早2個星期已經想去Hilton 食自助餐!
尋日(6月20日)老公要返半晝，中午老公放工返緊屋企時打電話話我知，佢book 咗位8pm~ 叫我lunch 唔好食咁飽!
原來尋晚Take That 喺Glasgow SECC 開show!! 搞到Hilton car park full 哂冇位泊車~ 老公唯有挺而走險 - 泊咗喺一條幾隱閉既街雙黃線! (好彩冇比人抄牌咋!!!
)英國既自助餐同香港既點都冇得比架嘞! 又貴又冇香港咁多野食~ 不過有既都係精選果隻! 喺Glasgow 來講，Hilton 既自助餐最豐富又最正!!!
今次有個魚菜叫做"Coley in Veronique Sauce"~ "Veronique" 係我英文名"Veronica"既法文! 哈哈~~~~ 真係唔食過都唔知有個咁既汁! "Veronique Sauce" 係一種用忌廉、香草 + 青提子煮出來既汁，味道帶少少甜，都幾好味架!
奇怪既事發生嘞! 一向去Hilton 食自助餐，老公一定唔會錯過佢地既甜品，次次最少食2碟! 而且尋晚仲有好多新款野: Creme Brulee、士多啤梨忌廉蛋糕、朱古力蛋糕、芝士餅.......不過老公竟然話唔食!!!
因為老公話要留返少少位，返屋企食我整咗既北海道戚風蛋糕喎!
你整咩比你老公食..佢都食得好濕味架啦...哈哈
回覆刪除[版主回覆06/22/2009 07:03:00]哈哈~~~ 未必關我事喎! 佢為食啫~~~~
喂喂~~~ 妳比我條報紙雜誌link 摺咗呀!!! 仲有冇其他link 可以睇到壹週呀???
你老公食完你整既CAKE....變咗...'牛奶妹'...既...
回覆刪除[版主回覆06/22/2009 17:32:00]哈哈~~~~ 又幾似喎! 不過就算係都應該係"牛奶仔"啦!!! (牛奶仔冇伸脷既咩?????)
你兩個去食 buffet 真係抵ar~~~ hahaahaaaaaaaa
回覆刪除[版主回覆06/22/2009 17:33:00]都幾架! 唔知Hilton 會唔會怕咗我地!
妳老公真係比面妳,自在餐唔食甜品,留返果肚食妳整嘅戚風蛋糕,開心食啦
回覆刪除[版主回覆06/23/2009 16:08:00]我以為佢食錯野呀!!!
你地咁食得，最好食Buffet
回覆刪除[版主回覆06/24/2009 20:13:00]我都覺得我地去食buffet 好抵! 餐廳就蝕本嘞~~~
你老公都好鐘意成日帶你出街食喎, 真係好呀, 我都好鐘意間唔中出去食, 去試新野, 你老公仲要尊登唔食個到嘅甜品, 留肚食你整嘅甜品, 對你整嘅野食真係好診惜同尊重呀!
回覆刪除[版主回覆06/24/2009 22:45:00]我地每個weekend 都出街食飯架! 不過有時成日去同一個地方，所以我唔會每個星期都出post!
哈哈~~~~ 咁都要我整既野老公覺得好食，佢先會留肚食我果d架! 老公其實都幾奄尖架~ 佢唔鍾意食既野，我點勸佢最多只會食一啖，跟住同我講話佢唔鍾意!
你睇你老公幾鍚你~出去食完都仲留個位比你的蛋糕!
回覆刪除[版主回覆06/26/2009 23:10:00]佢為食啫!