,材料係重忌廉(Double Cream),好鬼肥架!!! 如果怕肥既話,可以改用奶脂較低既淡忌廉(Whipping Cream)!

>>>>>>>>>>>>>>>>>>>>>>>>>>>>>>>>>>>>>>>>>>>>>>>
以上材料份量造出來既雪糕,剛好可以裝滿一盒900ml 既Carte D'or~ (我唔係唸住用個雪糕盒呃老公呀~ 我環保循環再用咋! )

老公已試過我親手整既雪糕........

 我: Hon~ 好唔好食呀?

 老公: 好正呀!!!!! 好滑~ 好滑~~~~

 我: 咁我整既雪糕好食吖,定街買既好食?

 老公: 緊係妳整既好食啦!

 我: From the bottom of your heart?

 老公: From the bottom of my heart!!!

雖然雪糕睇落唔夠朱古力色,不過其實朱古力味好香濃架~

講真.....我都覺得自己整得幾好味!




34 則留言:

  1. 你叻到令我無話可說,五體投地
    [版主回覆06/17/2009 17:06:00]多謝! 不過又唔洗咁誇張~~~
     
     

    回覆刪除
  2. So sweet of you to make this attempt even though you don't like ice cream!  So will you start liking desserts now?  I wanted to try making ice cream once but the 'beating' is a little troublesome. If not i don't 'beat' it well enough the ice cream won't be smooth enough. You must have put in a lot of effort to make the ice cream so smooth wor. (it's v smooth according to your husband. really??? haha! just jk!)
    [版主回覆06/17/2009 17:04:00]thanks~ i dont think i will ever like desserts in the rest of my life! however i enjoy making desserts cos i like to try new things!
     
    actually the beat part is not too bad - just use an electric hand held mixer, it's quick and easy!  ive tried some and it is very smooth~ try it yourself and you'll see~~~
     
     

    回覆刪除
  3. WAWAWAWA!!! This looks awesome!!! (That's my son's favorite vocabulary lately, other than, "Mommy, you look gorgeous!") I can't think of any word to describe your accomplishment!  I gotta try it!!!
    [版主回覆06/17/2009 16:58:00]thanks~ not just the look ga, it tastes awesome as well!  just it yourself and you'll see~~~~
     
     

    回覆刪除
  4. 原來唔用機都可做雪糕, 好叻呀! 當然最緊要你HONEY喜歡!
    [版主回覆06/17/2009 16:57:00]Thanks~ 因為老公鍾意食雪糕,好耐之前我都唸過買部雪糕機......好彩冇買到咋!!!
     
     
     

    回覆刪除
  5. Wow 你好叻!
    我想問如果唔用朱古力,用生果取代得唔得呢!
    [版主回覆06/17/2009 16:52:00]thanks~ 我都係處女下海咋!
     
    我本來就係想整芒果雪糕! 不過weekend 冇時間去印度店買靚芒果~ 我下次會試吓芒果或者士多啤梨!
     
     

    回覆刪除
  6. Double cream  = heavy whip cream in US?
    [版主回覆06/17/2009 16:48:00]erm.....im not sure whether you're talking abt whipping cream (need to be whipped) or whipped cream (already been whipped)? also i really dont know what double cream is called in the US........ however i guess you can try the heavy whipping cream!
     
     

    回覆刪除
  7. Gaileは林家歐巴桑2009年6月16日 下午8:55

    全脂奶係咪我地平時飲既全脂牛奶呀?我下個月都整俾我兩個姪試下先
    [版主回覆06/17/2009 16:42:00]係呀! 整咗話我知吖~~~~~
     
     
     

    回覆刪除
  8. Mee ...... MeeMoreMore2009年6月17日 上午12:28

    士V切 ~~~~
    [版主回覆06/17/2009 16:33:00]蝦蝦~~~~ 說高緊系士V切!
     
     

    回覆刪除
  9. 你好叻叻呀~
    [版主回覆06/17/2009 16:27:00]多謝~ 我唔係叻,不過我都好surprised 第一次整就成功!
     
     

    回覆刪除
  10. 用Dark D既Chocolate,正!
    [版主回覆06/17/2009 18:03:00]我都唸係因為我用咗牛奶朱古力,所以有味冇色! 等我下次試吓用dark chocolate 先~~~
     
     

    回覆刪除
  11. 犀利呀~連雪糕都整!
    [版主回覆06/18/2009 00:38:00]唔犀利~ 因為原來好易整架咋!
     
     

    回覆刪除
  12. 我好欣賞妳既廚藝
    [版主回覆06/18/2009 00:35:00]Thanks very much!
     
     
     

    回覆刪除
  13.   送妳五個   ﹗
    [版主回覆06/18/2009 00:35:00]我回禮5個 ~~~
     
     

    回覆刪除
  14. 咁啱既..我又係今日第一次整雪糕呀....係雲呢拿味...都OK既
    有雪糕機真係幾方便......GOOD.....你有無打算買返部呀..?!
    [版主回覆06/18/2009 00:34:00]盒雪糕我其實係前日整架,不過要等佢set 完影相,所以尋晚先放上來! (網誌日期係今日因為時差~)
     
    今次係我第一次整雪糕,唔洗用機都成功 (仲係好成功果隻喎!),咁仲洗乜買雪糕機呀?
     
