TK Maxx 小血拼 (2009年6月7日)
今日(6月7日)去咗shopping~ 大部份收穫又係廚具! 
覺得用開既Tefal grill pan 坑紋唔夠深，煎出來既牛扒唔夠靚......早2、3個星期開始物色一個新既grill pan......今日本來唸住去完TK Maxx，就去Ikea check 吓......點知比我喺TK Maxx 搵到個合哂我心水100%既grill pan!
唔洗特登去Ikea~~~~
依個意大利製既grill pan，無論size, 重量, 外形......都完全合乎哂我所有要求!! 
坑紋深度 + 闊度都啱啱好!
而且木手柄仲可以摺埋，非常慳位!!!
好期待用佢來煎牛扒啊~~~~~
最近見到好幾位網友都整戚風蛋糕，搞到我都心思思......
於是買咗個22cm 戚風蛋糕模~ 本來想搵個silicone 既模，不過冇! 見依個size 啱啱好，花紋又幾靚~ 照殺啦!!!
蛋糕架~ 之前整過蛋撻，當時冇用蛋糕架來放涼蛋撻，水份令放涼咗既蛋撻底部變稔......
因為有型 + 靚而買既杯架連6隻杯......
米色迷你Le Creuset 心型有蓋ramekin~
不過我唔係用來焗野! 我廚房通常會有一兩個新鮮未用既蒜頭，所以我係用來裝未用既蒜頭! 貪佢個樣靚~~~~
雖然話咗唔再買鞋.........
不過依對銀色高跟鞋，我著得實在太靚嘞!!!!!! 
搞到我又失手......
其實仲買咗個靚靚Calvin Klein bra bra......不過咁私人既野，緊唔post 出來啦! 
TK Maxx~~~ 我愛你!!!!!
敗家萬歲、敗家萬歲、敗家萬歲!!!
回覆刪除[版主回覆06/08/2009 18:07:00]少少收鑊啫! 咁都算敗家就屎咯~~~~
Le Creuset 心型有蓋ramekin~ <<<我都有呢個呀....真係超級鐘意..
回覆刪除[版主回覆06/08/2009 18:06:00]係呀~ 咁妳果個咩色架?
我最唔鍾意Le Creuset 招牌火山色! 太鮮艷嘞......
你對高踭鞋好靚呀,我最鍾意呢隻鞋踭喇。
回覆刪除[版主回覆06/08/2009 18:02:00]thanks~~~
我買高踭鞋反而好少留意個踭~ 我只睇款、我著得好唔好睇 + 舒唔舒服!
最開心買到啱心水既廚具......依家買野都要諗清楚..因為已經唔夠位放...但近日又想買個kitchenaid既....stand mixer...
回覆刪除[版主回覆06/08/2009 17:59:00]我廚房都爆哂棚.....
我本來都想買個stand mixer (我已有個hand mixer)，所以早排做咗好多research，不過大部份人都話stand mixer 唔夠hand mixer 好用! 佢地話無論平貴都好，底部材料都打唔勻要用手打.......所以我已決定咗唔買，反正都有個hand mixer~~~~
你都好鍾意白色
回覆刪除對鞋咁靚，真係好難忍到手，我都鍾意
[版主回覆06/09/2009 08:22:00]對鞋其實係銀色來架!
廚具都話因為我要用但我又未有而買......
不過鞋 + 手袋我依2個最大弱點......我都自覺經已到咗有少少病態既地步.........
哇哇哇 ..... 又買野 ! 妳就好啦 ! 又羨慕又妒忌 !
回覆刪除[版主回覆06/09/2009 08:19:00]今日又有買野........買咗條新冚裙........
咁等我試下...話過你知....
回覆刪除[版主回覆06/09/2009 08:17:00]我喺電器舖研究過實物，我都有其他用過Stand Mixer 網友既同感........
對high heel都幾靘呀,我又係星期六敗家左少少....
回覆刪除[版主回覆06/09/2009 08:14:00]今晚去冚著咗對新鞋!
相比起以前，我而家咁既小血拼算"慳家"架嘞!
我今日又上網買咗條冚裙.....
不過 禾最鍾意 Le Creuset 招牌火山紅色 wow ~~~~ 心型應該係紅色咖嘛~!!!
回覆刪除[版主回覆06/09/2009 15:41:00]咁個個人喜好唔同既! 最衰shop 冇黑色心型咋，如果唔係我想要黑色!!! cool~~
妳果然久唔久就幫妳嘅廚房加添"新成員"喎 哈哈哈, 不過個心型有蓋ramekin又真係幾靚喎
回覆刪除[版主回覆06/09/2009 15:46:00]好多時煮野食要力遵完美，就要有專用工具! 開講都有話 - 工欲善其事，必先利其器~ (依個理由唔錯啊呵???? )
呢個 ramekin 我都有一對, 橙+綠. 我最 like 整到個廚房好 colorful. 感覺開心 d.
回覆刪除我都有幾個 friend 用 KA 既 stand mixer, 佢地既 comments 係超好 ga.
[版主回覆06/09/2009 15:53:00]咁我唸每個人品味喜好都唔同既~ 我廚房用具大部份係白色，我接受唔到五顏綠色，感覺立立雜雜唔統一!
不過我用過stand mixer 既朋友 + 網上用家既review，大大話話都睇咗幾十個reviews....幾乎都係一面倒有同一個問題 - 底部材料打唔勻! 何況stand mixer 做到既野，hand mixer 都同樣做到~~~~
Stand mixer 既最大優點係放曬 d 野入去唔洗理, 可以行開整第 2 d 野. 不過好多整包包既人, 就唔多 like 用 hand mixer. 因為麵團太重, hand mixer 唔夠力. 會好易整壞個 mixer. 我有個 friend 就係咁壞左部 hand mixer 而換左部 KA.
回覆刪除不過, 我整包包都係用麵包機整, 我都無親身體驗過.
[版主回覆06/09/2009 18:18:00]d野入去唔洗理 <///// 我當初都係依個原因(懶)而想買個stand mixer~
包我未整過，不過我見好多食譜都係用人手mix 麵粉既~ 蛋糕就好多人都話用hand mixer 好好多!
我鐘意套杯呀! 你又買咁多廚具, 俾著我諗放係邊都好頭痛...
回覆刪除[版主回覆06/10/2009 17:48:00]咁如果真係放唔落既話，我都唔會買既~~~~
謝謝您那麼喜愛用 Le Creuset, 我們剛剛在 Yahoo 開了 Le Creuset 的 Blog, 希望可以多多和客人溝通 , 也可盡量解答客人的問題 , 多謝繼續支持 ! 有時間就上來睇下啦 !
回覆刪除