2009年6月1日星期一

失守! Kenwood 攪拌機



當我有計劃地打算買一樣野,而果樣野又唔急住用的話,我多數唔會即時買,我會周圍格價比較~ 就係因為咁......我經常都買到筍野!

不過如果我冇計劃咁"撞啱"我認為好抵既special offers,我既"自我控制購物能力"就會突然急降到最低指數!! 依個時候我就會唸吓果樣野我會唔會有用~ 不過多數都唔work - 因為就算果樣野我本來冇用,我都會唸辦法令佢變得有用!

上星期我整爛咗個吸塵機......連吸塵機都比我整爛,就知我幾咁勤力做家務啦~~~
所以剛過既weekend 第一時間去買返個吸塵機! 依個算係有計劃果隻......

不過喺冇計劃之下......

 我買咗個Kenwood 攪拌機~ 除咗有2個容杯之外......

 仲有High + Low 2個唔同speed~

 我仲即時用佢來整杏仁糊呢!

 其實我本身都有一個買咗成年,但一次都冇用過既手動攪拌機,所以基本上唔買依個Kenwood,都可以整到杏仁糊! 不過依個Kenwood 實在太抵又靚仔~~~ 令我欲罷不能!!!

 經過Primark 又入去及及~ 上次買果對金色芭蕾舞鞋,好想買埋對銀色,不過當時銀色冇我size......今次有嘞! 拿拿淋攞去比錢!

 廚房碗碗碟碟已多到爆哂棚! 同自己講過暫時唔再買碗碟住~ 不過見到靚仔白瓷兜,又忍唔住買咗2個......



11 則留言:

  1. Mee ...... MeeMoreMore2009年6月1日 下午6:51

    因為就算果樣野我本來冇用,都會唸辦法令佢變得有用 , 就算果樣野唸唔倒辦法令佢變得有用,都會將佢買咗番屋企先~~~~

    回覆刪除
  2. Mrs Williams 威廉C太太2009年6月1日 下午7:00

     ...又出事啦...英國同澳洲一樣, 成日都有好多speical offer, 有時 50% - 75% off.......點忍呀....
    我今個星期病鬼左, 如果唔係我呢個long weekend都出事...3日係家無出過門口...不過尋日朋友話比我知某某百貨公司有架玩具車, 由百幾蚊, e 家只係25蚊.....75% off...我緊係叫朋友幫我買左佢比秋天啦, 唔出街都買到野......死咪
     
    [版主回覆06/02/2009 17:31:00] 經濟唔好嘛,周圍都多咗好多special offers 囉! 邊個話買野一定要出街架? 我經常都上網買衫買鞋買書架啦!
     
     
     
     
     

    回覆刪除
  3.   我都覺得銀色型D,又好襯衫
    [版主回覆06/02/2009 17:33:00]金 + 銀都好易襯得好睇架! 我上次已經想買哂金 + 銀~ 不過我對腳好細,而依度好少細size,所以上次買得金色咋~~~~
     
     

    回覆刪除
  4. 其實你個攪拌機同手動攪拌器, 第時用嚟整野俾bb食時都好啱用架, 攪拌機可整果汁, 或攪爛啲疏菜或做生果糊仔都好有用架, 我都買咗個, 不過都未用過 , 用埋個手攪拌器可用嚟攪爛啲肉碎俾bb煲粥仔, 我都係買bb食譜裡面見到呢啲用具, 其實唔用都得嘅, 我都係叫工人姐姐用刀切爛啲肉碎同疏菜, 係整耐啲, 但唔駛洗唔咁多野。
    [版主回覆06/02/2009 17:59:00]係呀~ 不過依2個工具我而家都好有用架! 老公鍾意飲芒果沙冰; 煮西湯; 整沙律汁啦.......而且我依個好方便,用完都係洗2舊野啫 - 杯 + 刀~ 我覺得我冇買錯佢!
     
     
     

    回覆刪除
  5. 手動那個我都有買,買的時侯同自己講幾方便同有月但,.......買左2年未用過
    [版主回覆06/03/2009 05:32:00]因為我一時失守,而家個手動真係唔知要來做咩嘞......
     

    回覆刪除
  6. 手動那個我都有買,買的時侯同自己講幾方便同有月但,.......買左2年未用過

    回覆刪除
  7. 如果你住係香港就大件事啦 邊得黎咁多位放野呢
    [版主回覆06/03/2009 05:31:00]都唔係架~ 香港V家一樣有好多煲煲餐餐架!
     
     

    回覆刪除
  8. 我鍾意銀色對鞋
     
    [版主回覆06/03/2009 05:30:00]金 + 銀我都鍾意!
     
     

    回覆刪除
  9. wah...真係大失守WOR~
    [版主回覆06/04/2009 17:16:00]我已在進步中......比以前好好多架嘞!
     
     

    回覆刪除
  10. 嘩~~ 呢對金銀鞋好靚喎~~~ 係呢, 香港有冇得賣架? 我個fd就黎結婚, 想幫下佢物識一對舒服又靚既結婚鞋(佢唔著高踭, 話驚會pk喎~)
    [版主回覆06/04/2009 17:15:00]係呀~ 依對鞋又靚又舒服,所以我買哂金 + 銀呢! (其實仲有黑、啡 + 白架~) 香港冇Primark,不過妳可以試吓依2個Yahoo 拍賣賣家:
    http://hk.user.auctions.yahoo.com/hk/user/jody56789
     
    http://hk.user.auctions.yahoo.com/hk/booth/hohooyeah
     
    佢地2個都有代買Primark 產品架!
     
     

    回覆刪除
  11. 嘩~~ 唔該晒~~~ 鍚晒你~~ 等我send你呢條link比我個fd睇先~~ 唔該晒呀~~
    [版主回覆06/04/2009 18:28:00]唔洗客氣啦! 衰鬼~~~~~
     
     
     
     

    回覆刪除

Related Posts Plugin for WordPress, Blogger...