     

    回覆刪除
  15. 係呢..重想問下...落幼鹽係有乜作用架呢...?!
    [版主回覆06/18/2009 01:39:00]鹽同冰會產生化學作用 - 降低溫度~ 所以製出來既雪糕冇咁快溶!
     
     

    回覆刪除
  16. 整得好掂喎 , 但要分幾次打嗎? 每隔幾耐打一次呢 ?
    [版主回覆06/19/2009 15:59:00]我都好surprised 出來既效果呀! 因為我預咗要試整幾次先會成功,點知第一次已經十足十似街買雪糕!
     
    未雪前咪分開煮朱古力奶 + 打custard 囉; 之後雪第一次(45分鐘後)打1次; 跟住我隔咗1粒鐘先打第2次~ 我總共打咗2次咋! 不過一粒冰都冇喎~~~
     
     

    回覆刪除
  17. 朱古力雪糕岩晒我二個靚囡...我只係識整芒菓雪糕咋...下次我都要跟你學整朱古力雪糕才得嘞....
    [版主回覆06/22/2009 07:29:00]我正想問妳個芒果雪糕! 我今日買咗芒果~~~~ 我記得妳教過我,不過我搵唔返妳個回應.......
     
     
     

    回覆刪除
  18. 想問問..碎朱古力..係吾係是旦買一排排果啲朱古力返黎整碎就ok呀?
    [版主回覆06/22/2009 07:30:00]我係用整蛋糕裝飾用既朱古力 (因為就手!)~ 不過我唸最好應該用黑朱古力,一來冇咁甜; 二來會深色d! 妳唔覺得我d雪糕唔夠啡咩???
     
     

    回覆刪除
  19. 我都好鍾意朱古力雪糕,幾時會有芒果呢??
    [版主回覆06/24/2009 21:01:00]啱啱出咗芒果雪糕食譜嘞!
     
     
     

    回覆刪除
  20. 我覺得外國成長嘅男仔, 會鐘意多用口表達自己嘅情感, 其實多用說話講好多人都鐘意架, 我都鐘意架!
    [版主回覆06/24/2009 23:17:00]我冇認真比較過外國 + 港男既分別~ 不過我以前香港既exes 都幾浪漫架!  咭呀、情信呀、公仔呀....樣樣都齊! 不過始終都係老公最perfect~~~~
     
     
     

    回覆刪除
  21. Gaileは林家歐巴桑2009年7月9日 上午6:48

    我大姑奶個兩隻皮蛋要返黎喇,所以要開始整喇!但我想問返你最尾既step講話先放冰格冷凍45mins-1hr,冰格即係最上層啦,咁最後你話冷藏3至4小時,即係下層普通格囉係嘛?d雪糕會凝固咩?我想攪清楚依兩個step先
    [版主回覆07/10/2009 00:37:00]點解妳會覺得凍藏就係放普通格? 如果係放普通格,我會講明係普通格架啦!
     
    以上所有step 全部都係講緊冰格~ 我之所以之前用冷凍,之後用冷藏,係因為"冷凍"過程要拌勻2至3次; 完成拌勻之後,就放喺冰格"冷藏"!
     
     

    回覆刪除
  22. Gaileは林家歐巴桑2009年7月9日 下午5:12

    因為我依邊冷凍係放冰格,冷藏即係普通格,所以要問清楚囉,我驚到時真係放曾晒咁就閉啦!都係攪清楚好d,而家明晒就唔會有問題啦....tyvm
    [版主回覆07/10/2009 15:31:00]係? 我真係冇見過 + 聽過有咁既分別! anyway 依個食譜係我翻譯一個英文食譜既,咁妳果度有冇double cream 賣?
     
     

    回覆刪除
  23. Gaileは林家歐巴桑2009年7月10日 上午2:02

    我係supermarket搵唔到double cream,所以我買左whipped cream,我見你話whipping cream都ok,同埋冇咁肥,岩晒我啦,heehee...
    [版主回覆07/10/2009 18:00:00]我見其他食譜係用whipping cream 咋~ 我自己未用過,唔知效果點架! 另外有網友兩種都用過,不過佢都話用double / thick cream 好食好多~~~~
     
     
     
     

    回覆刪除
  24. 經何媽介紹來到你這裏,今日跟你學整雪糕,好掂啊!多謝你既分享!
    [版主回覆03/14/2010 02:43:00]歡迎妳啊Hanna~  
     
    成功就好啦!  以前我都唸過買雪糕機,後來發現原來唔洗雪糕機都可以整到雪糕喎! 咁就可以慳返嘞~
     
     

    回覆刪除
  25. 我想問下呢~你識唔識整薄荷碎朱古力味呀?
    [版主回覆05/04/2010 20:13:00]我未整過薄荷碎朱古力雪糕~ 我 + 老公都唔鍾意薄荷味......
     
