2009年6月26日星期五

I can't believe Michael Jackson is dead!!! (2009年6月25日)


尋晚突然收到姑仔sms,話比我地知Michael Jackson 死咗! 我 + 老公都覺得好震驚!!!!!

MJ並唔係我偶像~ 不過唔知點解每次喺電視睇到佢既MV,我都會將自己手頭上做緊既野放低,睇完MV先繼續 - 佢就係有一種咁神秘既吸引力! (我睇MJ既MV研究咗好多次,仍未figure out "moon walk"究竟係點.......)

毫無疑問MJ每一個performance 都好精彩,雖然我唔特別鍾意MJ,但我認為佢真係一個不可多得既天生巨星! 所以當我早排知道佢會喺英國O2 Arena 開show 時,我都有唸過想去睇,once of a lifetime 既機會啊!!! 而且佢話到明係英國最後一次演出.......但依個念頭只一閃就閃過咗 - 因為我知道一定唔會買到飛......(事實上佢演唱會既飛開售1粒鐘已賣鬼哂!)

有好多人覺得MJ行為好怪 + 整容整到好恐怖~ 講真,一個出名到咁既人 - 去到邊都人人認得佢,個個會為佢瘋狂 + 發癲咁追住佢幾條街......比在我做佢,我既行為可能會更怪! 

至於佢整容,曾經睇過花邊新聞話MJ講過 - 因為佢唔想似自己爸爸! 話明係花邊~ 所以係唔係真就唔知嘞......不過係都唔出奇,因為MJ 5歲開始就要不停表演,而MJ爸爸就係"Jackson 5"既經理人,管得佢地好嚴,令MJ完全冇咗童年......

近年MJ出現好多負面新聞,最負面既莫過於佢性侵犯兒童既官司~ 不過其實我從頭到尾都完全唔信MJ有性侵犯過任何小朋友! 我唔係肯定話佢唔會,不過我覺得佢唔需要咁做~ 佢去到咁既位,只要洗少少錢應該好多人會幫佢辦事,而唔需要冒咁既險! 況且如果佢真係有做過,一次好彩脫到罪,次次都會咁好彩咩? 個人認為所謂既受害人,想從中搵著數既機會大好多!

Michael Jackson 由5歲開始,每一刻都受全世界人注目~ 佢真係一個legend! 我相信以後都會後無來者.......RIP~




沒有留言:

發佈留言

Related Posts Plugin for WordPress, Blogger...