唔知大家有冇食過依隻日本芝士蛋糕呢? 
有次冇意中見到泗和行有依隻芝士蛋糕賣~ 雖然係日式芝士蛋糕，不過口感同早年喺香港大熱，要排哂大隊先買到既伊滕家日式芝士餅，口感味道完全唔到!
雖然當年伊滕家咁受歡迎，不過當年我試過一啖之後，並冇好似其他人咁為之瘋狂，而且我對伊滕家果種日式芝士餅裡面濕濕地似豆腐既口感冇乜好感........
一打開包裝袋就聞到一陣好香既芝士香味~~~ 口感乾身但超級鬆軟! 非常好味!!! 而且依隻芝士蛋糕可以放入冰格儲存，食前只需要放室溫15分鐘解凍就可以食用，我冰格經常都有幾隻存貨~~~
不過依隻蛋糕都幾細隻! 我最多6啖就食哂1隻......而且幾貴，要£1.75一隻~ 唔知有冇網友食過依隻日式芝士蛋糕? 大家有冇類似既日式芝士蛋糕食譜提供呢??? 
我肥唔敢食芝士,所以無點留意.
回覆刪除[版主回覆07/02/2009 03:02:00]芝士係奶類製品來，應該唔會好肥吓哇!!?!??
HK有間叫 yamazaki 既日式麵包店都有得賣依款 cheese cake
回覆刪除芝士好肥但好味
回覆刪除[版主回覆07/02/2009 03:04:00]芝士真係咁肥咩? 我都幾鍾意芝士~~~~
我自己未食過，淨係買過比對仔女食咋，仲有一隻差唔多樣，不過係杏仁蛋糕，兩隻佢地都幾鐘意。你娘家嗰頭都有間架 (係彌敦道，警署斜對面，隔離好似係屈臣氏)，下次返黎買件試下
回覆刪除[版主回覆07/02/2009 18:21:00]好呀~ 下次返香港一定會試吓!
不過妳知唔知果個蛋糕叫咩名? 我想睇吓搵唔搵到食譜~~~
詳細名唔記得啦，等我買件返黎話比你知，不過佢好衰，唔係日日都有 上次買佢，都係因為想買杏仁蛋糕買唔到，買件芝士蛋糕瞞過兩隻馬騮，因為外型一樣咁滯
回覆刪除[版主回覆07/03/2009 00:53:00]咁妳見到時先買啦! 我唔急既~ 暫時唯有食住鎊幾銀得細細舊既芝士蛋糕先啦!
我都覺得伊騰家個隻芝士蛋糕無乜好食咋嘛, 我試過一次後就無再買喇, 始終我都係鐘意食硬嘅芝士蛋糕。
回覆刪除[版主回覆07/04/2009 01:45:00]我完全唔鍾意伊滕家! 我依隻唔係硬芝士蛋糕，不過唔似伊滕家~ 依隻好香好鬆軟好好食!!!