    不過如果整我會用薄荷朱古力 + 薄荷葉來整~ 薄荷朱古力整碎後,好似上面食譜既做法,但留返一半薄荷朱古力碎,留到step 6先加入去~
     
     

    回覆刪除
  26. hi~又係我呀!又跟你個食譜整左呀~step 7 我都打左4-5次, 之後雪左一晚, 味道好好味, 但係點解"不"出來好快溶, 好似好黏咁...食落口都幾多薄片既冰既...???
    [版主回覆05/09/2010 18:00:00]其實有薄冰片已經係一個証明 - 妳雪既過程中打得唔夠! 除咗打既次數之外,打既時候最重要係打得勻循,唔可以求其搞兩野就算~
     
    另外好快溶 + 好黏既問題有以下可能性:
     
    - step 3既吉士醬未完全打好;
    - step 4 + 5吉士醬 + 朱古力奶加熱得唔夠;
    - step 6忌廉打得唔夠挺身 - 尤其如果妳用whipping cream! 我用既係double cream 重忌廉,whipping cream 比較易溶 + 要耐少少時候先可以打挺~
     
     

    回覆刪除
  27. 係咪一定要將個待混合物冷卻.(5)
    另外識唔迫點整綠茶雪糕呀??
    我搵到個教整綠茶雪糕既~but步驟同你個d有d唔同..
    佢要放涼成3個鐘....(汗)
     
    同埋,唔用叉整鬆佢,用打蛋跆打鬆佢行嗎??
     
    http://www.christinesrecipes.com/2008/12/green-tea-ice-cream.html
    [版主回覆06/10/2010 19:07:00]當然要等混合物冷卻啦~ 如果唔係之後加打起咗既忌廉落去,咁忌廉咪會溶囉!!!
     
    我無整過綠茶雪糕,因為我老公唔鍾意! 不過做法都係大同小異既啫~ 我會將以上食譜(1)可可粉 + 朱古力粒自行改為綠茶粉 (依自己口味自行估計份量!)
     
    其實好多食物既做法都唔止得一個,當然會有唔同啦! 妳搵依個食譜係用雪糕機整既; 而我既做法就無用雪糕機! 睇吓邊個方法適合妳自己多d囉~
     
    另外可以用打蛋器打鬆~(其實我自己都係用打蛋器既!) 不過記住要用最慢速,如果唔係雪糕好易飛到周圍都係!
     
     

    回覆刪除
  28. 點解我雪完雪糕,拎出黎,都好似,成個石頭咁既~~
    要拎出黎一陣,慢慢"筆",之後食食下先"筆"得順....
    好似平時咁,要溫室放軟咁..(汗)
    打得唔夠多??定因為煮個陣太杰?
    [版主回覆06/30/2010 16:47:00]家用雪櫃冰格同超市雪櫃唔同!
    上面已經講咗食雪糕前先放普通格30分鐘先不來食~
     
     

    回覆刪除
  29. 想問下磅幾多g個d磅叫做咩磅呀??thx
    [版主回覆07/15/2010 06:41:00]其實我唔係好清楚妳個問題........
    不過我估妳應該係指電子磅~
     
    好似依個咁.....
     

     
     

    回覆刪除
  30. 如果整雲呢那味..點整呀 thx
    [版主回覆07/18/2010 17:58:00]唔用朱古力~ 改用1枝原枝雲呢拿條 - 打直中間切開,用刀刮出雲呢拿籽,將雲呢拿籽 + 條一齊放入step 2牛奶裡面煮,完成step 2後撈出雲呢拿條~ 其他step一樣,不過因為無咗朱古力既甜味,要因自己喜好自行調較過糖霜份量~
     
     

    回覆刪除
  31. 啲雪糕真係整得好靚喎!
    [版主回覆04/09/2011 23:17:00]多謝肥姨讚賞! 仲幾好味架~
     
     

    回覆刪除
  32. 谢谢分享!
    [版主回覆05/23/2011 18:31:00]唔洗客氣!
     
     

    回覆刪除
  33. i owes wanted to make ice cream but my partner wont let me buy the ice cream maker.. now i see this recipe.. i'm soooooo gona try it out!! hopefully it will turn out nice.. i'm super motivated to try out all your recipes, they seem so easy yet so tasty.. very HK leh.. heheh... so satisfy my HK taste-bud while i'm not there. thanks so much
    [版主回覆05/25/2011 08:28:00]you're welcome nickicatt!  are you living in the UK as well?
     
    i wanted to buy an ice cream maker before cos i didnt know that you can make ice cream without an ice cream maker.....im now so glad that i didnt buy it!  
     
     

    回覆刪除
  34. no.. i'm living on the other side of the world in NZ... LOL 哩度無嘅野多過你嗰度 but i'm making do with homemade HK food loh~~ heheh
    [版主回覆05/27/2011 01:42:00]OIC!
     
    其實好多時同其他住外國既網友傾談下,我發現我依邊買到既食材選擇已經叫做非常唔錯! 而且依度既中式超市越來越進步呢~
     
     

    回覆刪除

Related Posts Plugin for WordPress, Blogger...